Allu Arjun Bollywood Debut: అల్లు అర్జున్ హిందీ ఎంట్రీ అసలు సాధ్యమేనా.. వెనక పెద్ద కథే నడుస్తోందిగా..!

Allu Arjun Bollywood Debut: తెలుగు సినిమా స్టార్ అల్లు అర్జున్ బాలీవుడ్‌లో భారీ ఎంట్రీ ఇవ్వబోతున్నాడా? ప్రముఖ దర్శకుడు సంజయ్ లీలా భన్సాలితో ఆయన సినిమా ఖాయమా? అనే ప్రశ్న గత కొంతకాలంగా సినీ వర్గాల్లో, సోషల్ మీడియాలో పెద్ద చర్చగా మారింది. భన్సాలి సినిమాలు అంటే అద్భుతమైన విజువల్స్, భారీ సెట్లు, బలమైన భావోద్వేగాలు ఉంటాయి. అలాంటి దర్శకుడితో అల్లు అర్జున్ కలిసి పనిచేస్తే ఎలా ఉంటుందో అని అభిమానులు ఆసక్తిగా ఎదురుచూస్తున్నారు.

తాజా సమాచారం ప్రకారం, అల్లు అర్జున్ – సంజయ్ లీలా భన్సాలి సినిమా రద్దు కాలేదని, కేవలం ఆలస్యం అవుతోందని తెలుస్తోంది. ఇద్దరి మధ్య ఈ ప్రాజెక్ట్‌పై సీరియస్ చర్చలు జరిగాయి. ఇద్దరికీ కలిసి పని చేయాలనే ఆసక్తి ఉంది. కానీ ఇద్దరి స్టైల్‌కు సరిపోయే పర్ఫెక్ట్ కథ దొరకడంలో కాస్త సమయం పడుతోందట. అందుకే ఈ సినిమా వెంటనే సెట్స్‌పైకి వెళ్లలేకపోతోంది.

ప్రస్తుతం అల్లు అర్జున్ చాలా బిజీగా ఉన్నాడు. ఆయన ఇప్పుడు దర్శకుడు అట్లీతో ఒక భారీ సైన్స్ ఫిక్షన్ సినిమా చేస్తున్నాడు. ఈ సినిమా పూర్తయ్యాక, దర్శకుడు లోకేష్ కనగరాజ్తో రెండు భాగాలుగా తెరకెక్కే మరో పెద్ద సినిమాలో నటించనున్నాడు. అలాగే దర్శకుడు త్రివిక్రమ్ శ్రీనివాస్తో ఒక సినిమా కూడా ప్లాన్‌లో ఉంది. అయితే కొన్ని కారణాల వల్ల ఆ ప్రాజెక్ట్ ఆలస్యం అవుతోంది. దర్శకుడు సందీప్ రెడ్డి వంగాతో చేయాల్సిన సినిమా కూడా అల్లు అర్జున్ లైనప్‌లోనే ఉంది.

మరోవైపు, సంజయ్ లీలా భన్సాలి సినిమాలు తెరకెక్కించడంలో చాలా సమయం తీసుకుంటారు. ప్రతి చిన్న విషయంపైనా ఆయన ప్రత్యేక శ్రద్ధ పెడతారు. సెట్లు, సంగీతం, నటుల ఎమోషన్స్ అన్నీ పర్ఫెక్ట్‌గా రావాలనే ఆయన ప్రయత్నం ఉంటుంది. ప్రస్తుతం ఆయన లవ్ అండ్ వార్ అనే సినిమాపై పని చేస్తున్నారు. ఈ చిత్రంలో రణబీర్ కపూర్, ఆలియా భట్, విక్కీ కౌశల్ ప్రధాన పాత్రల్లో నటిస్తున్నారు.

మొత్తానికి.. అల్లు అర్జున్ – సంజయ్ లీలా భన్సాలి కాంబినేషన్ సినిమా పూర్తిగా ఆగిపోలేదు. సరైన కథ, డేట్లు కుదిరితే ఈ భారీ ప్రాజెక్ట్ ముందుకు వెళ్లే అవకాశాలు ఉన్నాయి. అభిమానులు మాత్రం ఈ క్రేజీ కాంబినేషన్ కోసం ఓపికగా ఎదు
రుచూస్తున్నారు.

ALSO READ: Ranveer Singh: రణవీర్ సింగ్ కు బెదిరింపు ఫోన్ కాల్స్.. పోలీసులను ఆశ్రయించిన నటుడు!