Allu Arjun vs Prabhas: పాన్ ఇండియా సింహాసనం ఎవరికి..?

Allu Arjun vs Prabhas:పాన్ ఇండియా సినిమాల గురించి మాట్లాడితే ప్రస్తుతం ఇద్దరు హీరోల పేర్లు ఎక్కువగా వినిపిస్తాయి. ఒకరు రెబల్ స్టార్ ప్రభాస్, మరొకరు ఐకాన్ స్టార్ అల్లు అర్జున్. ఈ ఇద్దరూ తమ సినిమాలతో దేశవ్యాప్తంగా అభిమానులను సంపాదించారు. అయితే రాబోయే రెండు సంవత్సరాల్లో ఎవరు పాన్ ఇండియా స్థాయిలో ముందుంటారు అనే చర్చ ఇప్పుడు సినీ వర్గాల్లో ఎక్కువగా జరుగుతోంది.

ప్రభాస్ కెరియర్ ఎలా ఉందంటే..!

బాహుబలి 2 తర్వాత ప్రభాస్ కెరీర్‌లో మంచి విజయాలు కూడా వచ్చాయి, కొన్ని నిరాశలు కూడా ఎదురయ్యాయి. సలార్, కల్కి 2898 AD..వంటి సినిమాలు ఆయన మార్కెట్ ఎంత పెద్దదో మరోసారి చూపించాయి. ముఖ్యంగా సలార్ సినిమా మాస్ ప్రేక్షకులను బాగా ఆకట్టుకుంది. కానీ ఇటీవల వచ్చిన ది రాజా సాబ్ మాత్రం ఆశించిన ఫలితం ఇవ్వలేదు. సినిమా కథ బలహీనంగా ఉండటం, విజువల్స్ అంతగా ఆకట్టుకోకపోవడం వల్ల ప్రేక్షకులు పెద్దగా స్పందించలేదు.

దీంతో ఇప్పుడు ప్రభాస్ చేయబోయే ఫౌజీ సినిమాపై భారీ అంచనాలు ఉన్నాయి. ఈ సినిమాకు సీతారామం దర్శకుడు హను రాఘవపూడి దర్శకత్వం వహిస్తున్నారు. ఈ సినిమా విజయం సాధిస్తే ప్రభాస్‌కు మళ్లీ మంచి ఊపు వస్తుంది. ఆ తర్వాత “స్పిరిట్” మరియు కల్కి 2..వంటి భారీ సినిమాలు వరుసగా విడుదలకు సిద్ధంగా ఉన్నాయి.

అల్లు అర్జున్ పరిస్థితి ఇదే..!

ఇక అల్లు అర్జున్ విషయానికి వస్తే ప్రస్తుతం ఆయన కెరీర్ గోల్డెన్ ఫేజ్‌లో ఉంది. పుష్ప 2 సినిమా భారీ విజయాన్ని సాధించి దేశవ్యాప్తంగా మంచి కలెక్షన్లు రాబట్టింది. ముఖ్యంగా నార్త్ ఇండియాలో కూడా ఈ సినిమా భారీ స్పందన పొందింది.

అయితే అల్లు అర్జున్ కూడా రాబోయే సినిమాల్లో కొంత రిస్క్ తీసుకుంటున్నారు. దర్శకుడు అట్లీతో చేయబోయే AA22 సినిమా సైన్స్ ఫిక్షన్ నేపథ్యంలో ఉండొచ్చని వార్తలు వస్తున్నాయి. అట్లీ ఇప్పటివరకు ఇలాంటి జానర్‌లో సినిమా చేయలేదు. అందుకే ఈ సినిమా ఎలా ఉంటుందో అనే ఆసక్తి ప్రేక్షకుల్లో ఉంది.

అలాగే లోకేష్ కనగరాజ్‌తో AA23 సినిమా కూడా చర్చల్లో ఉంది. లోకేష్ యాక్షన్ సినిమాలకు ప్రసిద్ధి అయినప్పటికీ, ఈసారి కొత్త కథతో సినిమా చేయనున్నారని తెలుస్తోంది.

మొత్తం పైన.. చూస్తే ప్రభాస్ ప్రస్తుతం దర్శకుల బలంపై ముందుకు వెళ్తున్నారు. అల్లు అర్జున్ మాత్రం కొత్త ప్రయోగాలు చేయడానికి సిద్ధమవుతున్నారు. ఇద్దరి ప్రయాణం కూడా ఆసక్తికరంగా ఉంది. వచ్చే రెండు సంవత్సరాల్లో ఎవరు నిజమైన పాన్ ఇండియా స్టార్‌గా నిలుస్తారో అప్పుడే స్పష్టమవుతుంది.

ALSO READ:Trisha Krishnan: పార్థిబన్ కూతురితో త్రిష.. ఏకంగా ఆమెతోనే పెళ్లి సందడి.. ఇదేమి ట్విస్ట్ రా బాబు!