వేసవిలో తరచుగా కరెంటు పోతుంది లేదా ఫ్రిజ్ లేని ఇళ్లలో పాలు, పిండి, త్వరగా పాడవుతాయి. వేడి వాతావరణంలో బ్యాక్టీరియా వేగంగా పెరిగి ఆహారం కలుషితం అవుతుంది. కానీ కొన్ని సులభమైన వంటింటి చిట్కాలతో ఫ్రిజ్ లేకుండానే పాలు, చపాతి, దోశ పిండి తాజాగా ఉంచవచ్చు. ఇవి డబ్బు ఆదా చేయడంతో పాటు ఆహార వ్యర్థం తగ్గిస్తాయి.
పాలలో ప్రోటీన్, చక్కెర, కొవ్వు ఉండటం వల్ల వేడిలో బ్యాక్టీరియా వేగంగా పెరుగుతాయి. అలాగే పిండిలో తేమ, కార్బోహైడ్రేట్లు ఉండటం వల్ల వేడి వాతావరణం, తేమలో త్వరగా పాడవుతుంది. సరైన నిల్వ లేకపోవడం వల్ల రుచి, వాసన, ఆకృతి మారిపోతాయి.
తక్కువ నీళ్లతో చపాతి పిండి కలపండి. పిండి చేసుకునేటప్పుడు నీళ్లు కొద్దిగా నెమ్మదిగా వేయండి. ఎక్కువ నీళ్లు వేస్తే పిండి త్వరగా పాడవుతుంది. సరైన నీటి మోతాదుతో చేసిన పిండి ఎక్కువసేపు తాజాగా ఉంటుంది.
చపాతి పిండిపై పలుచగా నూనె లేదా నెయ్యి పూయండి. దీని వల్ల పిండి ముద్ద ఎండిపోకుండా, నల్లబడకుండా కాపాడుతుంది. చపాతీలు కూడా మెత్తగా వస్తాయి.
ముద్దగా చేసిన పిండిని ఎప్పుడూ బయట ఉంచకండి. శుభ్రమైన ఎయిర్టైట్ డబ్బాలో ఉంచండి. గాలి తగలకుండా ఉంటే ఆక్సీకరణ తగ్గి, బ్యాక్టీరియా పెరగడం తగ్గుతుంది.
ఇంట్లో అతి చల్లని మూలలో ఉంచండి. నేరుగా ఎండ పడే చోట ఉంచకండి. చల్లని ప్రదేశం బ్యాక్టీరియా పెరుగుదలను నెమ్మది చేస్తుంది.
రెండు రోజులకు సరిపడా ఒకేసారి పెద్దగా పిండి కలపండి. తాజాగా వేసిన పిండి.. రుచి, జీర్ణక్రియకు మంచిది.
పాలు మరగబెట్టేటప్పుడు 1-2 యాలకులు వేయండి. యాలకులు (ఇలాయిచీ) సహజంగా బ్యాక్టీరియా పెరుగుదలను నెమ్మది చేస్తాయి. పాలు రుచి కూడా మెరుగుపడుతుంది.
కొన్ని గంటల వ్యవధిలో పాలను మళ్లీ మరగబెట్టడం వల్ల బ్యాక్టీరియా చనిపోతాయి. కప్పేముందు ఆవిరి బయటకు వెళ్లేలా చేయండి.
పాలను ఎప్పుడూ శుభ్రమైన మూత ఉన్న డబ్బాలో ఉంచండి. స్టీల్ పాత్రలు ఉంచడం ద్వారా వేసవిలో మంచి
పాలు ఉన్న గిన్నె మరొక పెద్ద పాత్రలో చల్లని నీరు నింపి ఉంచండి. ఇది సహజంగా పాల ఉష్ణోగ్రతను తగ్గిస్తుంది.
పాలు ఉన్న పాత్రను తడి కాటన్ గుడ్డతో చుట్టండి. నీరు ఆవిరి అయిపోవడం వల్ల పాత్ర చల్లగా ఉంటుంది. గుడ్డ ఎండిపోతే మళ్లీ తడిపి చుట్టండి.
Also Read: ప్రతి విషయానికి త్వరగా రియాక్ట్ అయితే అది మీ బలహీనత.. బలమైన వ్యక్తిత్వం కోసం చాణక్యుడి సూచనలు
పాలు లేదా పిండి వాసన చూసి.. రంగు మారితే లేదా అంటుకుంటే వెంటనే విసిరేయండి. శుభ్రత పాటించడం వల్ల ఆహారం కారణంగా వచ్చే వ్యాధులు తప్పించవచ్చు.
Share
మారిపోయిన బెంగాల్ రాజకీయం.. మోదీ సమక్షంలో సీఎంగా సువేందు పట్టాభిషేకం.. ఒక సరికొత్త శకానికి నాంది!
యంగ్ నటీమణులపై పవన్ కళ్యాణ్ హీరోయిన్ ఘాటు వ్యాఖ్యలు.. ఇది వేరే లెవెల్..
