Delhi Republic day Celebrations: దేశ రాజధాని ఢిల్లీలో గణతంత్ర వేడుకలు అంగరంగ వైభవంగా సాగాయి. ఈ సందర్భంగా ఏర్పాటు చేసిన సైనిక విన్యాసాలు చూపరులను విపరీతంగా ఆకట్టుకున్నాయి. వాటితోపాటు ఆపరేషన్ సింధూర్లో వినియోగించిన మిస్సైళ్ల వ్యవస్థ చాలామందిని ఆకట్టుకుంది. ఈసారి ముఖ్యఅతిథులుగా యూరోపియన్ కౌన్సిల్ అధ్యక్షుడు ఆంటోనియో కోస్టా, ఐరోపా కమిషన్ అధ్యక్షురాలు ఉర్సులా వాన్డెర్ లేయెన్ హాజరయ్యారు.
ఢిల్లీలో ఘనంగా రిపబ్లిక్ డే వేడుకలు
దేశ రాజధాని ఢిల్లీలో 77వ గణతంత్ర వేడుకలు వైభవంగా సాగాయి. సోమవారం ఉదయం 10.30 గంటలకు కర్తవ్యపథ్లో రాష్ట్రపతి ద్రౌపదీ ముర్ము జాతీయ జెండాను ఆవిష్కరించారు. ఆ తర్వాత శుభాంశు శుక్లాకు అకోశ చక్ర పురస్కార్ ప్రదానం చేశారు రాష్ట్రపతి. వందేమాతరానికి 150 ఏళ్లు ప్రధాన ఇతి వృత్తంతో ఈ వేడుకలు సాగాయి.
అనంతరం సైనిక దళాల కవాతు మొదలైంది. ఈ వేడుకలకు ప్రధాని నరంద్రమోదీ, ఉపరాష్ట్రపతి సీపీ రాధాకృష్ణన్, కేంద్రమంత్రులు హాజరయ్యారు. ఈసారి ముఖ్య అతిథులుగా యూరోపియన్ కౌన్సిల్ అధ్యక్షుడు ఆంటోనియో కోస్టా, ఐరోపా కమిషన్ అధ్యక్షురాలు ఉర్సులా వాన్డెర్ లేయెన్ హాజరయ్యారు.
సైనికుల విన్యాసాలు, పాక్కు చెమటలు పట్టించినవి అవే
ఈసారి పరేడ్లో ప్రత్యేక ఆకర్షణగా బాక్ట్రియన్ ఒంటెలు నిలిచాయి. ఆర్మీకి చెందిన ఈ ఒంటెలకు రెండు వీపు మూపురాలు ఉండడం ప్రత్యేకత. అంతేకాదు 15 వేల అడుగుల ఎత్తులో అవలీలగా ప్రయాణించగలవు. మైనస్ డిగ్రీల చలిలో అమాంతంగా 250 కిలోల బరువును మోయగల శక్తి వీటి సొంతం.
ఇక దాయాది దేశ పాకిస్తాన్తో జరిగిన ఆపరేషన్ సిందూర్ వార్లో ఉపయోగించిన మిస్సైళ్ల వ్యవస్థ ప్రదర్శన ప్రత్యేక ఆకర్షణ. ఎస్-400 క్షిపణి వ్యవస్థ , ధ్రువ్ చాపర్ సిందూర్ జెండాతో కనిపించాయి. ఆపరేషన్ సిందూర్ థీమ్తో రూపొందించిన సైన్యం శకటం హైలైట్. త్రివిధ దళాల ఎంత శక్తిమంతంగా ఉంటుందో చాటి చెప్పేలా రెడీ చేశారు.
బ్రహ్మోస్, ఆకాశ్ మిస్సైళ్లతోపాటు 300 కిలోమీటర్లు దూరం లక్ష్యాలను ఛేదించగలిగే సూర్యాస్త్ర రాకెట్ లాంఛర్ వ్యవస్థ, అర్జున్ యుద్ధ ట్యాంకులు ఈ పరేడ్లో ప్రదర్శించారు. వాయు, ఆర్మీ, నేవీ రంగాలకు చెందిన ఆయుధ వ్యవస్థలను ఈ పరేడ్లో ప్రదర్శించారు. బ్రహ్మోస్, ఆకాశ్ మిస్సైళ్లతోపాటు 300 కిలోమీటర్లు దూరం లక్ష్యాలను ఛేదించగలిగే సూర్యాస్త్ర రాకెట్ లాంఛర్ వ్యవస్థ, అర్జున్ యుద్ధ ట్యాంకులు ఈ పరేడ్లో ప్రదర్శించారు.
ALSO READ: గణతంత్ర దినోత్సవానికి కొద్దిగంటల ముందు.. 10 వేల కిలోల పేలుడు పదార్థాలు సీజ్
ఇవేకాకుండా ఈసారి కొత్తగా బెటాలియన్ల ప్రదర్శన జరిగింది. వాటిలో భైరవ్- లైట్ కమాండో బెటాలియన్, శక్తిబన్ రెజిమెంట్, రెండు మూపురాల ఒంటెలు, జన్స్కార్ గుర్రాలు తొలిసారిగా కవాతులో పాల్గొన్నాయి.
వార్లో ధరించే దుస్తులతో అశ్విక దళం మరింత కనువిందు చేసింది. అపాచీతోపాటు ప్రచండ్ తేలికపాటి హెలికాప్టర్లు, నాగ్ క్షిపణి వ్యవస్థలు, ధనుష్ తుపాకులు, డ్రోన్లు పరేడ్లో ప్రదర్శనకు ఉంచారు.
పరేడ్ తర్వాత రాష్ట్రపతి భవన్కు తిరుగుపయనమయ్యారు ద్రౌపది ముర్ము. 6,050 మంది సైనికులతో పరేడ్ జరిగింది. అందులో 17 రాష్ట్రాలు,13 కేంద్ర ప్రభుత్వ శకటాలు ప్రదర్శించారు.
కర్తవ్యపథ్లో ముగిసిన గణతంత్ర వేడుకలు
పరేడ్ ప్రాంగణం నుంచి తిరిగి రాష్ట్రపతి భవన్కు తిరుగుపయనమైన ద్రౌపది ముర్ము, యూరోపియన్ కౌన్సిల్ అధ్యక్షుడు ఆంటోనియో కోస్టా, యూరోపియన్ కమిషన్ అధ్యక్షురాలు ఉర్సులా వాన్ డర్ లేయన్, ప్రధాని మోదీ
వందేమాతరం థీమ్తో ఘనంగా జరిగిన వేడుకలు
6,050… pic.twitter.com/QITon7cQLa
— BIG TV Breaking News (@bigtvtelugu) January 26, 2026
Share
David Reddy film: రెబల్ గా మంచు మనోజ్..డేవిడ్ రెడ్డి ఫస్ట్ లుక్ రిలీజ్
Rithu Chowdary : బ్లాక్ శారీలో రీతూ చౌదరి స్టిల్స్.. చూపులతోనే చంపేస్తుంది మావ..
