The RajaSaab : త్వరలోనే ప్రీ రిలీజ్ ఈవెంట్, ప్రభాస్ రాజా సాబ్ ప్రీమియర్ షోలు పై క్లారిటీ ఇచ్చిన నిర్మాత

The RajaSaab : మారుతి దర్శకత్వంలో ప్రభాస్ నటిస్తున్న సినిమా ది రాజా సాబ్. 2026 సంక్రాంతి కానుకగా ఈ సినిమా విడుదల కానున్న సంగతి తెలిసిందే. జనవరి 9న ఈ సినిమా ప్రేక్షకులు ముందుకు రానుంది. ఈ సినిమా మీద విపరీతమైన అంచనాలు ఉన్నాయి. ఇప్పటికే ఈ సినిమాకి సంబంధించిన ట్రైలర్ ఆల్రెడీ విడుదలైపోయింది. ముఖ్యంగా ఈ సినిమాలో ప్రభాస్ ఎంటర్టైన్మెంట్ యాంగిల్ ను బయటకు తీస్తున్నాడు మారుతి.

ప్రభాస్ ఒక ఎంటర్టైన్మెంట్ సినిమా చేసి చాలా రోజులు అయిపోయింది. బాహుబలి సినిమా తర్వాత తన రేంజ్ మారిపోవడంతో ఎక్కువగా భారీ రేంజ్ సినిమాలు చేయడం మొదలుపెట్టారు. బాహుబలి సినిమా తర్వాత వచ్చిన మూడు సినిమాలు ఊహించిన స్థాయిలో సక్సెస్ సాధించలేదు కానీ ప్రశాంత్ నీల్ దర్శకత్వంలో వచ్చిన సలార్ సినిమా స్ట్రాంగ్ కం బ్యాక్ అయింది. కల్కి సినిమా బాక్స్ ఆఫీస్ వద్ద బ్లాక్ బస్టర్ సక్సెస్ సాధించి దాదాపు 1000 కోట్ల పైగా కలెక్షన్స్ వసూలు చేసింది. ఇక ప్రస్తుతం రాజా సాబ్ సినిమా రిలీజ్ కి సంబంధించి అన్ని పనులు మొదలైపోయాయి.

ప్రీ రిలీజ్ ఈవెంట్ ఫిక్స్

రాజా సాబ్ సినిమా ప్రీ రిలీజ్ ఈవెంట్ ను ఒక ఓపెన్ గ్రౌండ్లో ప్లాన్ చేస్తున్నట్లు నిర్మాత విశ్వప్రసాద్ క్లారిటీ ఇచ్చేశారు. ప్రభాస్ ను అభిమానులంతా డైరెక్ట్ గా చూసి చాలా రోజులు అయిపోయింది. ఎందుకంటే కల్కి సినిమా తర్వాత ఇప్పటివరకు ప్రభాస్ సినిమా ఒకటి కూడా రాలేదు.

ఇక రాజా సాబ్ సినిమా విడుదలకు సిద్ధంగా ఉన్న తరుణంలో ప్రీ రిలీజ్ ఈవెంట్ ను భారీ స్థాయిలో నిర్వహించే ప్లాన్ లో ఉంది చిత్ర యూనిట్. అలానే ఈ సినిమాకి సంబంధించి ప్రీమియర్ షోలు కూడా 8 వ తారీకు నుంచి మొదలుకానున్నట్లు క్లారిటీ ఇచ్చేశారు. ఇప్పటికే ఈ సినిమా నుంచి విడుదలైన రెండు సాంగ్స్ కూడా కొంతమేరకు ఆకట్టుకున్నాయి.

అంచనాలకు తగ్గదు

ఈ సినిమా పైన ప్రభాస్ అభిమానులకు విపరీతమైన అంచనాలు ఉన్న సంగతి తెలిసిందే. అయితే ఆ అంచనాలు ఏవి కూడా అసలు తగ్గవు అని దర్శకుడు మారుతి క్లారిటీ ఇచ్చేసాడు. ఇకపోతే మారుతి సక్సెస్ రేట్ గురించి ప్రత్యేకించి చెప్పాల్సిన అవసరం లేదు ఇప్పటివరకు తను చేసిన ఏ సినిమా కూడా బాక్స్ ఆఫీస్ వద్ద ఊహించిన స్థాయి సక్సెస్ అందుకోలేకపోవచ్చు ఏమో కానీ డిజాస్టర్ అయితే కాలేదు.

ఆడియన్స్ పల్స్ కరెక్ట్ గా తెలిసిన దర్శకుడు అని అల్లు అరవింద్ లాంటి నిర్మాతే మారుతిని పొగిడిన సందర్భాలు కూడా ఉన్నాయి. ఇక రాజా సబ్ సినిమాతో ఒక బ్రాండ్ పాన్ ఇండియా ఇమేజ్ మారుతికి రానుందేమో చూడాలి.

Also Read: The RajaSaab Song : ప్రభాస్ రాజాసాబ్ సెకండ్ సింగిల్ వచ్చేసింది, డార్లింగ్ డీసెంట్ లుక్స్