ఆరోగ్యం కోసం బాదం, కాజు, పిస్తా తింటున్నారా? జాగ్రత్త అలా తింటే ప్రమాదకరం

Eating Nuts Right Amount| డ్రై ఫ్రూట్స్‌లో నట్స్ (బాదం, కాజు, పిస్తా, వాల్‌నట్స్) అనేవి ఆరోగ్యానికి చాలా మంచి స్నాక్స్. ఇందులో ప్రోటీన్, ఆరోగ్యకరమైన కొవ్వులు (హెల్తీ ఫ్యాట్స్), ఫైబర్, విటమిన్లు, మినరల్స్ పుష్కలంగా ఉంటాయి. చాలా మంది రోజూ నట్స్ తింటారు. కానీ ఎక్కువ తినడం వల్ల సమస్యలు వచ్చే అవకాశం ఉంది. డాక్టర్లు సరైన మోతాదులో తినాలని హెచ్చరిస్తున్నారు.

నట్స్ ఆరోగ్యానికి ఎందుకు మంచివి

నట్స్‌లో ఉండే ఆరోగ్యకరమైన కొవ్వు, ప్రోటీన్ పుష్కలంగా ఉంటాయి. ఇవి గుండె, మెదడు ఆరోగ్యాన్ని ఎంతో ముఖ్యం. చెడు కొలెస్ట్రాల్‌ను తగ్గించి, బ్లడ్ షుగర్‌ కంట్రోల్ చేయడానికి సహాయపడతాయి. నట్స్ తినడం వల్ల ఎక్కువసేపు కడుపు నిండుగా ఉంటుంది. ఇది అధిక ఆహారం తినకుండా ఆపుతుంది.

రోజుకు ఎన్ని నట్స్ తినాలి?

అపోలో హాస్పిటల్స్‌లో బెరియాట్రిక్ సర్జన్ డాక్టర్ అన్షుమాన్ కౌశల్ ప్రకారం.. రోజుకు ఒక గుప్పెడు నట్స్ తినాలి. అంటే సుమారు 20 నుంచి 30 గ్రాములు నట్స్ తినవచ్చు. బాదం, వాల్‌నట్, పిస్తా లేదా మిక్స్ నట్స్ తినవచ్చు. ఇంతకంటే ఎక్కువ తినడం వల్ల క్యాలరీలు ఎక్కువ అవుతాయి. ఆరోగ్యకరమైనవి అయినా క్యాలరీలు ఎక్కువగా ఉండటం వల్ల బరువు పెరగవచ్చు.

నియంత్రణ ఎందుకు అవసరం

నట్స్‌లో ఎక్కువ క్యాలరీస్ ఉంటాయి. ఎక్కువ తినడం వల్ల రోజువారీ క్యాలరీలు అధికమవుతాయి. దీని వల్ల బరువు పెరగడం జరుగుతుంది. సరైన మోతాదులో తింటే పోషకాలు లభిస్తాయి. కానీ బరువు పెరగడం జరగదు.

ఏ నట్స్ తినాలి?

బాదం మెదడు, చర్మ ఆరోగ్యానికి మంచిది. వాల్‌నట్‌లో ఒమేగా 3 యాసిడ్స్ ఉన్నాయి. ఇది గుండె, మెదడు పనితీరును మెరుగుపరుస్తుంది. పిస్తా జీర్ణక్రియకు సహాయపడుతుంది. కాజులో ఐరన్ అధికరంగా ఉంటుంది. అందుకే వివిధ రకాల నట్స్ కలిపి తినడం మంచిది.

నట్స్ సరైన సమయంలో తినాలి?

రోజులో ఎప్పుడైనా తినవచ్చు. ఉదయం తినడం వల్ల ఎనర్జీ వస్తుంది. భోజనాల మధ్య స్నాక్‌గా తినవచ్చు. సలాడ్‌లు లేదా బ్రేక్‌ఫాస్ట్‌లో కూడా జోడించవచ్చు.

ఎవరు జాగ్రత్తగా ఉండాలి?

బరువు తగ్గాలనుకునే వారు సరైన మోతాదులో తినాలి. అలర్జీ ఉన్నవారు ఆ నట్స్ తినకూడదు. ఏవైనా ఆరోగ్య సమస్యలు ఉంటే డాక్టర్‌ను అడిగి తినండి.

Also Read: పిల్లలు పుట్టిన తరువాత మహిళల్లో లైంగిక కోరికలు తగ్గుతాయా? ఈ సమయంలో దంపుతులు ఏం చేయాలి?

నట్స్ తినడానికి స్మార్ట్ చిట్కాలు

ప్రతిసారీ సరైన మోతాదు కొలిచి తినండి. పెద్ద ప్యాకెట్ నుంచి నేరుగా తినకండి. ఉప్పు లేని, ప్రాసెస్ చేయని నట్స్ ఎంచుకోండి. నానబెట్టిన నట్స్ సులభంగా జీర్ణమవుతాయి. చిన్న ప్యాకెట్‌లో తీసుకెళ్లి స్నాక్‌గా తినండి.

నట్స్ అనేవి ఆరోగ్యానికి పవర్‌ఫుల్ ఆహారం. సరైన మోతాదులో తింటే అనేక ప్రయోజనాలు లభిస్తాయి. ఎక్కువ తినడం వల్ల సమస్యలు వస్తాయి. రోజుకు ఒక గుప్పెడు నట్స్ చాలు.