School Admission Checks Parenting Tips| పిల్లల చదువులు తల్లిదండ్రులకు ఒక పెద్ద బాధ్యత. అందుకే వారి విద్యాబోధన కోసం సరైన పాఠశాల (స్కూల్) ఎంపిక చేయడం చాలా కీలకమైన నిర్ణయం. స్కూల్ లో లభించే బోధన, వాతావరణం.. పిల్లల భవిష్యత్తు మీద నేరుగా ప్రభావం చూపుతుంది. చాలా మంది తల్లిదండ్రులు స్కూల్ భవనం, స్థానం చూసి నిర్ణయం తీసుకుంటారు. కానీ ఇవి మాత్రమే సరిపోవు. అడ్మిషన్ ముందు కొన్ని ముఖ్యమైన అంశాలను తప్పకుండా చెక్ చేయాలి. అప్పుడే తర్వాత తరచూ స్కూల్ మార్చాల్సిన అవసరం రాదు.
స్కూల్ ఏ బోర్డుకు అనుబంధం ఉందో తప్పకుండా వెరిఫై చేయండి. CBSE, ICSE, స్టేట్ బోర్డు.. ఇలా ఏ బోర్డు అని అడగండి. స్కూల్ యజమాన్యం చెప్పే మాటల విని మాత్రమే నిర్ణయం తీసుకోవద్దు. అధికారిక అఫిలియేషన్ నంబర్ అడగండి. అవసరమైతే బోర్డు వెబ్సైట్లో వెరిఫై చేయండి. రిపోర్టు కార్డులపై సరైన బోర్డు పేరు ఉండాలి. ఇది స్కూల్ విశ్వసనీయతను నిరూపిస్తుంది.
పరీక్షలు అకడమిక్ పర్ఫామెన్స్లో కీలకం. స్కూల్ ఎలా అసెస్మెంట్ చేస్తుందో అడగండి. యూనిట్ టెస్టులు, హాఫ్ ఇయర్లీ, ఫైనల్ ఎగ్జామ్స్ ఎలా ఉంటాయో తెలుసుకోండి. సిలబస్ ఎలా విభజించి పరీక్షలు నిర్వహిస్తారో అడగండి. టీచర్లు ఎలా మార్కులు ఇస్తారో తెలుసుకోండి. స్పష్టమైన అసెస్మెంట్ సిస్టమ్ ఉంటే పిల్లలు సులభంగా సిద్ధం కాగలరు.
ప్రతి స్కూల్ టీచింగ్ పద్ధతి వేర్వేరుగా ఉంటుంది. కొన్ని సబ్జెక్ట్ వారీగా, మరికొన్ని యూనిట్ బేస్డ్గా బోధిస్తాయి. టీచింగ్ మెథడ్ ఎలా ఉందో అర్థం చేసుకోవడం చాలా ముఖ్యం. ఈ విషయాలు.. మీ పిల్లలు ఎలా నేర్చుకుంటారో ప్రభావితం చేస్తుంది. పరీక్షలు కూడా టీచింగ్ స్టైల్ మీద ఆధారపడి ఉంటాయి. ఆధునిక పద్ధతులు లేదా సాంప్రదాయిక పద్ధతులు ఉపయోగిస్తారా అడగండి.
Also Read: తల్లిదండ్రులు మహాభారతం నుంచి నేర్చుకోవాల్సిన పాఠాలు.. పిల్లలను ప్రయోజకులుగా చేయడానికి ఇవి చాలా అవసరం
ప్రతి విద్యార్థి నేర్చుకునే వేగం వేరుగా ఉంటుంది. కొందరు త్వరగా అర్థం చేసుకుంటే, మరికొందరు అర్థం చేసుకోవడనాకి కాస్త అలస్యమవుతుంది. కొందరు కొన్ని సబ్జెక్టుల్లో ఇబ్బంది పడవచ్చు. బలహీన విద్యార్థులకు స్కూల్ ఎలాంటి మద్దతు ఇస్తుందో అడగండి. ఎక్స్ట్రా క్లాసులు లేదా రెమీడియల్ సెషన్లు ఉన్నాయా చూడండి. కష్టమైన అంశాలను మళ్లీ బోధించే వ్యవస్థ ఉందా అని అడగండి. మంచి స్కూల్స్ అవసరమైనప్పుడు స్టూడెంట్స్కు అదనపు సపోర్ట్ ఇస్తాయి.
సరైన పాఠశాల ఎంపిక చేయడం చాలా జాగ్రత్తతో చేయాలి. స్కూల్ బిల్డింగ్, లేదా స్థానం మాత్రమే చూడకండి. అఫిలియేషన్, టీచింగ్ మెథడ్, అసెస్మెంట్ సిస్టమ్, బలహీన విద్యార్థుల మద్దతు వంటి అంశాలను తప్పకుండా చెక్ చేయండి. మీ పిల్లల విద్యాభ్యాసం ఈ అంశాలుపై ఆధారపడి ఉంటాయి. అన్ని విషయాలు పూర్తిగా విశ్లేషించి సరైన నిర్ణయం తీసుకోండి.
Share
పెళ్లి ఆలస్యం కావడానికి కారణాలేంటో తెలుసా..? అసలు జ్యోతిష్యశాస్త్రం ఏం చెప్తుంది..?
బుధవారం పుట్టారా? మీ టాలెంటుకు లోకం మొత్తం ఫిదా అయ్యే రోజు అప్పుడే వస్తుందట
