Anil Ravipudi: సంక్రాంతి సీజన్ అంటే తెలుగు సినిమా ఇండస్ట్రీలో పోటీ చాలా ఎక్కువగా ఉంటుంది. కానీ సంక్రాంతికి అనిల్ రావిపూడి సినిమా వస్తోంది.. అంటే మాత్రం మిగతా దర్శకులు కాస్త వెనక్కి తగ్గాల్సిందే అన్న మాట ఈసారి మళ్లీ నిజమైంది. ఈ ఏడాది సంక్రాంతికి ఆయన దర్శకత్వంలో మెగాస్టార్ చిరంజీవి హీరోగా వచ్చిన.. మన శంకర్ వరప్రసాద్ గార.. సినిమా మంచి విజయాన్ని అందుకుంది. ఈ విజయం తర్వాత అనిల్ రావిపూడి చాలా ఆనందంగా ఉన్నారు.
ఇదే సమయంలో సోషల్ మీడియాలో మరో విషయం కూడా అభిమానులను సంబరపెట్టింది. గత సంవత్సరం సంక్రాంతికి విడుదలైన సంక్రాంతికి వస్తున్నాం సినిమా ఈరోజుతో ఒక సంవత్సరం పూర్తి చేసుకుంది. ఈ సినిమాకు అనిల్ రావిపూడి దర్శకత్వం వహించగా.. హీరోగా వెంకటేష్ నటించారు. హీరోయిన్గా మీనాక్షి చౌదరి, ఐశ్వర్య రాజేష్ కనిపించి ప్రేక్షకులను ఆకట్టుకున్నారు.
సంక్రాంతికి వస్తున్నాం సినిమా విడుదలైన వెంటనే ప్రేక్షకుల్లో మంచి స్పందన వచ్చింది. కుటుంబంతో కలిసి చూసే వినోదాత్మక చిత్రంగా ఈ సినిమా నిలిచింది. కామెడీ, భావోద్వేగాలు, పాటలు అన్నీ కలిసి ఈ సినిమాను పెద్ద హిట్గా మార్చాయి. ముఖ్యంగా వెంకటేష్ నటన ప్రేక్షకులకు బాగా నచ్చింది. ఆయన కెరీర్లోనే అత్యధిక వసూళ్లు సాధించిన సినిమాల్లో ఇది ఒకటిగా నిలిచింది.
ఈ సినిమా ఒక సంవత్సరం పూర్తి చేసుకున్న సందర్భంగా నిర్మాతలు శ్రీ వెంకటేశ్వర క్రియేషన్స్ ప్రత్యేక పోస్టర్ను విడుదల చేశారు. “1 Year For Sankranthiki Vastunnam” అంటూ విడుదల చేసిన ఈ పోస్టర్ ప్రస్తుతం సోషల్ మీడియాలో వైరల్ అవుతోంది. అభిమానులు సినిమా జ్ఞాపకాలను గుర్తు చేసుకుంటూ కామెంట్లు పెడుతున్నారు.
ఒకవైపు అనిల్ రావిపూడి తాజా సినిమా బాక్సాఫీస్ దగ్గర దుమ్ము రేపుతుంటే..మరోవైపు ఆయన గతంలో ఇచ్చిన బ్లాక్బస్టర్ సినిమా కూడా ఒక సంవత్సరం పూర్తి చేసుకోవడం విశేషంగా మారింది. ఇది అనిల్ రావిపూడి స్థాయిని మరోసారి చూపిస్తోంది.
సంక్రాంతికి వస్తున్నాం సినిమా కంటే ముందే అనిల్ రావిపూడి – వెంకటేష్ కాంబినేషన్లో F2, F3 లాంటి సూపర్ హిట్ సినిమాలు వచ్చాయి. ఈ కాంబినేషన్కు ప్రేక్షకుల్లో ప్రత్యేకమైన క్రేజ్ ఉంది. మొత్తానికి సంక్రాంతి సీజన్లో అనిల్ రావిపూడి అంటేనే హిట్ అనే నమ్మకం ప్రేక్షకుల్లో మరింత బలపడిందని చెప్పాలి.
Also Read: Anil Ravipudi Favourite Movie: 2025 లో అనిల్ రావిపూడిని ఆకట్టుకున్న సినిమాలు.. హీరోలు ఎవరో తెలుసా..?
Share
Anchor Suma: ఒళ్లు దగ్గర పెట్టుకొని పనిచేయాలి.. ప్రీ రిలీజ్ ఈవెంట్ కష్టాలను బయటపెట్టిన సుమ!
Medaram Jathara: మేడారంలో మొదలైన జాతర సందడి.. పోటెత్తిన భక్త జనసంద్రోహం
