Sweet Cravings: మనందరికీ ఏదో ఒక సమయంలో స్వీట్లు లేదా ఉప్పగా ఉండే స్నాక్స్ తినాలనిపిస్తుంది. అయితే.. ఆ సమయంలో మనం ఎంచుకునే చిప్స్, కేకులు లేదా మిఠాయిలు ఆరోగ్యానికి హాని కలిగించవచ్చు. ఈ కోరికలను అదుపు చేయడం కంటే.. వాటికి బదులుగా ఆరోగ్యకరమైన ప్రత్యామ్నాయాలను ఎంచుకోవడం ఉత్తమం. సరైన ఆహార పదార్థాలను ఎంచుకోవడం ద్వారా రుచితో పాటు శరీరానికి అవసరమైన పోషణను కూడా అందించవచ్చు. తీపి, ఉప్పు కోరికలను తీర్చే కొన్ని అద్భుతమైన ఆరోగ్యకరమైన మార్గాలను గురించి ఇప్పుడు తెలుసుకుందాం.
స్వీట్, సాల్టీ క్రేవింగ్స్: రుచికరమైన, ఆరోగ్యకరమైన ప్రత్యామ్నాయాలు:
మనం ఒత్తిడిలో.. ఉన్నప్పుడు లేదా ఆకలి వేసినప్పుడు మన మెదడు వెంటనే చక్కెర లేదా ఉప్పు ఎక్కువగా ఉన్న ఆహారాన్ని కోరుకుంటుంది. కానీ అవేవీ శరీరానికి మేలు చేయవు. ఆ కోరికలను తీర్చుకుంటూనే ఆరోగ్యాన్ని కాపాడుకునే మార్గాలు ఇవే..
1. తీపి కోరికల కోసం :
మీకు ఏదైనా తియ్యగా తినాలనిపిస్తే.. ప్రాసెస్ చేసిన చక్కెర ఉన్న పదార్థాలకు బదులుగా వీటిని ప్రయత్నించండి.
తాజా పండ్లు: చాక్లెట్లకు బదులుగా ద్రాక్ష, యాపిల్ లేదా బెర్రీలు తీసుకోండి. వీటిలో ఫైబర్ , యాంటీ ఆక్సిడెంట్లు పుష్కలంగా ఉంటాయి.
ఖర్జూరాలు: ఇవి ప్రకృతి ఇచ్చిన స్వీట్లు. వీటిలో ఫైబర్ , ఐరన్ ఎక్కువగా ఉంటుంది. ఒక ఖర్జూరంలో కొంచెం పీనట్ బటర్ పెట్టి తింటే ఆ రుచి అద్భుతంగా ఉంటుంది.
గ్రీక్ యోగర్ట్, తేనె: ఐస్క్రీమ్ తినాలనిపిస్తే, పెరుగులో కొంచెం తేనె, పండ్ల ముక్కలు కలుపుకుని తినండి. ఇది ప్రోటీన్ను కూడా అందిస్తుంది.
డార్క్ చాక్లెట్: మిల్క్ చాక్లెట్ కంటే 70% కంటే ఎక్కువ కోకో ఉన్న డార్క్ చాక్లెట్ మేలు. ఇది గుండె ఆరోగ్యానికి కూడా మంచిది.
2. ఉప్పగా ఉండే పదార్థాల కోసం:
చిప్స్ లేదా ఫ్రైడ్ స్నాక్స్ వంటి ఉప్పు అధికంగా ఉండే వాటికి బదులుగా వీటిని ఎంచుకోండి.
పాప్కార్న్: నూనెలో వేయించిన చిప్స్ కంటే ఇంట్లో చేసుకున్న పాప్కార్న్ చాలా మేలు. దీనిపై ఉప్పు తక్కువగా వేసి, మిరియాల పొడితో రుచిని పెంచుకోవచ్చు.
నట్స్ , విత్తనాలు: బాదం, వాల్నట్స్ లేదా గుమ్మడి గింజలు. ఇవి ఉప్పగా ఉండటమే కాకుండా ఓమేగా-3 ఫ్యాటీ యాసిడ్లను అందిస్తాయి.
మఖానా: వీటిని కొద్దిగా నెయ్యిలో వేయించి, ఉప్పు, కారం చల్లుకుంటే.. మంచి కరకరలాడే స్నాక్ సిద్ధమవుతుంది.
రోస్టెడ్ శనగలు: వేయించిన శనగలు ప్రోటీన్కు గొప్ప మూలం. ఇవి ఆకలిని కూడా త్వరగా తగ్గిస్తాయి.
Also Read: కిడ్నీలు పదిలంగా ఉండాలా? ఈ 5 అలవాట్లు మార్చుకోండి !
3. తీపి, ఉప్పు రెండూ కావాలనిపిస్తే:
యాపిల్ స్లైసెస్ విత్ పీనట్ బటర్: యాపిల్ తీపిని, పీనట్ బటర్ కొద్దిగా ఉప్పును అందిస్తాయి. ఇది చాలా సేపు కడుపు నిండుగా ఉంచుతుంది.
నట్స్ అండ్ డ్రై ఫ్రూట్ మిక్స్: ఎండు ద్రాక్ష, బాదం కలిపి తింటే తీపి.. ఉప్పు రెండూ లభిస్తాయి.
ఆరోగ్యకరమైన ప్రత్యామ్నాయాలు అయినప్పటికీ.. వీటిని కూడా పరిమితంగా తీసుకోవాలి. క్రేవింగ్స్ రావడానికి ప్రధాన కారణం డీహైడ్రేషన్ కూడా కావచ్చు. కాబట్టి ముందుగా.. ఒక గ్లాసు నీరు తాగి చూడండి. అప్పుడు కూడా తినాలనిపిస్తేనే.. ఈ హెల్తీ స్నాక్స్ను ఎంచుకోండి.
Share
Prabhas: ఫౌజీ సెట్ లో ప్రభాస్ కు గాయం...క్లారిటీ ఇచ్చిన టీమ్...నిజం ఏంటంటే?
Station Ghanpur Municipality: స్టేషన్ ఘన్ పూర్ మున్సిపాలిటీలో కొలువుదీరిన కొత్త పాలకవర్గం..!
