Jaggery: చలికాలంలో వాతావరణం చల్లబడటంతో పాటు మన శరీరంలో కూడా కొన్ని మార్పులు సంభవిస్తాయి. జీర్ణ క్రియ మందగించడం, రోగ నిరోధక శక్తి తగ్గడం వల్ల జలుబు, దగ్గు వంటి సమస్యలు చుట్టుముడతాయి. ఇలాంటి సమయంలో మన పూర్వీకులు సూచించిన ‘అమృతం’ లాంటి ఆహారం బెల్లం చాలా బాగా ఉపయోగ పడుతుంది. ప్రతిరోజూ పరిమితంగా బెల్లం తీసుకోవడం వల్ల మన శరీరంలో జరిగే అద్భుతమైన మార్పులను గురించిన పూర్తి వివరాలను ఇప్పుడు తెలుసుకుందాం.
1.సహజ వేడి:
బెల్లం ఒక ‘థర్మోజెనిక్’ ఆహారం. అంటే ఇది శరీరంలో వేడిని ఉత్పత్తి చేస్తుంది. చలి కాలంలో బయటి వాతావరణం వల్ల శరీర ఉష్ణోగ్రత పడిపోయినప్పుడు.. కొద్దిగా బెల్లం తినడం వల్ల శరీరం లోపలి నుంచి వెచ్చగా ఉంటుంది. ఇది రక్త ప్రసరణను మెరుగు పరిచి.. చలిని తట్టుకునే శక్తిని ఇస్తుంది.
2.శ్వాసకోశ వ్యవస్థ :
చలికాలంలో గాలిలో తేమ, కాలుష్యం ఎక్కువగా ఉండటం వల్ల శ్వాసకోశ ఇబ్బందులు వస్తాయి. బెల్లం ఊపిరితిత్తులు, గొంతు, శ్వాస నాళాల్లో పేరుకుపోయిన దుమ్ము, కఫాన్ని తొలగించే నేచురల్ క్లీనర్గా పనిచేస్తుంది. అందుకే ఆస్తమా, బ్రోన్కైటిస్ ఉన్నవారికి బెల్లం తీసుకోవాలని నిపుణులు సూచిస్తారు.
3. జీర్ణక్రియ మెరుగుదల:
చలికాలంలో మనం తినే భారీ ఆహారాలు జీర్ణం కావడానికి సమయం పడుతుంది. భోజనం తర్వాత ఒక చిన్న బెల్లం ముక్క తింటే.. అది శరీరంలోని జీర్ణ ఎంజైమ్లను సక్రియం చేస్తుంది. దీని వల్ల గ్యాస్, అసిడిటీ, మల బద్ధకం వంటి సమస్యలు దరిచేరవు. మల బద్ధకంతో బాధ పడేవారు రాత్రి పూట పాలలో బెల్లం కలుపుకుని తాగితే మంచి ఫలితం ఉంటుంది.
4. రోగనిరోధక శక్తి పెంపు:
బెల్లంలో జింక్, సెలీనియం వంటి ఖనిజాలతో పాటు యాంటీ ఆక్సిడెంట్లు పుష్కలంగా ఉంటాయి. ఇవి శరీరంలో రోగ నిరోధక శక్తిని పెంచి, ఇన్ఫెక్షన్ల నుంచి రక్షిస్తాయి. దీనివల్ల సీజనల్ జలుబు, దగ్గు, జ్వరం వంటి సమస్యలు వచ్చే అవకాశం తగ్గుతుంది.
5. రక్తహీనత నివారణ:
చాలా మంది మహిళల్లో ఉండే ప్రధాన సమస్య రక్తహీనత. బెల్లంలో ఐరన్ అధికంగా ఉంటుంది. ప్రతి రోజూ బెల్లం తీసుకోవడం వల్ల శరీరంలో హిమోగ్లోబిన్ స్థాయిలు పెరుగుతాయి. ఇది రక్తహీనత వల్ల కలిగే నీరసం, అలసటను తగ్గిస్తుంది.
Also Read: బ్లాక్ కాఫీతో గుండెకు మేలు ? దీనిలో నిజమెంత ?
ముఖ్యమైన జాగ్రత్తలు:
బెల్లం ఎంతో మంచిదైనప్పటికీ.. కొన్ని విషయాల్లో జాగ్రత్త అవసరం.
మధుమేహం: షుగర్ పేషెంట్లు బెల్లం తీసుకునే ముందు డాక్టర్ని సంప్రదించాలి. ఎందుకంటే బెల్లం కూడా రక్తంలోని చక్కెర స్థాయిలను ప్రభావితం చేస్తుంది.
పరిమితి: అతిగా బెల్లం తింటే శరీరంలో వేడి పెరిగి మొటిమలు లేదా కడుపులో మంట వచ్చే అవకాశం ఉంది. రోజుకు 5 నుంచి 10 గ్రాములు (చిన్న ముక్క) సరిపోతుంది.
నాణ్యత: నల్లగా లేదా ముదురు రంగులో ఉండే సహజమైన బెల్లాన్ని వాడండి. తెల్లగా.. మెరుస్తూ ఉండే బెల్లంలో కెమికల్స్ (బ్లీచింగ్ ఏజెంట్స్) ఉండే ప్రమాదం ఉంది.
చలికాలంలో బెల్లం కేవలం స్వీట్ మాత్రమే కాదు.. ఒక గొప్ప ఔషధం. దీన్ని వేరుశనగ పప్పులత కలిపి తీసుకుంటే మరింత శక్తి లభిస్తుంది.
Share
Dimple Hayathi : గ్రీన్ డ్రెస్ లో మెరిసిన డింపుల్.. ఇంత అందాన్ని చూడకుండా ఉండలేరు..
Upcoming Yamaha Bikes 2026: దేశీ మార్కెట్లో లాంచ్ కాబోతున్న క్రేజీ యమహా బైక్స్.. లైనప్ చూస్తే అదిరిపోవాల్సిందే!
