Oil For Strong Hair| జుట్టుని చాలా మంది అందానికి ప్రతీకగా, ఒక సంపదలా భావిస్తుంటారు. అందుకే జుట్టు ఆరోగ్యం కోసం సరైన షాంపూ నుండి హెయిర్ మాస్క్ వరకు అవసరమైన అన్ని జాగ్రత్తలు తీసుకుంటారు. అయినప్పటికీ, సరైన ఉత్పత్తులు ఉపయోగించినా, చాలా సార్లు జుట్టు రాలడం లేదా జుట్టు ఆరోగ్యంగా కనిపించకపోవడం జరుగుతుంది. దీనికి కారణం జుట్టు వేర్లు ఆరోగ్యంగా లేకపోవడం, దీనివల్ల జుట్టు నిర్జీవంగా, బలహీనంగా మారుతుంది.
జుట్టును ఆరోగ్యంగా ఉంచడానికి ఒక సులభమైన మార్గం జుట్టుకు నూనె రాయడం. అయితే, జుట్టు ఆరోగ్యాన్ని మెరుగుపరిచే సరైన నూనెను ఎంచుకోవడం చాలా ముఖ్యం. మార్కెట్లో వివిధ రకాల హెయిర్ ఆయిల్స్ అందుబాటులో ఉన్నాయి. సరైన నూనె ఎంచుకోవడం వల్ల జుట్టుకు ఎంతో ప్రయోజనం కలుగుతుంది. అందుకే కొన్ని హెయిర్ ఆయిల్స్ గురించి వివరాలు తెలుసుకుందాం. ఈ ఆయిల్స్.. మీ జుట్టును బలంగా, మెరిసేలా చేస్తాయి.
కొబ్బరి నూనె
కొబ్బరి నూనె జుట్టుకు అత్యంత ప్రభావవంతమైన నూనెల్లో ఒకటి. భారతదేశంలో అత్యధికంగా కొబ్బిర నూనె జుట్టుకు రాసుకుంటారు. ఇందులో ఫ్యాటీ యాసిడ్స్, యాంటీఆక్సిడెంట్స్ సమృద్ధిగా ఉంటాయి. ఇవి జుట్టు కుదుళ్లలోకి చొచ్చుకొని పోయి.. తేమను అందిస్తాయి. తద్వారా జుట్టు రాలడాన్ని తగ్గిస్తాయి. ఇది జుట్టును లోపలి నుండి బలపరుస్తుంది, విరిగిపోకుండా కాపాడుతుంది. పొడి లేదా దెబ్బతిన్న జుట్టుకు ఇది అద్భుతంగా పనిచేస్తుంది.
ఆర్గాన్ నూనె
“లిక్విడ్ గోల్డ్” అని పిలిచే ఆర్గాన్ నూనె మొరాకో ఆర్గాన్ చెట్టు నుండి తీసుకోబడుతుంది. ఇందులో విటమిన్ E, ఫ్యాటీ యాసిడ్స్ ఉంటాయి. ఇవి జుట్టుకు మెరుపును, మృదుత్వాన్ని అందిస్తాయి. ఎండ నుంచి కాపాడతాయి. ఇది తేలికైనది, జిడ్డుగా ఉండదు. కాబట్టి నిర్జీవమైన జుట్టుకు ఇది సరైన ఎంపిక.
క్యాస్టర్ నూనె లేదా ఆముదం నూనె
ఆముదం అంటే క్యాస్టర్ నూనె చాలా గాఢంగా ఉంటుంది. ఇందులో రిసినోలిక్ యాసిడ్ పుష్కలంగా ఉంటుంది. ఇది తలలో రక్త ప్రసరణను మెరుగుపరుస్తుంది. జుట్టు పెరుగుదలను ప్రోత్సహిస్తుంది, జుట్టు పల్చబడటాన్ని తగ్గిస్తుంది. తల వెంట్రుకల ఆరోగ్యాన్ని మెరుగుపరుస్తుంది. ప్రతిరోజు ఉపయోగిస్తే.. జుట్టు దట్టంగా, బలంగా, మరియు మెరిసేలా మారుతుంది.
బాదం నూనె
బాదం నూనెలో బయోటిన్, మెగ్నీషియం, మరియు విటమిన్ E ఉంటాయి. ఇవి జుట్టుని బలపరిచడమే కాకుండా కుదుళ్లు, చివరలు చీలిపోకుండా నిరోధిస్తాయి. జుట్టు ఆకృతిని బాదం నూనె మృదువుగా చేస్తుంది. సహజమైన మెరుపును అందిస్తుంది. స్టైలింగ్ సమయంలో జుట్టు చిక్కులను తొలగించడానికి, రాపిడిని తగ్గించడానికి ఇది బాగా పనిచేస్తుంది.
Also Read: అందం కోసం ఇంజెక్షన్లు.. సెలెబ్రిటీల బ్యూటీ ట్రీట్మెంట్ ప్రమాదకరమా?
రోజ్మేరీ నూనె
రోజ్మేరీ ఎసెన్షియల్ ఆయిల్ రక్త ప్రసరణను మెరుగుపరుస్తుంది. జుట్టు కుదుళ్లను ఉత్తేజపరుస్తుంది. ఇది జుట్టు పల్చబడటాన్ని తగ్గిస్తుంది. జుట్టు ఒత్తుగా, లావుగా తయారవుతుంది. క్యారియర్ ఆయిల్తో కలిపి ఉపయోగించినప్పుడు, ఇది జుట్టు పెరుగుదలకు సమర్థవంతమైన చికిత్సగా పనిచేస్తుంది. జుట్టుకు ఆరోగ్యకరమైన మెరుపును ఇస్తుంది.
ఈ హెయిర్ ఆయిల్స్ను ప్రతిరోజు ఉపయోగించడం వల్ల మీ జుట్టు బలంగా, మెరిసేలా, ఆరోగ్యంగా మారుతుంది. మీ జుట్టు సమస్యలకు తగిన నూనెను ఎంచుకుని, రెగ్యులర్గా మసాజ్ చేయడం ద్వారా జుట్టు వేర్లను బలపరచండి. ఈ సహజ నూనెలతో మీ జుట్టు అందంగా, ఆకర్షణీయంగా కనిపిస్తుంది.
Also Read: వర్షాకాలంలో చర్మ ఆరోగ్యం కోసం ఫేస్ ప్యాక్స్.. ఇంట్లోనే తక్కువ ఖర్చుతో తయారు
Share
Businessman Khemka Murder:నడిరోడ్డుపై ప్రముఖ వ్యాపారవేత్త హత్య.. 6 ఏళ్ల క్రితం ఆయన కుమారుడిని కూడా ఇలాగే
Rakul Preet Singh: దీనస్థితికి చేరుకున్న రకుల్ భర్త.. ఎట్టకేలకు స్పందించిన జాకీ భగ్నానీ!
