వేసవిలో మండిపోయే ఎండలు కేవలం మన శరీరానికే కాదు ఇంట్లో ప్రతి మూలపై ప్రభావం చూపుతాయి. ఈ వేడి వాతావరణం కారణంగా గాలి ప్రసరణ సరిగా లేకపోవడం, చెమట కారణంగా బట్టలల్లో దుర్వాసన, తేమ వల్ల బట్టలు పెట్టే బీరువా, అల్మరాలో తేమ వల్ల ఒక విధమైన దుర్వాసన వస్తుంది.
చెమట పట్టిన బట్టలను అలాగే పెట్టడం వల్ల సమస్య మరింత పెరుగుతుంది. ఈ పరిస్థితుల్లో ఫంగస్ కూడా త్వరగా పెరుగుతుంది. దీంతో మంచి బట్టలకూ చెడు వాసన వ్యాపిస్తుంది. అల్మరా తెరిచిన ప్రతిసారి ఈ వాసన కారణంగా అసహనం కలుగుతుంది. ఈ సమస్యకు ఖరీదైన ఎయిర్ ఫ్రెషనర్ అవసరం లేకుండానే సులభ చిట్కాలతో పరిష్కరించవచ్చు.
బేకింగ్ సోడా దుర్వాసనను త్వరగా తగ్గిస్తుంది. చిన్న గాజు సీసాలో రెండు లేదా మూడు చెంచాలు బేకింగ్ సోడా వేయాలి. దాన్ని అల్మరా మూలలో ఉంచాలి. అవసరమైతే కొన్ని చుక్కల ఎసెన్షియల్ ఆయిల్ కూడా కలపవచ్చు. బేకింగ్ సోడా తేమను, చెడు వాసనను పీల్చుకుంటుంది. ప్రతి నెల దాన్ని మార్చడం మంచిది.
కాఫీ పొడి కూడా అల్మరా వాసనను తగ్గించడంలో ఉపయోగపడుతుంది. కొంచెం కాఫీ పొడిని చిన్న గుడ్డలో చుట్టాలి. దాన్ని హ్యాంగర్కు వేలాడదీయాలి లేదా షెల్ఫ్పై పెట్టాలి. కాఫీ సువాసన చెడు వాసనను త్వరగా తగ్గిస్తుంది. అల్మరా తెరిచినప్పుడు మంచి ఫ్రెష్ స్మెల్ వస్తుంది.
కొన్ని కాటన్ బాల్స్ తీసుకోవాలి. వాటిపై మీకు ఇష్టమైన ఎసెన్షియల్ ఆయిల్ వేయాలి. ఈ కాటన్ బాల్స్ను అల్మరా మూలల్లో పెట్టాలి. కొన్ని బట్టల మధ్య కూడా ఉంచవచ్చు. దీంతో అల్మరా మొత్తం మంచి సువాసన వస్తుంది. బట్టలు కూడా ఎక్కువకాలం ఫ్రెష్గా ఉంటాయి.
కర్పూరం దుర్వాసన, పురుగులను తగ్గిస్తుంది. దాన్ని చిన్న గుడ్డలో చుట్టి బట్టల మధ్య ఉంచాలి. నాఫ్తలిన్ బాల్స్ను షెల్ఫ్ మూలల్లో మాత్రమే పెట్టాలి. వాటిని ఖరీదైన బట్టలకు నేరుగా తగలకుండా చూడాలి. ఇవి ఫంగస్ పెరగకుండా కూడా సహాయపడతాయి.
వాడేసిన టీ బ్యాగ్స్ బాగా ఆరబెట్టాలి. తర్వాత వాటిని అల్మరా మూలల్లో ఉంచాలి. టీ ఆకులు తేమను సహజంగా పీల్చుకుంటాయి.
ఇవి చెడు వాసనను కూడా తగ్గిస్తాయి. కొన్ని వారాల తర్వాత వాటిని మార్చాలి. ఇది చాలా తక్కువ ఖర్చుతో చేసే మంచి చిట్కా.
Also Read: పెళ్లికొడుకు సాలరీ మాత్రమే కాదు.. అమ్మాయి పెళ్లికి ముందు తల్లిదండ్రులు ఇవి కూడా చెక్ చేయాలి
చెమట పట్టిన బట్టలను వెంటనే అల్మరాలో పెట్టకూడదు. ముందుగా ఎండలో బాగా ఆరబెట్టాలి. రోజూ కనీసం 15 నిమిషాలు అల్మరా తలుపులు తెరవాలి. దీంతో గాలి సరిగా చేరుతుంది. షెల్ఫ్లపై పాత న్యూస్పేపర్లు పరచడం మంచిది. అవి తేమను త్వరగా పీల్చుకుంటాయి.
ఈ చిన్న చిన్న ఇంటి చిట్కాలు అల్మరాను ఫ్రెష్గా ఉంచుతాయి. దుర్వాసన సమస్య తగ్గి బట్టలు మంచి వాసనతో ఉంటాయి. ఖరీదైన ఫ్రెష్నర్స్ అవసరం లేకుండా డబ్బు కూడా ఆదా అవుతుంది.
సరైన జాగ్రత్తలు పాటిస్తే వేసవి మొత్తం అల్మరా శుభ్రంగా ఉంటుంది. మీ బట్టలు కూడా ఎక్కువకాలం కొత్తలా కనిపిస్తాయి.
Share
టపాసుల్లా పేలుతున్న ఏసీలు.. అర్ధరాత్రి ఘోర ప్రమాదం, మాజీ ఐఏఎస్ అధికారి మృతి
సందీప్ కిషన్ ‘సిగ్మా’ రిలీజ్ డేట్ ఫిక్స్.. సీఎం విజయ్ కుమారుడు డైరెక్షన్ డెబ్యూ..
