డివైడర్‌ను ఢీ కొట్టి గాల్లో లేచి పడ్డ బస్సు.. సీసీటీవీ విజువల్స్ చూస్తే షాక్ అవ్వాల్సిందే!

Kerala Bus Accident: కేరళలోని మలప్పురం జిల్లా కుట్టిపురం వద్ద నేషనల్ హైవే 66పై ఓ భయానక బస్సు ప్రమాదం చోటుచేసుకుంది. త్రిస్సూర్ నుంచి కోజికోడ్ వైపు వేగంగా వెళ్తున్న బస్సు, భారీ వర్షం కారణంగా ఒక్కసారిగా డ్రైవర్ నియంత్రణ కోల్పోయింది. రహదారి తడిగా ఉండటంతో డ్రైవర్ బ్రేక్ వేసినప్పటికీ, బస్సు అదుపుతప్పి జారుకుంటూ వెళ్లి రోడ్డు పక్కనే ఉన్న డివైడర్‌ను అత్యంత వేగంగా ఢీకొట్టి బోల్తా పడింది.

ఈ ప్రమాద ధాటికి అక్కడ పార్క్ చేసి ఉన్న ఒక కారు కూడా పూర్తిగా ధ్వంసమైంది. తీవ్రంగా జరిగిన ఈ దుర్ఘటనలో ఒకరు అక్కడికక్కడే ప్రాణాలు కోల్పోగా, దాదాపు 30 మంది ప్రయాణికులు తీవ్రంగా గాయపడ్డారు. క్షతగాత్రులను వెంటనే స్థానికులు, పోలీసులు సమీపంలోని ఆసుపత్రులకు తరలించారు.

ఈ ప్రమాదానికి సంబంధించిన భయంకరమైన దృశ్యాలు అక్కడి సీసీటీవీ కెమెరాలో స్పష్టంగా రికార్డయ్యాయి. బస్సు రోడ్డుపై జారుకుంటూ వచ్చి డివైడర్‌ను ఢీకొట్టిన తీరు చూస్తే ఎవరికైనా వెన్నులో వణుకు పుట్టాల్సిందే. ప్రస్తుతం ఈ యాక్సిడెంట్ వీడియో సోషల్ మీడియాలో విపరీతంగా వైరల్ అవుతోంది.

ఘోర ప్రమాదం.. బస్సు ఎలా దూసుకెళ్లిందో చూడండి!

కేరళంలోని కుట్టిపురం వద్ద NH66పై ఓ బస్సు అదుపుతప్పి బోల్తా పడింది. బస్సు త్రిస్సూర్ నుంచి కోజికోడ్‌కు వెళ్తుండగా డ్రైవర్ నియంత్రణ కోల్పోయాడు. దీంతో బస్సు రోడ్డుపక్కన డివైడర్‌ను ఢీకొని దానిపై బోల్తా పడిపోయింది. ఈ ప్రమాదంలో ఒకరు… pic.twitter.com/WoWHx9GJY1

— BigTV APP (@BigtvApp) July 26, 2026