USA Tickets: తెలుగు సినిమా ఖ్యాతి ఖండంతరాలు దాటింది. మన ‘పాన్ ఇండియా’ చిత్రాలు ఇప్పుడు గ్లోబల్ బాక్సాఫీస్ వద్ద వందల కోట్లు కొల్లగొడుతున్నాయి. అయితే, ఈ క్రేజ్ను క్యాష్ చేసుకునే క్రమంలో ఓవర్సీస్ (ముఖ్యంగా ఉత్తర అమెరికా) డిస్ట్రిబ్యూటర్లు విధిస్తున్న టికెట్ ధరలు ఇప్పుడు చర్చనీయాంశంగా మారాయి. తాజాగా ఓ పెద్ద సినిమా టికెట్ ధరపై అమెరికాలోని ఒక సామాన్య ప్రేక్షకుడు చేసిన కామెంట్ సోషల్ మీడియాలో సెన్సేషన్ సృష్టిస్తోంది.
Read also-తన తల్లి కోసం దళపతి విజయ్ అంత పని చేశాడా?.. ఇది తెలిస్తే షాక్ అవుతారు..
సోషల్ మీడియాలో వైరల్ అవుతున్న ఒక వీడియోలో, అమెరికాలో నివసిస్తున్న ఒక భారతీయుడు టికెట్ బుకింగ్ స్క్రీన్ను చూపిస్తూ ఆవేదన వ్యక్తం చేశాడు. “టికెట్ $38 ఏంటి భయ్యా? ఇది ఏదైనా మేగ్నమ్ ఓపసా? బాహుబలి లేదా RRR రేంజ్ సినిమానా?” అంటూ నిలదీశాడు. గంటల వ్యవధిలోనే ఈ వీడియో వేలమందికి చేరువయ్యింది. భారతీయుల కరెన్సీలో లెక్కగడితే ఒక టికెట్ ధర దాదాపు రూ.3,100 నుండి రూ.3,500 వరకు ఉంటోంది.
ఈ వివాదంపై స్పందించిన సదరు సినిమా యూఎస్ డిస్ట్రిబ్యూటర్లు, టికెట్ ధరలు అంత భారీగా ఏమీ లేవని, ప్రీమియం టికెట్లే కేవలం $25 (సుమారు రూ.2,100) వరకు ఉన్నాయని సర్దిచెప్పే ప్రయత్నం చేశారు. కానీ, వాస్తవ పరిస్థితులు మరోలా ఉన్నాయి. పెద్ద నగరాల్లోని ఐమ్యాక్స్ (IMAX), ఎక్స్డి (XD) వంటి ప్రీమియం ఫార్మాట్లలో బుకింగ్స్ ఓపెన్ చేస్తే, టాక్స్, ఇతర ఫీజులతో కలిపి టికెట్ ధర $40 (సుమారు రూ.3,350) మార్కును దాటేస్తోంది.
ఒక సాధారణ కుటుంబం వీకెండ్లో సినిమాకు వెళ్లాలంటే, కేవలం టికెట్ల కోసమే దాదాపు 160 డాలర్లు ఖర్చు చేయాల్సి వస్తోంది. దీనికి పార్కింగ్, పాప్కార్న్ వంటి ఖర్చులు తోడైతే అదనపు భారం. “సినిమా అనేది వినోదం, విలాసం కాదు. ఇంత భారీ ధరలు ఉంటే థియేటర్కు రావడం కంటే ఓటిటి (OTT) కోసం వేచి చూడటమే మేలు” అని నెటిజన్లు కామెంట్ చేస్తున్నారు. భారీ బడ్జెట్ సినిమాల పేరుతో, హైప్ క్రియేట్ చేసి ప్రారంభ వారాల్లోనే పెట్టిన పెట్టుబడిని రాబట్టాలనే డిస్ట్రిబ్యూటర్ల ధోరణి సినిమా ఇండస్ట్రీకి లాభదాయకమే కావొచ్చు, కానీ ప్రేక్షకుడి జేబుకు చిల్లు పెడుతోంది.
Read also-Kissik Talks: ఇండస్ట్రీకి వచ్చే అమ్మాయిలకు సంజన మాటల్లో!
వారణాసి వంటి ఆధ్యాత్మిక నేపథ్యం ఉన్న కథలైనా, కమర్షియల్ హంగులున్న సినిమాలైనా సగటు మనిషికి అందుబాటులో ఉన్నప్పుడే ఆ సినిమాకు అసలైన విజయం లభిస్తుంది. మరి ఈ టికెట్ ధరల సెగను గమనించి మేకర్స్, డిస్ట్రిబ్యూటర్లు పునరాలోచిస్తారో లేదో చూడాలి. సినిమా అంటే అభిమానం కావొచ్చు, కానీ అది సామాన్యుడికి భారంగా మారకూడదనేదే మెజారిటీ ప్రేక్షకుల అభిప్రాయం. దీనిపై అక్కడి పంపిణీ దారులు ఎలాంటి నిర్ణయాలు తీసుకుంటారో వేచి చూడాల్సిందే.
Share
డేంజర్ బెల్స్.. భద్రాచలం వద్ద కృంగిన గోదావరి బ్రిడ్జి.. అక్కడ రాకపోకలు బంద్..?
పెళ్లి అసలే వద్దంటున్న జెన్ జీ, జెన్ అల్ఫా.. దేశంలో తగ్గుతున్న వివాహాల సంఖ్య
