Psychological Tricks: మీరు కొత్త వ్యక్తులను కలుస్తున్నప్పుడు లేదా సామాజిక వాతావరణంలో ఉన్నప్పుడు, ఇతరులు మిమ్మల్ని త్వరగా.. సానుకూలంగా చూడాలని కోరుకోవడం సహజం. కొన్ని చిట్కాలను ఉపయోగించి, మీరు ఇతరుల దృష్టిలో వెంటనే ఆకర్షణీయంగా, నమ్మకస్తులుగా కనిపించవచ్చు. ఈ ఐదు చిట్కాలు ఇతరుల మనస్సులో మీ పట్ల సానుకూల అభిప్రాయాన్ని ఏర్పరచడంలో సహాయపడతాయి. అవేంటో ఇప్పుడు తెలుసుకుందాం.
1. ప్రతిబింబించడం:
మీరు మాట్లాడుతున్న వ్యక్తి బాడీ లాంగ్వేజ్, వాయిస్, మాట్లాడే వేగాన్ని సూక్ష్మంగా అనుకరించండి. వారు చేతులు కట్టుకుంటే.. మీరు కూడా నెమ్మదిగా కట్టుకోండి. వారు నిదానంగా మాట్లాడుతుంటే.. మీరు కూడా మీ వేగాన్ని తగ్గించండి. ఇది స్పష్టంగా కాకుండా.. చాలా సూక్ష్మంగా ఉండాలి. ఇది అనేది అవతలి వ్యక్తికి తెలియకుండానే.. ‘మన ఇద్దరి మధ్య ఏదో సారూప్యత ఉంది. మనం ఒకేలా ఉన్నాం’ అనే భావనను కలిగిస్తుంది. సైకాలజీ ప్రకారం తమలాగే ఉన్నవారిని ఇతరులు త్వరగా ఇష్టపడతారు.
2. పేరును ఉపయోగించడం :
మీరు ఇతరులతో మాట్లాడుతన్నప్పుడు వారి పేరును తరచుగా, సహజంగా ఉపయోగించండి. థ్యాక్స్ రమేష్,” లేదా “మీరు చెప్పింది నిజమే.. సుమిత్ర.” అని ఇలామాట్లాడుతున్నప్పుడు మధ్యలో వారి పేరును ప్రస్తావించండి. ఎందుకంటే మనిషికి తన పేరు కంటే ఇష్టమైప పదం మరొకటి ఉండదు. పేరును ఉపయోగించడం వల్ల మీరు వారికి వ్యక్తిగతంగా ప్రాధాన్యత ఇస్తున్నారనే అనుభూతి కలుగుతుంది. ఇది వెంటనే విశ్వాసం, అనుబంధాన్ని పెంచుతుంది.
3. వినడం:
ఇతరులు మాట్లాడేటప్పుడు పూర్తి శ్రద్ధ చూపించడం, అంగీకారం తెలుపుతున్నట్లు సంకేతాలు ఇవ్వడం మంచిది. మాట్లాడేటప్పుడు ఐ కాంటాక్ట్ ఇవ్వండి. అంతే కాకుండా తల ఊపండి. “అవును,” “నేను అర్థం చేసుకోగలను,” అని చెప్పండి. చివర్లో “మీరు చెప్పినదాని ప్రకారం.. మీరు పలానా విషయం గురించి ఆందోళన చెందుతున్నారు, సరియైనదేనా?” అని వారి మాటలను తిరిగి చెప్పండి. ఇతరులు తమ మాటలను పట్టించుకుంటున్నారని, తమ భావాలను విలువ ఇస్తున్నారని భావించినప్పుడు, వారు ఆ వ్యక్తిని ఎంతగానో గౌరవిస్తారు. ఇది వారి భావోద్వేగ అవసరాలను తీరుస్తుంది. అంతే కాకుండా వారు మిమ్మల్ని నమ్మకం ఉన్న వ్యక్తిగా చూస్తారు.
4. విజయాల కోసం సహాయం అడగడం:
మీరు ఈ సాఫ్ట్వేర్లో నిపుణులు. ఈ చిన్న సమస్యను నేను ఎలా పరిష్కరించాలో సలహా ఇవ్వగలరా?” అని అడగండి. మీరు ఒకరిని సహాయం అడిగినప్పుడు. ఆ వ్యక్తి అచేతనంగా ఇలా ఆలోచిస్తాడు: “నేను ఈ వ్యక్తికి సహాయం చేస్తున్నాను కాబట్టి, నాకు ఈ వ్యక్తి అంటే ఇష్టం ఉండాలి.” ఈ మానసిక ఉపాయాన్ని ‘బెంజమిన్ ఫ్రాంక్లిన్ ప్రభావం’ అంటారు. ఇది మీరు అడిగిన వ్యక్తికి మీపై సానుకూల భావనను పెంచుతుంది.
5. సానుకూలతను వ్యాప్తి చేయడం:
మీరు మాట్లాతున్నప్పుడు బాడీ లాంగ్వేజ్, మనసును ఉల్లాసంగా ఉంచుకోవడం. చిరునవ్వుతో పలకరించడం, మీ చుట్టూ ఉన్నవారిని ఉద్దేశించి మంచి మాటలు మాట్లాడటం (గాసిప్లు కాదు), ఉత్సాహంగా కనిపించడం అవసరం. ఒక వ్యక్తి యొక్క ఒక మంచి లక్షణం (ఉదాహరణకు, చిరునవ్వు) ఆ వ్యక్తికి సంబంధించిన అన్ని లక్షణాలు (దయ, తెలివి, విశ్వసనీయత) కూడా మంచివే అనే అంచనాకు దారితీస్తుంది. సానుకూల వైఖరిని ప్రదర్శించడం ద్వారా మీరు ఇతరులకు తక్షణమే నచ్చుతారు.
Share
CM Revanth Reddy: రాజ్యాంగాన్నే రద్దు చేయాలని బీజేపీ ప్రయత్నం.. ఢిల్లీలో సీఎం రేవంత్ ఫైర్
Ex Mla CPR In Flight: ఇండిగో విమానంలో ప్రయాణికురాలికి అస్వస్థత.. సీపీఆర్ చేసి ప్రాణాలు కాపాడిన మాజీ ఎమ్మెల్యే
