Vitamin b12 Deficiency: ఉదయం లేచిన దగ్గరి నుంచి రాత్రి పడుకునే వరకు మనిషి ఓ యంత్రంలా మారిపోతున్నాడు. ఈ క్రమంలో మంచి ఆహారం తీసుకోక.. శరీరానికి తగిన విశ్రాంతి ఇవ్వక తెలియకుండానే అనేక ఆరోగ్య సమస్యలకు గురవుతున్నాము. ముఖ్యంగా సరైన పోషకాహారం తీసుకోవడంలో చాలామంది విఫలమవుతున్నారు. అందులో ముందుగా చెప్పుకోవాల్సింది విటమిన్ బి12. మన శరీరంలో ఎర్ర రక్త కణాల ఉత్పత్తి, నరాల ఆరోగ్యం, DNA సంశ్లేషణలో ఇది కీలక పాత్ర పోషిస్తుంది. దీంతో ఏ మాత్రం తేడా వచ్చినా విటమిన్ 12 లోపం కలిగించే నష్టం చాలా తీవ్రంగా ఉంటుంది. సరైన ఆహారం తీసుకోకపోవడం లేదా జీర్ణక్రియలో లోపాల వల్ల ఈ సమస్య తలెత్తుతుంది.
మన శరీరంలో బి12 స్థాయిలు తగ్గినప్పుడు అది రకరకాల రూపాల్లో మనకు సంకేతాలను పంపిస్తుంది. సాధారణంగా ఏదైనా చిన్న గాయం అయితే వెంటనే తగ్గిపోవాలి. కానీ బి12 లోపం ఉన్నవారికి గాయాలు మానడానికి చాలా టైం పడుతుంది. ఎర్ర రక్త కణాలు తగ్గడం వల్ల శరీర కణజాలాలకు ఆక్సిజన్ సరఫరా మందగించి, రికవరీ ప్రక్రియ నెమ్మదిస్తుంది. అలాగే, చేతులు లేదా కాళ్లలో తరచూ సూదులతో గుచ్చినట్లు ఉండటం లేదా తిమ్మిర్లు రావడం వంటివి జరిగితే, అది మీ నరాల వ్యవస్థ ఇబ్బందుల్లో ఉందని చెప్పడానికి ముఖ్యమైన సూచన అన్నమాట.
Also Read: మీకు తెలుసా? ఈ దేశాల్లో ‘వాలంటైన్స్ డే’ నేరం.. ఎందుకంటే?
కేవలం శారీరక శక్తి తగ్గడమే కాకుండా, బి12 లోపం మన మనసుపై కూడా ప్రభావం చూపుతుంది. కారణం లేకుండానే విపరీతమైన అలసట, బలహీన పడటం, ఆకలి మందగించి బరువు తగ్గడం వంటివి తలెత్తవచ్చు. దీంతోపాటు మతిమరుపు, ఏ పనిపైనా ఏకాగ్రత కుదరకపోవడం, చిరాకు, డిప్రెషన్ వంటి మానసిక స్థితిగతులు మిమ్మల్ని ఇబ్బంది పెడుతుంటే అది విటమిన్ లోపం వల్లే అని గ్రహించాలి. అలాగే కంటి చూపు మందగించడం కూడా దీని ప్రభావమే కావచ్చు.
విటమిన్ బి12 లోపానికి ప్రధాన కారణం మనం తీసుకునే ఆహారం, జీర్ణవ్యవస్థ పనితీరు. కడుపులో హైడ్రోక్లోరిక్ ఆమ్లం తగినంతగా ఉత్పత్తి కానప్పుడు మనం తీసుకున్న ఆహారం నుండి బి12 గ్రహించబడదు. ముఖ్యంగా శాకాహారుల్లో ఈ లోపం ఎక్కువగా ఉంటుంది. బి12 సహజంగా జంతు సంబంధిత ఆహారాల్లోనే ఎక్కువగా ఉంటుంది కాబట్టి. అందుకే, ఆహార విషయంలో తగిన జాగ్రత్తలు తీసుకుంటే ఈ లోపాన్ని అధిగమించవచ్చు.
⇒ పైన చెప్పిన లక్షణాలు కనిపిస్తే వెంటనే వైద్యుడిని సంప్రదించి రక్త పరీక్ష చేయించుకోవడం ఉత్తమం.
⇒ సమస్య తీవ్రతను బట్టి వైద్యులు సప్లిమెంట్స్ లేదా ఇంజెక్షన్లను సూచిస్తారు.
⇒ ఆహారంలో భాగంగా గుడ్లు, చేపలు, మాంసం, కాలేయం వంటివి చేర్చుకోవాలి.
⇒ శాకాహారులు పాలు, పెరుగు, పనీర్, పుట్టగొడుగులు, టోఫు వంటి పదార్థాలను క్రమం తప్పకుండా తీసుకోవాలి.
⇒ మన జీవనశైలిలో చిన్న చిన్న మార్పులు చేసుకోవడం ద్వారా విటమిన్ 12 సమస్య నుంచి తప్పించుకోవచ్చు.
Also Read: మీ గుండె ఆరోగ్యంగా ఉండాలంటే.. ఈ 4 తప్పులకు దూరంగా ఉండండి!
Share
CPI: కొత్తగూడెంపై ఎర్రజెండా ఎగురవేసింది.. పట్టు నిలుపుకున్న సీపీఐ
Dhurandhar 2 : మేకర్స్ మాస్టర్ స్కెచ్.. రూ.100 కోట్ల నష్టం పూడ్చుకునే పనిలో?
