Margot Robbie: హాలీవుడ్ నటి మార్గోట్ రాబీ ఇటీవల ధరించిన ఒక అరుదైన ఆభరణం ప్రస్తుతం సోషల్ మీడియాలో తెగ వైరల్ అవుతోంది. ఆమె నటిస్తున్న తాజా చిత్రం వదరింగ్ హైట్స్.. ప్రమోషన్లలో భాగంగా లాస్ ఏంజెలెస్లో జరిగిన వరల్డ్ ప్రీమియర్కు హాజరయ్యారు. ఆ రోజు ఆమె ధరించిన దుస్తులు ఎంత అందంగా ఉన్నాయో..ఆమె మెడలో ఉన్న హారం అంతకంటే ఎక్కువగా అందరి దృష్టిని ఆకర్షించింది.
మార్గోట్ రాబీ ధరించిన ఈ హారం సాధారణ జ్యువెలరీ కాదు. ఇది హాలీవుడ్ దిగ్గజ నటి ఎలిజబెత్ టేలర్కు చెందిన ప్రసిద్ధ తాజ్ మహల్ డైమండ్ నెక్లెస్. దీని విలువ దాదాపుగా రూ.74 కోట్లకు పైగా ఉంటుందని అంతర్జాతీయ మీడియా కథనాలు చెబుతున్నాయి. ఈ హారం గుండె ఆకారంలో ఉండే ప్రత్యేకమైన డైమండ్తో తయారు చేయబడింది.
ఈ డైమండ్పై “Love is Everlasting” అనే వాక్యం చెక్కబడి ఉంది. అంటే ప్రేమ ఎప్పటికీ నిలిచిపోతుందనే భావన. ఈ ఒక్క లైన్నే ఈ హారాన్ని మరింత ప్రత్యేకంగా మారుస్తోంది. అంతేకాదు, ఈ డైమండ్పై మొఘల్ కాలానికి చెందిన గుర్తులు కూడా ఉన్నాయని ఆభరణ నిపుణులు చెబుతున్నారు.
ఈ డైమండ్కు ఉన్న చరిత్ర చాలా గొప్పది. ఇది మొఘల్ చక్రవర్తి షాజహాన్ తన భార్య ముమ్తాజ్ మహల్కు ఇచ్చిన ఆభరణమని నమ్మకం. ముమ్తాజ్ మహల్ జ్ఞాపకంగా నిర్మించిన తాజ్ మహల్ కారణంగా ఈ డైమండ్ను తాజ్ మహల్ డైమండ్గా పిలుస్తారు. ప్రేమకు ప్రతీకగా నిలిచిన తాజ్ మహల్తో దీనికి ఉన్న అనుబంధం ఈ హారానికి మరింత విలువను తీసుకొచ్చింది.
చాలా సంవత్సరాల తర్వాత ఈ డైమండ్ ఫ్రాన్స్కు చెందిన ప్రముఖ లగ్జరీ బ్రాండ్ కార్టియర్ చేతికి వచ్చింది. కార్టియర్ సంస్థ దీనిని బంగారం, రూబీలు కలిపి అద్భుతమైన హారంగా మార్చింది. 1972లో ప్రముఖ నటుడు రిచర్డ్ బర్టన్ తన భార్య ఎలిజబెత్ టేలర్కు 40వ పుట్టినరోజు కానుకగా ఈ హారాన్ని ఇచ్చారు. అప్పట్లో ఇది హాలీవుడ్లో పెద్ద సంచలనంగా మారింది.
ఇప్పుడు అదే హారాన్ని మార్గోట్ రాబీ ధరించడం మరోసారి చరిత్రను గుర్తు చేసింది. రెడ్ కార్పెట్పై ఆమె ఈ హారాన్ని చోకర్ స్టైల్లో ధరించి, వెనుక వైపు వేలాడేలా స్టైలింగ్ చేశారు. ఈ హారం తనకు ఎంతో రొమాంటిక్ ఫీలింగ్ ఇచ్చిందని మార్గోట్ రాబీ మీడియాతో చెప్పింది.
ఒక ఆభరణం మొఘల్ సామ్రాజ్యం నుంచి హాలీవుడ్ రెడ్ కార్పెట్ వరకు ప్రయాణం చేయడం నిజంగా ఆశ్చర్యమే. మార్గోట్ రాబీ ఈ హారంతో పాత చరిత్రను కొత్త తరం ప్రేక్షకులకు పరిచయం చేసినట్టయ్యింది. ప్రేమ, చరిత్ర, విలాసం అన్నీ కలిసిన ఈ తాజ్ మహల్ డైమండ్ మరోసారి ప్రపంచం దృష్టిని ఆకర్షించింది.
Share
The kerala Story 2: ది కేరళ స్టోరీ 2 టీజర్ రిలీజ్..ఆదా శర్మ తప్పుకున్నట్టేనా?
Sharwanand NNNM Movie: ఓటీటీ స్ట్రీమింగ్ కి సిద్ధమైన శర్వానంద్ కొత్త మూవీ.. ఎప్పుడు? ఎక్కడ చూడొచ్చంటే?
