Rashmika Mandanna: సల్మాన్ ఖాన్ సినిమా దిజాస్టర్ అవ్వడానికి గల కారణం బయటపెట్టిన రష్మిక..!

Rashmika Mandanna: ఇటీవల బాలీవుడ్‌తో పాటు దక్షిణాది సినీ పరిశ్రమల్లో స్టార్ హీరోయిన్‌గా కొనసాగుతున్న రష్మిక తాజాగా చేసిన వ్యాఖ్యలు ఇప్పుడు సోషల్ మీడియాలో..సినీ వర్గాల్లో పెద్ద చర్చకు కారణమవుతున్నాయి. సల్మాన్ ఖాన్ హీరోగా వచ్చిన సికందర్ సినిమా ఎందుకు ప్రేక్షకులను ఆకట్టుకోలేకపోయిందో ఆమె ఒక పాడ్‌కాస్ట్ ఇంటర్వ్యూలో వివరించింది. ఒక రకంగా ఈ మధ్య రష్మిక నటించిన చిత్రాలలో ఈ సినిమా ఒక్కటే డిజాస్టర్ చవి చూసింది. ఇక అలాంటి సినిమా ఒప్పుకోదానికి గల కారణం చెప్పింది రష్మిక.

రష్మిక మాట్లాడుతూ..తాను ఈ సినిమాకు ఒప్పుకున్నప్పుడు కథ చాలా బాగా అనిపించిందని చెప్పింది. కథ విన్న సమయంలో బలమైన ఎమోషన్, స్పష్టమైన పాత్రలు ఉన్నాయని, ప్రేక్షకులకు కనెక్ట్ అయ్యే అంశాలు ఉన్నాయని భావించిందట. కానీ షూటింగ్ మొదలైన తర్వాత పరిస్థితి పూర్తిగా మారిపోయిందని ఆమె చెప్పింది. స్క్రిప్ట్‌లో ఒక్కసారిగా కాకుండా.. కొద్దికొద్దిగా చాలా మార్పులు జరిగాయని వెల్లడించింది.

సాధారణంగా సినిమాల సమయంలో కొన్ని మార్పులు జరుగుతుంటాయని రష్మిక అంగీకరించింది. కానీ ఈ సినిమాకి వచ్చిన మార్పులు మాత్రం చాలా ఎక్కువగా జరిగాయని తెలిపింది. చివరికి ప్రేక్షకులు థియేటర్లలో చూసిన సినిమా, తాను మొదట విన్న కథకు పూర్తిగా భిన్నంగా మారిపోయిందని చెప్పింది. ఇదే సినిమా ఫలితంపై పెద్ద ప్రభావం చూపిందని ఆమె అభిప్రాయపడ్డారు.

సల్మాన్ ఖాన్ లాంటి పెద్ద స్టార్ ఉన్నా కూడా..కంటెంట్ బలంగా లేకపోతే సినిమా నిలబడదని ఈ ఉదాహరణ మరోసారి రుజువు చేసిందని ట్రేడ్ వర్గాలు అంటున్నాయి. కథ బలహీనంగా ఉండటం, ప్రేక్షకులను థియేటర్‌కు కట్టిపడేసే సన్నివేశాలు లేకపోవడం వల్ల సికందర్ సినిమా బాక్సాఫీస్ వద్ద డిజాస్టర్‌గా మారిందని విశ్లేషిస్తున్నారు. ఈ సినిమాలో రష్మిక సల్మాన్ ఖాన్ భార్య పాత్రలో కనిపించింది.

ఇక మరోవైపు.. రష్మిక తన కెరీర్ గురించి మాట్లాడుతూ, ఇటీవల తాను చేసిన కొన్ని సినిమాలు మంచి విజయాలు అందుకున్నాయని చెప్పింది. ముఖ్యంగా తన తొలి సోలో సినిమా ప్రేక్షకుల నుంచి మంచి స్పందన తెచ్చుకుందని తెలిపింది. భవిష్యత్తులో తాను చేసే పాత్రలు మరింత కొత్తగా.. విభిన్నంగా ఉంటాయని హామీ ఇచ్చింది. కథ నచ్చితేనే సినిమా చేస్తానని, స్క్రిప్ట్ విషయంలో ఇకపై మరింత జాగ్రత్తగా ఉంటానని రష్మిక స్పష్టం చేసింది.

ALSO READ: Urvashi Rautela: ఖరీదైన కారుతో హాట్ బ్యూటీ ఫోటో షూట్.. మైండ్ బ్లాకే..