Jana Nayagan : జన నాయగన్ సినిమాపై అనిరుద్ రియాక్షన్, చాలా బాధగా ఉందంటూ…

Jana Nayagan : ఇళయ దళపతి విజయ్ గురించి తెలుగు ప్రేక్షకులకి కొత్తగా పరిచయాలు అవసరం లేదు. తన సినిమా ప్రమోషన్స్ కి ఈ మధ్యకాలంలో హైదరాబాద్ రావడం పూర్తిగా మానేసినా కూడా అతని సినిమాలను ఫస్ట్ డే చూసే అభిమానులు తెలుగులో కూడా ఉన్నారు. శంకర్ దర్శకత్వంలో వచ్చిన స్నేహితుడు సినిమాతో తెలుగు ప్రేక్షకులకు పరిచయం అయ్యాడు. త్రీ ఇడియట్ సినిమాకి రీమేక్ గా వచ్చిన ఆ సినిమా కొంతమేరకు మంచి సక్సెస్ సాధించింది.

ఆ తరువాత ఏ ఆర్ మురగదాస్ దర్శకత్వంలో వచ్చిన తుపాకీ సినిమా బ్లాక్ బస్టర్ హిట్ అయింది. అయితే ఆ సినిమా ప్రమోషన్స్ తర్వాత మళ్లీ హైదరాబాద్ రాలేదు విజయ్. కానీ అతని సినిమాలు ఇక్కడ మంచి రెస్పాన్స్ సాధించుకున్నాయి. ఇక ప్రస్తుతం జననాయగన్ అనే సినిమా చేస్తున్న సంగతి తెలిసిందే. ఈ సినిమా సంక్రాంతి కానుకగా జనవరి 9న ప్రేక్షకులు ముందుకు రానుంది.

అనిరుద్ రియాక్షన్

ఈ సినిమా విడుదలకు సిద్ధం అవుతుంది కాబట్టి ప్రస్తుతం దీనికి సంబంధించిన బ్యాక్ గ్రౌండ్ స్కోర్ జరుగుతున్నట్లు రీసెంట్ గా మీడియాతో తెలిపాడు అనిరుద్ రవిచంద్రన్. అనిరుద్ మ్యూజిక్ గురించి ఎంత చెప్పినా తక్కువే అవుతుంది. ఒక మామూలు శీను కూడా తన మ్యూజిక్ తో నెక్స్ట్ లెవెల్ కు తీసుకువెళ్తాడు.

ఇదివరకే విజయ్ కు మాస్టర్ లియో సినిమాలకు అద్భుతమైన సంగీతం అందించాడు అనిరుద్. అన్నిటిని మించి గుర్తుండిపోయే బ్యాక్గ్రౌండ్ స్కోర్ కూడా ఇచ్చాడు. అయితే ఈ సినిమాకి ఇంకొంచెం ఎక్స్ట్రాగా వర్క్ చేస్తున్నట్లు తెలిపాడు. అలానే ఇది ఇళయ దళపతి విజయ్ లాస్ట్ సినిమా అవ్వడం తనకు చాలా బాధగా ఉంది అని కూడా చెప్పాడు అనిరుద్.

భగవంత్ కేసరి రీమేక్

బాలకృష్ణ మరియు కాజల్ కలిసి జంటగా నటించిన భగవంత కేసరి సినిమాకు ఈ సినిమా రీమేక్ అని వార్తలు వస్తున్న సంగతి తెలిసిందే. అయితే దీని గురించి మాత్రం అధికారక ప్రకటన ఇవ్వలేదు. కానీ ఇప్పటివరకు విడుదలైన కంటెంట్ చూస్తుంటే నిజమేనేమో అనిపిస్తుంది.

ఇకపోతే తెలుగులో అదే రోజు ప్రభాస్ నటిస్తున్న రాజా సాబ్ సినిమా ఇక్కడ విడుదలకు సిద్ధం అవుతుంది. తెలుగు ప్రేక్షకులు అంతా కూడా ఈ సినిమాకి బ్రహ్మరథం పడతారు. రీమేక్ అని తేలిపోయింది అంటే ఉన్న ఆసక్తి కూడా కొంతమందికి తగ్గిపోతుంది అని చెప్పొచ్చు.

Also Read: Bandi Saroj Kumar: సందీప్ రాజ్ అమ్మాయిlని అలా చూస్తాడు, సరోజ్ కామెంట్స్