కొంతమంది పిల్లలు తమ మనసులో ఉన్న బాధను ఎప్పుడూ మాటల్లో చెప్పలేరు. వారు తమ ప్రవర్తన, అలవాట్లు, హావభావాల ద్వారా తమ సమస్యలు వ్యక్తం చేస్తారు. చాలా మంది తల్లిదండ్రులు పనుల్లో బిజీగా ఉండటం లేదా ఇది సాధారణమే అనుకోవడం వల్ల ఈ మార్పులను గుర్తించలేరు. అయితే పిల్లల మానసిక ఆరోగ్యాన్ని కాపాడాలంటే ఇలాంటి సంకేతాలను ముందుగానే గుర్తించడం చాలా ముఖ్యం. ప్రేమ, ఓర్పు, అర్థం చేసుకునే స్వభావం గల తల్లిదండ్రులు ఉంటే పిల్లలుకు కూడా ధైర్యం కలుగుతుంది.
కొందరు పిల్లలు ఎలాంటి కారణం లేకుండా ఒక్కసారిగా చాలా సంతోషంగా కనిపిస్తారు. కొద్దిసేపటికే కోపంగా లేదా చిరాకుగా మారిపోతారు. ఈ తరచు మూడ్ మార్పులు మానసిక ఒత్తిడికి సంకేతం కావచ్చు. పిల్లలు తమ భావాలను మాటల్లో చెప్పలేక ప్రవర్తన ద్వారా చూపిస్తారు.
ఇంతకుముందు అందరితో కలిసి ఆడుకునే పిల్లలు అకస్మాత్తుగా ఒంటరిగా ఉండాలనుకోవచ్చు. కుటుంబ సభ్యులు, స్నేహితులతో సమయం గడపడానికి ఆసక్తి చూపకపోవచ్చు. ఇలా చేయడం బాధ, భయం లేదా వారిలో ఆత్మవిశ్వాసం తగ్గినట్లు సూచన కావచ్చు. ఈ ప్రవర్తనను నిర్లక్ష్యం చేయకుండా త్వరగా కారణాన్ని తెలుసుకోవాలి.
పిల్లలకు నిద్ర పట్టకపోవడం, తరచూ భయంకరమైన కలలు రావడం లేదా ఎక్కువసేపు నిద్రపోవడం కూడా ఆందోళన కలిగించే సంకేతాలు కావచ్చు. ఇలాంటి సమస్యలు ఎక్కువకాలం కొనసాగితే వాటిని తేలికగా తీసుకోకూడదు.
బాగా చదివే పిల్లలు అకస్మాత్తుగా చదువుపై దృష్టి కోల్పోవచ్చు. విషయాలు త్వరగా మర్చిపోవచ్చు. దీన్ని బద్ధకం అని భావించకూడదు. భావోద్వేగ ఒత్తిడి కూడా చదువుపై ప్రభావం చూపుతుంది.
కొన్ని పిల్లలు తమ బాధను అరవడం, కోపం చూపించడం లేదా కొట్టడం ద్వారా బయటపెడతారు. ఇలాంటి సమయంలో వారిని మందలించడం కంటే సమస్యకు కారణం తెలుసుకోవడం చాలా ముఖ్యం.
కొందరు పిల్లలు తలనొప్పి లేదా కడుపునొప్పి ఉందని తరచూ చెబుతారు. వైద్యులు ఎలాంటి శారీరక సమస్య లేదని చెప్పినా ఈ ఫిర్యాదులు కొనసాగవచ్చు. మానసిక ఒత్తిడి కూడా శారీరక లక్షణాల రూపంలో కనిపించే అవకాశం ఉంటుంది.
కొందరు పిల్లలు ప్రతి చిన్న విషయానికీ భయపడుతుంటారు. ఒంటరిగా ఉండడం లేదా ఓడిపోవడం గురించి ఎక్కువగా ఆందోళన చెందుతారు. ఇది మానసిక అసురక్షిత భావానికి సంకేతం కావచ్చు. సరైన సమయంలో ప్రోత్సాహం అందించడం చాలా అవసరం.
ముందు ఎంతో ఇష్టంగా చేసిన ఆటలు, హాబీలు లేదా ఇతర పనులపై ఆసక్తి తగ్గిపోవచ్చు. ఇది మానసిక అలసట లేదా దిగులుకు సంకేతం కావచ్చు. తల్లిదండ్రులు ప్రేమగా మాట్లాడి కారణాన్ని తెలుసుకునే ప్రయత్నం చేయాలి.
కొందరు పిల్లలు తాము చేసిన ప్రతి పనికి “నేను సరిగ్గా చేశానా?” అని పదే పదే అడుగుతుంటారు. ఇది ఆత్మవిశ్వాసం తగ్గిన సూచన కావచ్చు. వారి మంచి లక్షణాలను గుర్తించి ప్రశంసించడం ద్వారా ధైర్యాన్ని పెంచవచ్చు.
పిల్లలు కొన్నిసార్లు తమ భావాల గురించి మాట్లాడటానికి ఇష్టపడరు. ప్రశ్నలు అడిగినా మౌనంగా ఉంటారు. వారికి సహాయం అవసరం లేదని దీని అర్థం కాదు. వారు సురక్షితమైన, ప్రశాంతమైన వాతావరణాన్ని కోరుకుంటారు. అలాంటి వాతావరణం కల్పిస్తే క్రమంగా మనసు విప్పి మాట్లాడడం ప్రారంభిస్తారు.
Also Read: మనిషి చేసే ఈ తప్పుల వల్లే పేదరికం.. చెడు అలవాట్లు ఈ రోజే మానుకోండి
పిల్లల మాటలను ఓర్పుగా వినాలి. వారి భావాలను వెంటనే తప్పుపట్టకూడదు. ప్రతిరోజూ కొంత సమయం వారితో గడపాలి. ఇంట్లో ప్రశాంతమైన, ప్రేమతో కూడిన వాతావరణాన్ని ఏర్పరచాలి. ఈ లక్షణాలు ఎక్కువకాలం కొనసాగితే పిల్లల మానసిక ఆరోగ్య నిపుణుడిని సంప్రదించడం మంచిది. సరైన సమయంలో అందించే ప్రేమ, మద్దతు పిల్లల భవిష్యత్తును సానుకూలంగా మార్చగలదు.
Share
Illu Illalu Pillalu Today Episodes: ప్రేమను కాపాడిన ధీరజ్.. వేధవతికి షాకిచ్చిన నర్మదా.. ఇది కదా ఫ్యాన్స్ కోరుకునేది..
Gundeninda GudiGantalu Today episode: చింతామణి నెక్స్ట్ ప్లానేంటి..? బాలు పై అరుణ్ రివేంజ్.. శృతి ఎంత పని చేసింది..?
