Air India Engine Damage: ఢిల్లీ నుంచి న్యూయార్క్ (JFK) బయలుదేరిన ఎయిర్ ఇండియా విమానం (AI101) ఊహించని పరిణామాల మధ్య తిరిగి ఢిల్లీ విమానాశ్రయంలో అత్యవసరంగా ల్యాండ్ అయింది. ఇరాన్ గగనతలం అకస్మాత్తుగా మూతపడటంతో, ముందుగా నిర్ణయించిన మార్గంలో ప్రయాణించడం సాధ్యం కాక పైలట్లు విమానాన్ని వెనక్కి మళ్లించారు. అయితే, ఢిల్లీలో ల్యాండ్ అయిన తర్వాత దట్టమైన మంచు కారణంగా ట్యాక్సీ వేపై ప్రయాణిస్తుండగా, విమానం ఇంజిన్లోకి ఒక అపరిచిత వస్తువు వెళ్లడంతో కుడివైపు ఇంజిన్ తీవ్రంగా దెబ్బతింది.
ఈ ప్రమాదం జరిగిన సమయంలో విమానంలో ప్రయాణిస్తున్న ఒక ప్రయాణికుడు తీసిన వీడియో ఇప్పుడు సోషల్ మీడియాలో వైరల్ అవుతోంది. అందులో విమానం రన్వేపై నిలిచి ఉండటం, సిబ్బంది దెబ్బతిన్న ఇంజిన్ను పరిశీలించడం కనిపిస్తోంది. అదృష్టవశాత్తూ, ప్రయాణికులు సిబ్బంది అందరూ సురక్షితంగా ఉన్నారని, విమానాన్ని కేటాయించిన పార్కింగ్ స్టాండ్కు తరలించినట్లు ఎయిర్ ఇండియా ప్రతినిధి తెలిపారు.
తాజా ఘటనపై ఎయిర్ ఇండియా స్పందిస్తూ.. ప్రయాణికులకు కలిగిన అసౌకర్యానికి విచారం వ్యక్తం చేసింది. బాధితులకు ప్రత్యామ్నాయ ప్రయాణ ఏర్పాట్లు లేదా రీఫండ్ అందజేస్తున్నట్లు ప్రకటించింది. భద్రతే తమ మొదటి ప్రాధాన్యతని ఎయిర్ ఇండియా స్పష్టం చేసింది.
#WATCH | A container got sucked into an engine of the A350 Air India aircraft at the Indira Gandhi International Airport (IGI) in Delhi, damaging the engine of the jet.
A video, seemingly captured by a passenger who was on board the aircraft, showed the aircraft stationed on the… pic.twitter.com/zCrx96YbjQ
— Hindustan Times (@htTweets) January 15, 2026
Read Also: ఎస్ఐ వాహనం బీభత్సం.. ఒకరి మృతి, మరొకరికి తీవ్ర గాయాలు
Share
Gandhi Bhavan: గాంధీ భవన్లో భారీ పాము కలకలం.. సంక్రాంతి సెలవులతో తప్పిన పెను ప్రమాదం!
Telangana: మానవత్వం చాటుకున్న రేవంత్ సర్కార్.. గల్ఫ్ కార్మికుడి మృతదేహం తరలింపుకు రూ. 1.50 లక్షల సాయం
