కేవలం రూ.100లో సంవత్సరం పాటు నడిచే హెర్బల షాంపూ.. జుట్టు రాలేవారికి దివ్య ఔషధం

Amla Shikakai Shampoo| ఈ మధ్యకాలంలో జుట్టు రాలడం చాలా సాధారణమైన సమస్యగా మారింది. జుట్టు కాపాడుకునేందుకు చాలామంది మార్కెట్లో లభించే ఖరీదైన కెమికల్ షాంపూలను వాడతారు. అయితే వీటి వల్ల దీర్ఘకాలంలో జుట్టు డ్యామేజ్ అవుతుంది. అందుకే ఇంట్లోనే చాలా తక్కువ ఖర్చుతో ఒక సూపర్ హెర్బర్ షాంపూ తయారు చేసుకోవచ్చు. ఇది పూర్తిగా సురక్షితం. ఉసిరి, కుంకుడుకాయ, శీకాకాయ లాంటి సురక్షితమైన సహజ పదార్థాలతో దీన్ని తయారు చేసుకోవచ్చు.

ఉసిరి వల్ల జుట్టకు కలిగే లాభాలు

ఉసిరిలో ‘విటమిన్ సి’ యాంటీఆక్సిడెంట్లు పుష్కలంగా ఉంటాయి. ఇది దెబ్బతిన్న జుట్టును బాగుచేస్తుంది. జుట్టు వేర్లను బలోపేతం చేస్తుంది. ఆరోగ్యకరమైన జుట్టు పెరుగుదలకు తోడ్పడుతుంది. ఉసిరిని క్రమం తప్పకుండా వాడటం వల్ల జుట్టు మందంగా, మెరిసేలా తయారవుతుంది.

కుంకుడుకాయ వల్ల జుట్టుకు ప్రయోజనాలు

కుంకుడుకాయను సోప్ నట్ అని కూడా అంటారు. ఇది జుట్టును సహజంగా శుభ్రపరిచేందుకు ఉపయోగపడుతుంది. జుట్టులో ఉన్న దుమ్ము, నూనె, కాలుష్య పదార్థాలను తొలగించే తేలికపాటి నురుగు ఇస్తుంది. కెమికల్ షాంపూల మాదిరిగా కాకుండా, ఇది జుట్టులో ఉండే సహజ తేమను తొలగించదు. జుట్టును మృదువుగా, శుభ్రంగా ఉంచుతుంది.

శికాకాయను జుట్టుకు ఎందుకు వాడాలి?

ప్రక‌తిలో జుట్టు కోసం అత్యంత ఉపయోగకరమైన కాయ ఈ శికాకాయ. ఇది జుట్టును పొడిబారకుండా సున్నితంగా శుభ్రపరుస్తుంది. జుట్టులో ఉండే సహజ పిహెచ్ స్థాయిని కాపాడుతుంది. ఇది చుండ్రును తగ్గిస్తుంది. జుట్టును నునుపుగా ఉంచుతుంది.

శికాకాయ, కుంకుడుకాయ, ఉసిరితో షాంపూ తయారీ

శక్తివంతమైన పోషకాలు కలిగిన ఈ షాంపూ తయారీకి మీకు ఎండిన ఉసిరి, కుంకుడుకాయ, శికాకాయ కావాలి. ఈ మూడింటిని సమాన మొత్తంలో తీసుకోండి. నీరు, శుభ్రమైన గాజు సీసా అవసరం. ఈ పదార్థాలు స్థానికంగా మార్కెట్‌లో సులభంగా లభిస్తాయి.

ఇంటి వద్ద ఈ షాంపూ చేసుకోవడం ఎలా?

ముందుగా, ప్రతి పదార్థం నుండి 5 నుండి 6 కాయలు తీసుకోండి. వాటిని రాత్రంతా నీటిలో నానబెట్టండి. ఇలా చేయడం వల్ల ఈ మూలికలు మెత్తబడతాయి. మరుసటి రోజు, ఈ మిశ్రమాన్ని కొంతసేపు మరగబెట్టండి. చల్లారాక, మెత్తగా ముద్దచేయండి. ఆ తర్వాత వడపోసి, ముద్దను వేరుచేయండి. మిగిలిన ద్రవమే మీ షాంపూ. దీన్ని శుభ్రమైన సీసాలో నిల్వచేయండి. రెండు వారాల లోపు వాడేయాలి. మళ్లీ ఇదే ప్రక్రియలో రెండు వారాలాకోసారి షాంపూ తయారు చేసుకోండి. దాదాపు రూ.100 ఖర్చు చేస్తే వచ్చే ఉసిరి, శికాకాయ, కుంకుడుకాయలు సంవత్సరం పాటు ఉపయోగపడతాయి.

ఈ షాంపూను ఎలా ఉపయోగించుకోవాలి?

ఈ షాంపూను తడి జుట్టుకు రాయండి. తలమీద సున్నితంగా మసాజ్ చేయండి. కొన్ని నిమిషాలు అలాగే ఉంచండి. తర్వాత బాగా కడిగేయండి. వారానికి రెండు లేదా మూడుసార్లు ఇలా షాంపూ చేస్తే జుట్టు రాలిపోవడం, చుండ్రు లాంటి సమస్యలు తగ్గిపోవచ్చు.

క్రమం తప్పకుండా వాడటం వలన లాభాలు

కాలక్రమేణా ఈ సహజ షాంపూ జుట్టు రాలడాన్ని తగ్గిస్తుంది. ఇది జుట్టు వేర్లను బలోపేతం చేస్తుంది. ఆకృతిని మెరుగుపరుస్తుంది. మెరుపు, మెత్తదనాన్ని కూడా ఇస్తుంది. ఇది కెమికల్ ఫ్రీ కాబట్టి ఎక్కువకాలం సురక్షితంగా వాడుకోవచ్చు.

Also Read: వేసవిలో సన్‌స్క్రీన్ ఉపయోగిస్తున్నారా? ఈ తప్పులు చేస్తే మీ చర్మం డ్యామేజ్ అయ్యే ప్రమాదం

ఈ జాగ్రత్తలు తప్పనిసరి

ఈ షాంపూని రోజూ వాడకండి. ఎక్కువ వాడటం వలన జుట్టు పొడిబారవచ్చు. షాంపూను ఎప్పుడూ శుభ్రమైన సీసాలోనే నిల్వచేయండి. ప్రతి రెండు వారాలకు కొత్త బ్యాచ్ తయారుచేయండి.

ఉసిరి, కుంకుడుకాయ, శికాకాయల షాంపూ జుట్టు రాలే సమస్యకు చాలా సులభమైన, సహజమైన పరిష్కారం. దీన్ని ఇంటి వద్ద చేసుకోవడం సులభం, వాడటం సురక్షితం. క్రమం తప్పకుండా వాడటం వలన జుట్టు ఆరోగ్యం మెరుగవుతుంది.

Also Read: మీ కలలో అందమైన అమ్మాయి కనిపిస్తోందా? ఇక మీ జీవితం మారబోతున్నట్లే..