చాలా మంది తమ ఇంటిని కొంతకాలానికి ఒక్కసారి డెకరేషన్, హోం ఇంటీరియర్ మారుస్తుంటారు. దీని కోసం చాలా ఖర్చు చేస్తుంటారు. అలా కాకుండా తక్కువ ఖర్చుతో కొన్ని టిప్స్ పాటిస్తే ఈజీగా లగ్జరీ లుక్ తీసుకురావచ్చు. ఇల్లు శుభ్రంగా ఉంటే అందంగా, కాస్త పెద్దదిగా కనిపిస్తుంది. విరిగిన వస్తువులు, ఉపయోగం లేని ఫర్నీచర్ ను తొలగించాలి. ఇంట్లో తక్కువ సామాన్లు ఉంటే గదులు విశాలంగా, అందంగా కనిపిస్తాయని ఇంటీరియర్ డిజైనర్లు సూచిస్తారు. మరీ ఎక్కువ డెకరేషన్ గదిని చికాకుగా మారుస్తాయి. ఇంటి కోసం కొత్త ఫర్నీచర్ కొనే బదులు దాని స్థానాన్ని మార్చడం వల్ల కూడా ఇంటికి కొత్త లుక్ వస్తుంది.
గోడ రంగులు ఇంటి లుక్ ను బాగా ప్రభావితం చేస్తాయి. తెలుపు, క్రీమ్, లైట్ గ్రే, పేస్టల్ షేడ్స్.. ప్రశాంతమైన లగ్జరీ లుక్ ఇస్తాయి. లైట్ కలర్స్ సహజమైన సూర్యకాంతిని ఎక్కువగా ప్రతిబింబిస్తాయి. దీనివల్ల చిన్న ఇళ్లు పెద్దవిగా, ప్రకాశవంతంగా కనిపిస్తాయి.
వెచ్చని లైటింగ్ సౌకర్యవంతమైన, ఎలిగెంట్ వాతావరణాన్ని సృష్టిస్తుంది. టేబుల్ ల్యాంప్స్, పెండెంట్ లైట్లను సృజనాత్మకంగా వాడండి. సహజమైన కాంతి కోసం పగటిపూట కిటికీలను తెరిచి ఉంచండి. తేలికపాటి తెరలు సూర్యకాంతిని లోపలికి అనుమతిస్తాయి.
అలంకరణ కోసం అద్దాలు పెట్టడం చిన్న ఇళ్లకు కొత్త లుక్ ఇచ్చేందుకు చాలా సులభమైన ట్రిక్. ఇవి కాంతిని ప్రతిబింబించి గదిని పెద్దదిగా చూపిస్తాయి. ఇండోర్ మొక్కలు, క్యాండిల్స్, దిండ్లు, కళాత్మక జాడీలను వాడండి. ఇత్తడి, రాగి లేదా కలప అలంకరణ వస్తువులు.. రిచ్ ట్రెడిషనల్ లుక్ ఇస్తాయి.
Also Read: భార్యభర్తలు శారీరకంగా దూరంగా ఉంటే ఊబకాయం వస్తుందా?
ఫ్లోర్-లెంగ్త్ కర్టెన్లు హోటల్ స్టయిల్ లాంటి ఎలిగెన్స్ ఇస్తాయి. న్యూట్రల్ కర్టెన్లు.. ఎవర్ గ్రీన్ స్టయిలింగ్ కు మంచివి. దిండు కవర్లు, బెడ్ షీట్లు మార్చడం వల్ల చాలా తక్కువ ఖర్చుతో మంచి మార్పు వస్తుంది.
ఇంట్లో ఎప్పుడూ ఫ్రెష్ లుక్ కోసం ఇండోర్ ప్లాంట్స్ ఇంటిని తాజాగా, సజీవంగా మారుస్తాయి. మనీ ప్లాంట్, స్నేక్ ప్లాంట్ మంచి ఎంపికలు. వుడెన్ టెక్స్చర్లు, చేత్తో చేసిన డెకర్ ముక్కలు వెచ్చదనాన్ని జోడిస్తాయి. చిన్న ఆలోచనాత్మక మార్పులతో ఎక్కువ ఖర్చు లేకుండానే ఇంటిని అందంగా మార్చుకోవచ్చు.
Share
మరో ప్రపంచంలోకి తీసుకెళ్ళే వెబ్ సిరీస్ లు... ప్రతి సిరీస్ ఒక మాస్టర్ పీస్ భయ్యా
బుచ్చిబాబు మాస్టర్ ప్లాన్.. ‘పెద్ది’ కోసం రంగంలోకి శివన్న.. సోషల్ మీడియాను షేక్ చేస్తున్న వీడియో!
