Adhira: టాలీవుడ్లో మరో ఆసక్తికరమైన సూపర్ హీరో సినిమా అధికారికంగా రంగంలోకి దిగుతోంది. హనుమాన్ వంటి బ్లాక్బస్టర్ సినిమా తర్వాత దర్శకుడు ప్రశాంత్ వర్మ నుంచి వచ్చే ప్రతి ప్రాజెక్ట్పై ప్రేక్షకుల్లో భారీ అంచనాలు ఉన్నాయి. అలాంటి అంచనాల మధ్య ఆయన సృష్టించిన కొత్త సినిమా.. అధీర ఇప్పుడు షూటింగ్ ప్రారంభించేందుకు సిద్ధమైంది.
తాజా సమాచారం ప్రకారం, అధీర సినిమా షూటింగ్ రేపటి నుంచి ప్రారంభం కానుంది. ఈ చిత్రంలో హీరోగా కల్యాణ్ దాసరి నటిస్తుండగా, హీరోయిన్గా యుక్తి థరేజా కనిపించనున్నారు. ఇక ఈ సినిమాకు ప్రధాన ప్రతినాయకుడిగా నటిస్తున్నది ఎస్.జె. సూర్య. ఆయన పాత్ర ఈ సినిమాకు కీలకంగా ఉండబోతోందని సినీ వర్గాలు చెబుతున్నాయి.
ఈ సినిమాకు శరణ్ కొప్పిశెట్టి దర్శకత్వం వహిస్తున్నారు. సంగీతాన్ని శ్రీ చరణ్ పాకాల అందిస్తున్నారు. ఈ చిత్రాన్ని ఆర్కేడీ స్టూడియోస్ బ్యానర్పై నిర్మిస్తున్నారు. మొత్తంగా ఇది ప్రశాంత్ వర్మ సినిమాటిక్ యూనివర్స్లో మరో కీలకమైన సినిమాగా నిలవనుంది.
గత ఏడాది విడుదలైన ‘హనుమాన్’ సినిమా సంచలన విజయం సాధించింది. ఆ సినిమా తర్వాత ప్రశాంత్ వర్మ ప్రకటించిన పలు ప్రాజెక్టులు సమస్యలు ఎదుర్కొంటూ వచ్చాయి. ముఖ్యంగా ఎప్పుడో సంవత్సరం ముందే విడుదల కావలసిన జై హనుమాన్ సినిమా ఇప్పటికీ ప్రాసెస్లో ఉండగా, మోక్షజ్ఞతో చేయాల్సిన సినిమా షెల్వ్ కావడం కూడా ప్రశాంత్ వర్మను కొద్దిగా కష్టాల్లోకి తోసింది. అంతేకాకుండా రణవీర్ సింగ్ తో కూడా సినిమా మొదలై ఆగిపోయింది. ఈ గ్యాప్ తర్వాత ఇప్పుడు ‘అధీర’తో మళ్లీ పూర్తి స్థాయిలో ముందుకు రావడం విశేషం.
ఇప్పటికే విడుదలైన అధీర ఫస్ట్ లుక్ పోస్టర్ సోషల్ మీడియాలో విపరీతంగా వైరల్ అయింది. అగ్ని పర్వతాలు, మెరుపులు, విధ్వంసకరమైన నేపథ్యంతో ఉన్న ఆ పోస్టర్ సినిమా కథ ఎంత పవర్ఫుల్గా ఉండబోతోందో చెప్పకనే చెబుతోంది. హీరో ఆర్మర్ సూట్లో కనిపించగా, ఎస్.జె. సూర్య లుక్ ప్రేక్షకుల్లో ఆసక్తిని పెంచింది.
అధీర సినిమా తెలుగు ప్రేక్షకులకు మరో కొత్త సూపర్ హీరో అనుభూతిని అందించబోతోంది. షూటింగ్ ప్రారంభమవుతున్న నేపథ్యంలో, ఈ సినిమాపై మరిన్ని అప్డేట్స్ కోసం అభిమానులు ఆసక్తిగా ఎదురుచూస్తున్నారు.
ALSO READ: Suriya: సూర్యకి అతని తమ్ముడు కార్తీలో నచ్చని విషయం ఏమిటో తెలుసా..?
Share
Vivek Venkataswamy: మంత్రి వివేక్ వెంకటస్వామి సమక్షంలో కాంగ్రెస్లో చేరిన శ్రీనివాసాచారి
RRR: క్రికెట్ ఆడుతూ బొక్కబోర్లా పడ్డ రఘురామ కృష్ణంరాజు, ఫోటోలు వైరల్
