Cockroach Control | ఇంట్లో రాత్రివేళ వంటగదిని శుభ్రం చేసి నిద్రపోతారు. ఉదయం లేవగానే కిచెన్లో మళ్లీ కాక్రోచ్లు (బొద్దింకలు) తిరుగుతుంటే అక్కడ పనిచేయడానికి ఇబ్బందికరంగా అనిపిస్తుంది. ఈ సమస్య మీ ఇంట్లోనే కాదు దాదాపు అన్ని ఇళ్లలో కనిపిస్తుంది. శుభ్రంగా ఉన్న ఇంట్లో కూడా బొద్దింక పురుగులు వస్తాయి. ఇంటి ఫ్లోర్లో ఉన్న చిన్న పగుళ్లు, పైపుల గుండా, మురికి ప్రాంతాల నుంచి కాక్రోచ్లు వస్తుంటాయి. వాటిని నిర్లక్ష్యం చేస్తే త్వరగా పెరిగిపోతాయి. ఆహారం, వంటగది సామగ్రిని కలుషితం చేస్తాయి. దీంతో ఆరోగ్య సమస్యలు, ఇన్ఫెక్షన్, వ్యాధులు వచ్చే ప్రమాదముంది.
బొద్దింకలు చూడటానికి అసహ్యంగా ఉండటమే కాదు. వీటితోపాటు హానికరమైన బ్యాక్టీరియా, ఇతర సూక్ష్మజీవులు వస్తాయి. చెత్త, డ్రైనేజీ, మురికి ప్రాంతాల్లో తిరిగి ఆహారం, పాత్రల మీద నడుస్తాయి. దీని వల్ల ఆహారం కలుషితమై, ఇన్ఫెక్షన్లు, కడుపునొప్పి లాంటి సమస్యలు వస్తాయి. కొంతమందికి అలర్జీలు, శ్వాస సమస్యలు కూడా వచ్చే అవకాశం ఉంది. మీ ఆరోగ్యం కోసం, పరిశుభ్రమైన ఇంటి కోసం వీటిని దూరంగా ఉంచడం చాలా ముఖ్యం.
కాక్రోచ్లు తొలగించడానికి మార్కెట్లో లభించే కెమికల్స్ కంటే సహజ పద్ధతులు ఎంతో బెటర్. ఇవి సురక్షితం, చవకగా ఉంటాయి.
బేకింగ్ సోడా, పొడి చక్కెర సమాన మొత్తంలో కలపండి. బొద్దింకలు ఎక్కువగా కనిపించే చోట ఈ పౌడర్ ఉంచండి. చక్కెర వాటిని ఆకర్షిస్తుంది, బేకింగ్ సోడా వాటికి హాని చేస్తుంది. ఇది తినగానే బొద్దింకలు క్రమంగా చనిపోతాయి. ఈ పద్ధతి వాటి సంఖ్యను తగ్గించడంలో సహాయపడుతుంది.
కాక్రోచ్లు.. బిర్యానీ ఆకుల (లవంగం ఆకు) నుంచి వెలువడే ఘాటు వాసనని ఇష్టపడవు. ఈ ఆకులను చూర్ణం చేసి వంటగది మూలల్లో, సింక్, అలమారాలు, స్టోర్ రూంలలో ఉంచండి. దీంతో కాక్రోచ్లు అక్కడి నుంచి దూరమైపోతాయి.
వేపాకులో బలమైన క్రిమి నిరోధక లక్షణాలు ఉన్నాయి. రాత్రి వేళ కాక్రోచ్లు ఉన్న ప్రాంతాల్లో వేప నూనె స్ప్రే చేయండి. లేదా వేప నీటితో అంతా తుడవండి. దీంతో బొద్దింకలు అక్కడి నుంచి వెళ్లిపోతాయి.
అందరి ఇళ్లలో లవంగంలో ఉండే ఘాటు వాసనకు కాక్రోచ్లు దూరంగా ఉంటాయి. వంటగది డ్రాయర్లు, ఇతర స్టోరేజ్ ప్రాంతాల్లో లవంగాలు ఉంచండి. దీంతో బొద్దింకలు దూరమైపోయి, తేలికపాటి సువాసన కూడా ఉంటుంది.
బొద్దింకలు ఇంట్లో వచ్చాక వాటిని తొలగించడం కంటే అవి రాకుండా నివారించడం మంచిది. దీని కోసం సాధారణ అలవాట్లు పాటించండి.
Also Read: యవ్వనంలోనే ముసలితనం ఛాయలు.. దేశంలో పెరుగుతున్న సమస్య.. ధృడమైన శరీరం కోసం ఈ టిప్స్
బొద్దింకలను నిర్లక్ష్యం చేస్తే ఇంటి శుభ్రత, ఆరోగ్యం రెండూ దెబ్బతింటాయి. సహజ నివారణ పద్ధతుల్లో వాటిని నియంత్రించడానికి సహాయపడతాయి. మంచి అలవాట్లు పాటిస్తే మళ్లీ రాకుండా ఉంటాయి.
Share
ఏప్రిల్ 1 నుంచి సీసీటీవీ మార్కెట్లో భారీ మార్పులు.. ఆ కెమెరాలు బ్యాన్!
అసెంబ్లీలో కుస్తీ పోటీలు వద్దు.. మడతపెట్టి కొట్టేవాళ్లు మా దగ్గరా ఉన్నారు.. రేవంత్ రెడ్డి మాస్ వార్నింగ్
