జ్యోతిష్యం ప్రకారం గురుడు, శుక్రుడు, శని, కుజుడు, రాహు, కేతు వంటి గ్రహాల స్థితి వివాహ జీవితంపై ప్రభావం చూపుతుంది. ఈ గ్రహాలు బలహీనంగా ఉన్నప్పుడు లేదా ప్రతికూల స్థితిలో ఉన్నప్పుడు పెళ్లి ఆలస్యం కావడం, సంబంధాలు కుదరకపోవడం లేదా నిశ్చితార్థాలు విఫలం కావడం వంటి పరిస్థితులు ఎదురవుతాయని చెబుతారు. అందుకే కొందరు రత్నాలను పరిహారంగా సూచిస్తారు.
పుష్యరాగం లేదా యెల్లో సఫైర్ రత్నం గురుగ్రహానికి సంబంధించిన రత్నంగా గుర్తించబడింది. గురుడు జ్ఞానం, అదృష్టం, వివాహ యోగం, శుభఫలాలకు ప్రతీకగా భావిస్తారు. ఈ రత్నం ధరించడం వల్ల వివాహ అవకాశాలు బాగా పెరుగుతాయని నమ్మకం ఉంది. సరైన జీవిత భాగస్వామి కోసం ఎదురుచూస్తున్న వారికి ఇది ఉపయోగకరమని జ్యోతిష్యులు చెబుతారు.
సాధారణంగా గురువారం రోజున పుష్యరాగాన్ని ధరించడం శుభప్రదంగా భావిస్తారు. రత్నాన్ని పాలు, గంగాజలంతో శుద్ధి చేసిన తర్వాత గురు మంత్రాలను జపించి చూపుడు వేలికి ధరించాలి అని ఉంది.
ఓపల్, వజ్రం.. శుక్రగ్రహానికి సంబంధించిన రత్నాలుగా పరిగణించబడతాయి. శుక్రుడు ప్రేమ, అందం, దాంపత్య సౌఖ్యం మరియు సంబంధాలకు ప్రతీక. ఈ రత్నాలు వివాహానికి సంబంధించిన అడ్డంకులను తగ్గించడంలో సహాయపడతాయని చాలామంది విశ్వసిస్తారు.
ఈ రత్నాలను సాధారణంగా ఉంగరపు వేలికి ధరించాలని సూచిస్తారు. శాస్త్రోక్త విధానంలో ధరించడం వల్ల మంచి ఫలితాలు లభిస్తాయని జ్యోతిష్య నమ్మకం.
Also Read: ఇంట్లో సంపద, శుభం కోసం మనీ ప్లాంట్ పెంచుతున్నారా? ఈ మూడు మొక్కలు దాని కంటే బెటర్
మాంగలిక దోషం కారణంగా కూడా వివాహం ఆలస్యం కావచ్చని జ్యోతిష్య శాస్త్రంలో ఉంది. పగడం లేదా రెడ్ కోరల్ కుజగ్రహానికి సంబంధించిన రత్నం. దీన్ని ధరించడం ద్వారా కుజ దోష ప్రభావం తగ్గుతుందని, వివాహ యోగం మెరుగుపడుతుందని చెబుతారు.
పగడాన్ని మంగళవారం రోజున కుజ మంత్రాలను జపిస్తూ కుడిచేతి ఉంగరపు వేలికి ధరించాలని సంప్రదాయం సూచిస్తుంది.
ప్రతి వ్యక్తి జాతకం భిన్నంగా ఉంటుంది. అందువల్ల ఒకరికి అనుకూలమైన రత్నం మరొకరికి సరిపోకపోవచ్చు. సరైన జాతక విశ్లేషణ తర్వాత మాత్రమే రత్నాలను ధరించడం మంచిదని నిపుణులు సూచిస్తున్నారు.
గమనిక: ఈ వ్యాసంలో ఉన్న సమాచారం.. జ్యోతిష్య నమ్మకాలు, సంప్రదాయాల ఆధారంగా ఇవ్వబడింది. వీటికి సైన్స్ పరంగా ఎటువంటి ఆధారాలు లేవు.
Share
ఫాతిమా సనాకు బంపర్ ఆఫర్.. 'ది హండ్రెడ్ 2026' లోకి వైల్డ్కార్డ్
ఫ్రిడ్జ్లో ఈ పండ్లు పెడుతున్నారా? పెద్ద తప్పు చేస్తున్నట్లే.. షాకింగ్ నిజాలు!
