ఆపరేషన్, కుట్లు లేకుండా సహజ ప్రసవం కోసం డాక్టర్లు సూచించే టిప్స్ ఇవే..

పిల్లలంటే అందరికీ ఇష్టం. ముఖ్యంగా గర్భవతి కావడం అనేది మహిళలకు ఆనందం, ఉత్సాహం కలిగిస్తుంది. అయితే తొలిసారి గర్భం దాల్చినప్పుడు మహిళలు ఆరోగ్యపరంగా ఆందోళనపడతారు. చాలా మంది గర్భవతులు ప్రసవం సమయంలో సర్జరీ ఆపరేషన్ గురించి ఆలోచిస్తూ భయపడుతుంటారు. కొన్నిసార్లు ఈ ఆపరేషన్ తరువాత కుట్లు త్వరగా ఊడిపోవడం కూడా జరుగుతుంది.

ప్రముఖ గైనకాలజిస్ట్ డాక్టర్ సోనియా గుప్తా ఈ సమస్యలను నివారించడానికి కొన్ని ఉపయోగకరమైన చిట్కాలు సూచించారు.

ప్రసవంలో సర్జరీ ఎందుకు చేస్తారు

డాక్టర్లు బిడ్డ సులభంగా బయటకు వచ్చేందుకు డాక్టర్లు కొన్నిసార్లు చిన్న కట్ వేస్తారు. ఇది పెద్ద టియర్ ఏర్పడకుండా చూస్తుంది. పుట్టబోయే బిడ్డ సైజులో పెద్దగా ఉన్నప్పుడు.. తప్పుడు పుష్ చేయడం వల్ల అక్కడ కండరాలు చీలి టయిర్ ఎక్కువ అవుతుంది. సరైన జాగ్రత్తలతో ఈ సమస్యను బాగా తగ్గించవచ్చు.

సరైన పుష్ టెక్నిక్ నేర్చుకోండి

డాక్టర్ సోనియా గుప్తా ప్రకారం.. ప్రసవ సమయంలో పుష్ చేసే సమయం చాలా ముఖ్యం. సర్విక్స్ పూర్తిగా 10 సెంటీమీటర్లు తెరిచిన తర్వాత మాత్రమే పుష్ చేయాలి. ముందుగా పుష్ చేస్తే సున్నితమైన కండరాలపై ఒత్తిడి పెరిగి కట్‌లు పెరిగిపోతాయి. సరైన సమయంలో పుష్ చేయడం వల్ల పెరినియం ప్రాంతం భద్రతగా పొందుతుంది.

ప్రసవ ప్రారంభంలో చురుకుగా ఉండండి

చాలా మంది మహిళలు ప్రసవం మొదలైనప్పుడు ఎక్కువగా విశ్రాంతి తీసుకునేందుకు పడుకునే ఉంటారు. డాక్టర్లు తేలికపాటి నడక సలహా ఇస్తారు. నెమ్మదిగా నడవడం వల్ల పెల్విక్ కండరాలు సౌకర్యంగా, బలంగా ఉంటాయి. ఇది రక్త ప్రసరణ మెరుగుపరుస్తుంది. తగినంత నీళ్లు తాగడం కూడా చాలా ముఖ్యం.

గర్భవతులు వ్యాయామాలు క్రమం తప్పకుండా చేయాలి

గర్భిణీ స్త్రీలు వ్యాయామాలు చేస్తే పెల్విక్ ఫ్లోర్ కండరాలు బలపడతాయి. డాక్టర్ సోనియా గుప్తా.. కీగెల్ వ్యాయామాలు, బటర్‌ఫ్లై పోజ్, స్క్వాట్స్ చేయాలని సూచించారు. గర్భం దాల్చిన మూడు లేదా నాలుగు నెలల తరువాత నుంచి ఈ వ్యాయామాలు చేయడం సురక్షితం. బలమైన కండరాలు ప్రసవంలో టియర్, కట్‌ల అవకాశాన్ని తగ్గిస్తాయి.

రోజువారీ ఆహారంలో ప్రోటీన్ చేర్చండి

ప్రోటీన్ కండరాలు, చర్మాన్ని బలంగా, సాగేందుకు వీలుగా ఉంచుతుంది. దాల్, సోయాబీన్స్, పాలు, పాల ఉత్పత్తులు తినాలి. ఇది చీలిక తగ్గించడంతో పాటు బిడ్డ అభివృద్ధికి కూడా సహాయపడుతుంది. ప్రసవం తర్వాత కూడా శరీరం త్వరగా కోలుకోవడానికి ఉపయోగపడుతుంది.

ప్రసవంలో ప్రశాంతంగా, రిలాక్స్‌గా ఉండండి.

ప్రసవ సమయంలో భయం, ఒత్తిడి కండరాలను గట్టిపరుస్తాయి. శ్వాస వ్యాయామాలు శరీరాన్ని రిలాక్స్ చేసి, ఒత్తిడిని తగ్గిస్తాయి. ప్రశాంతంగా ఉండటం వల్ల పుష్ సులభం అవుతుంది. ఆత్మవిశ్వాసం పెరుగుతుంది.

Also Read: రోజంతా ఫ్రెష్‌గా, ఒత్తిడికి దూరంగా ఉండాలనుకుంటున్నారా? ఉదయాన్నే ఈ పనులు చేస్తే సరి

డాక్టర్ సలహాలను పాటించండి

ప్రతి మహిళకు గర్భ సమయంలో సమస్యలు వేరుగా ఉంటాయి. తల్లి, బిడ్డ ఆరోగ్యాన్ని బట్టి డాక్టర్లు నిర్ణయం తీసుకుంటారు. కొన్నిసార్లు కుట్టు అవసరం అవుతుంది. భయపడకుండా డాక్టర్లపై నమ్మకం ఉంచి, రెగ్యులర్ చెకప్‌లు చేయించుకోవాలి.

సాధారణ ప్రసవంలో కుట్టు లేదా కట్‌లు కొన్నిసార్లు అనివార్యం కావచ్చు. కానీ సరైన వ్యాయామాలు, పుష్ టెక్నిక్, ప్రోటీన్ ఆహారం, నీళ్లు తాగడం, ప్రశాంతంగా ఉండటం ద్వారా ఈ అవకాశాలను బాగా తగ్గించవచ్చు. డాక్టర్ సోనియా గుప్తా ప్రకారం గర్భం పూర్తి కాలంలో సరైన సన్నాహాలు చేసుకుంటే సులభమైన ప్రసవం సాధ్యమవుతుంది.