వయసు 94.. కానీ విజన్ నెక్స్ట్ లెవెల్…వైరల్ అవుతున్న ‘సింగ్ గీతం’మేకింగ్ వీడియో

Sing Geetham: లెజెండరీ డైరెక్టర్ సింగీతం శ్రీనివాసరావు .. ఈ పేరే ఒక అద్భుతం, అలాంటిది ఆయన మళ్లీ మెగాఫోన్ పట్టుకుని సెట్స్ పైకి వచ్చారంటే అంతకంటే గుడ్ న్యూస్ సినిమా లవర్స్‌కి ఇంకొకటి ఉండదు. ఒకప్పుడు ‘మయూరి’ (1985) చిత్రంతో క్లాసిక్ సృష్టించినా, ‘పుష్పక విమానం’ (1987) అంటూ మాటలు లేని మూకీ సినిమాతో ఇండియన్ స్క్రీన్‌ను షేక్ చేసినా, ‘ఆదిత్య 369’ (1991)తో తెలుగు సినిమాకు టైమ్ ట్రావెల్‌ను పరిచయం చేసినా అది కేవలం ఆయనకే సాధ్యమైంది.

ఏజ్ ఈజ్ జస్ట్ ఎ నంబర్

ఆ తర్వాత 1994లో ‘భైరవద్వీపం’తో జానపద బ్రహ్మ అనిపించుకున్న ఈ విలక్షణ దర్శకుడు, సరిగ్గా మూడు దశాబ్దాల తర్వాత 2026లో తన 94 ఏళ్ల వయసులో ‘సింగ్ గీతం’ (Sing Geetham) అనే సరికొత్త ప్రయోగంతో థియేటర్లలోకి వచ్చి అందరినీ ఆశ్చర్యపరిచారు. ఏజ్ ఈజ్ జస్ట్ ఎ నంబర్ అని నిరూపిస్తూ, ఈ జనరేషన్ ఆడియన్స్‌ను మెప్పించేలా ఆయన ఈ సినిమాను మలిచిన తీరు అద్భుతమనే చెప్పాలి. ఇటీవల ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద పాజిటివ్ టాక్‌తో దూసుకుపోవడమే కాకుండా, తాజాగా కోలీవుడ్‌లోనూ విడుదలై అక్కడి సినీ ప్రియులను సైతం విశేషంగా ఆకట్టుకుంటోంది.

నెట్టింట తెగ వైరల్ అవుతున్న మేకింగ్ వీడియో

ఈ సక్సెస్ జోష్‌లో ఉన్న చిత్ర యూనిట్ తాజాగా సోషల్ మీడియా వేదికగా విడుదల చేసిన ‘సింగ్ గీతం’ మేకింగ్ వీడియో ఇప్పుడు నెట్టింట తెగ వైరల్ అవుతోంది. ఈ వీడియోలో 94 ఏళ్ల వయసులోనూ సింగీతం శ్రీనివాసరావు చూపించిన ఎనర్జీ, సినిమా సెట్స్‌పై ఆయన వర్కింగ్ స్టైల్ చూసి ప్రతి ఒక్కరూ నోరెళ్లబెడుతున్నారు. సాధారణంగా డబ్బై,ఎనభై ఏళ్లు దాటితే విశ్రాంతి కోరుకునే ఈ రోజుల్లో, సింగీతం మాత్రం కుర్ర డైరెక్టర్లకు గట్టి పోటీనిస్తూ సెట్‌లో ప్రతి ఒక్కరినీ గైడ్ చేయడం విశేషం. లైటింగ్, కెమెరా యాంగిల్స్, నటీనటుల హావభావాల గురించి ఆయన వివరిస్తున్న తీరు చూస్తుంటే సినిమాపై ఆయనకున్న ప్యాషన్ ఎలాంటిదో అర్థమవుతుంది.

also read:పోస్టర్స్ పై నంబర్స్ ఎవడడిగాడు….బ్లాస్ట్ అయిన దిల్ రాజు !

ప్రతి షాట్‌ను ఎంతో వినూత్నంగా, ఈ కాలపు ట్రెండ్‌కు తగ్గట్టుగా ఎలా ప్లాన్ చేశారో ఈ మేకింగ్ వీడియోలో కళ్లకద్దినట్లు చూపించారు. ఒక లెజెండ్ కళ్ల ముందే ఇంత అద్భుతాన్ని సృష్టిస్తుంటే చూసి తరించడం తమ అదృష్టమంటూ నెటిజన్లు కామెంట్ల వర్షం కురిపిస్తున్నారు.

తమిళనాట కూడా బ్రహ్మాండమైన ఓపెనింగ్స్

నిజానికి సింగీతం శ్రీనివాసరావు కెరీర్ గ్రాఫ్ చూస్తే ఆయన ఎప్పుడూ రొటీన్ ఫార్ములా కథలకు మొగ్గు చూపలేదు. కమల్ హాసన్‌తో ఆయన చేసిన ‘అపూర్వ సహోదరులు’ (1989), ‘మైఖేల్ మదన కామరాజు’ (1990) వంటి చిత్రాలు ఇప్పటికీ ఆల్-టైమ్ క్లాసిక్స్‌గా నిలిచిపోయాయి. అలాంటి జీనియస్ మైండ్ నుండి వచ్చిన ‘సింగ్ గీతం’లోనూ అదే స్థాయి మేజిక్ రిపీట్ అయిందని ప్రేక్షకులు సోషల్ మీడియా వేదికగా ప్రశంసిస్తున్నారు.

also read:Kalki 2898 AD.. రెండేళ్లయినా తగ్గని ‘కల్కి’ రేంజ్.. సరికొత్త పోస్టర్‌తో షేక్ చేస్తున్న ప్రభాస్

ముఖ్యంగా నేటితరం డిజిటల్ టెక్నాలజీని, సరికొత్త మేకింగ్ విధానాలను ఆయన వంటబట్టించుకుని ఈ సినిమాను తెరకెక్కించిన విధానం ఇండస్ట్రీ వర్గాలను షాక్ కి గురిచేస్తోంది. తమిళనాట కూడా ఈ చిత్రానికి బ్రహ్మాండమైన ఓపెనింగ్స్ రావడం, అక్కడి మేధావులు సైతం సింగీతం విజన్‌ను కొనియాడడంతో సినిమా రేంజ్ మరింత పెరిగింది. ప్రస్తుతం వైరల్ అవుతున్న ఈ క్రేజీ మేకింగ్ వీడియో సినిమాపై అంచనాలను మరింత పెంచేస్తుంది అనడంలో సందేహం లేదు.