Blocked arteries: బ్లాక్ అయిన రక్తనాళాలను క్లియర్ చేసే 3 సహజ అలవాట్లు ఇవే.

Blocked arteries: గుండె రక్తనాళాల్లో పూడికలు ఏర్పడటం అనేది నేటి కాలంలో ఒక తీవ్రమైన ఆరోగ్య సమస్య. బిజీ లైఫ్, జంక్ ఫుడ్ , శారీరక శ్రమ లేకపోవడం వల్ల ధమనులలో కొవ్వు పేరుకుపోయి రక్త ప్రసరణకు అడ్డంకిగా మారుతుంది. అయితే.. ప్రముఖ వాస్కులర్ సర్జన్ల ప్రకారం.. కేవలం మందుల ద్వారానే కాకుండా మన జీవనశైలిలో చిన్నచిన్న మార్పులు చేసుకోవడం ద్వారా సమస్యలను నివారించవచ్చు. మీ గుండె ఆరోగ్యాన్ని మెరుగుపరిచే మూడు ముఖ్యమైన అలవాట్ల గురించి వివరంగా ఇప్పుడు తెలుసుకుందాం.

1. యాంటీ ఇన్ఫ్లమేటరీ డైట్ (సరైన ఆహారపు అలవాట్లు): మన రక్తనాళాల్లో బ్లాకులు ఏర్పడటానికి ప్రధాన కారణం మనం తీసుకునే ఆహారం.

పండ్లు, కూరగాయలు: వీటిలో ఉండే యాంటీ ఆక్సిడెంట్స్ రక్తనాళాల గోడలను దెబ్బతినకుండా కాపాడతాయి. ముఖ్యంగా ఆకుకూరలు, బెర్రీలు గుండెకు మేలు చేస్తాయి.

మంచి కొవ్వులు: ఆలివ్ ఆయిల్, అవకాడో, బాదం, వాల్‌నట్స్ వంటి వాటిలో ఉండే ఒమేగా-3 ఫ్యాటీ యాసిడ్స్ చెడు కొలెస్ట్రాల్‌ను తగ్గించి, రక్తనాళాలను ఫ్లెక్సిబుల్‌గా ఉంచుతాయి.

చక్కెర, మైదాలకు దూరం: ప్రాసెస్ చేసిన ఆహారం, అధిక చక్కెర రక్తనాళాల్లో వాపు కలిగిస్తాయి. వీటిని తగ్గించడం వల్ల ధమనులు క్లియర్ అవుతాయి.

2. క్రమబద్ధమైన శారీరక శ్రమ:
వ్యాయామం అనేది రక్తనాళాలకు ఒక సహజమైన క్లీనర్ లాంటిది.

వాకింగ్: రోజుకు కనీసం 30-40 నిమిషాల వేగవంతమైన నడక రక్త ప్రసరణను పెంచుతుంది. ఇది ‘నైట్రిక్ ఆక్సైడ్’ విడుదలకు సహాయపడుతుంది. అంతే కాకుండా ఇది రక్తనాళాలను వెడల్పుగా చేసి రక్త ప్రసరణను సులభతరం చేస్తుంది.

గుండె వేగం పెరిగే వ్యాయామాలు: సైక్లింగ్, స్విమ్మింగ్ లేదా మెట్లు ఎక్కడం వంటి పనుల వల్ల గుండె కండరాలు దృఢంగా మారుతాయి. క్రమం తప్పకుండా వ్యాయామం చేయడం వల్ల శరీరంలో ‘మంచి కొలెస్ట్రాల్’ పెరుగుతుంది.

3. ఒత్తిడి నిర్వహణ,తగినంత నిద్ర:

చాలామంది గుండె ఆరోగ్యం అంటే కేవలం ఆహారం, వ్యాయామం అనుకుంటారు. కానీ మానసిక ప్రశాంతత అంతే ముఖ్యం.

స్ట్రెస్ కంట్రోల్: దీర్ఘకాలిక ఒత్తిడి వల్ల శరీరంలో కార్టిసోల్ అనే హార్మోన్ విడుదలవుతుంది. ఇది రక్తపోటును పెంచి రక్తనాళాల గోడలను దెబ్బతీస్తుంది. ధ్యానం, యోగా లేదా మీకు నచ్చిన హాబీలలో సమయం గడపడం వల్ల ఒత్తిడి తగ్గుతుంది.

గాఢ నిద్ర: రాత్రిపూట 7-8 గంటల నిద్ర లేకపోతే రక్తపోటు పెరిగే అవకాశం ఉంది. నిద్రలో మన శరీరం రక్తనాళాలను రిపేర్ చేసుకుంటుంది. కాబట్టి నాణ్యమైన నిద్ర గుండెకు రక్షణ కవచంలా పనిచేస్తుంది.

ముఖ్య గమనిక: పొగతాగడం, మద్యం అలవాటు ఉన్నవారు వాటిని మానుకోవడం అన్నిటికంటే ముఖ్యం. ఇవి నేరుగా రక్తనాళాలను విషతుల్యం చేస్తాయి.