Fruits For Pregnancy: గర్భధారణ అనేది ఒక స్త్రీ జీవితంలో అత్యంత మధురమైన , బాధ్యతాయుతమైన సమయం. ఈ సమయంలో తీసుకునే ఆహారం కేవలం తల్లి ఆరోగ్యం కోసమే కాకుండా.. కడుపులో పెరిగే బిడ్డ ఎదుగుదలకు కూడా ఎంతో కీలకం. ముఖ్యంగా పండ్లు విటమిన్లు, ఖనిజాలు , ఫైబర్కు గొప్ప మూలాలు. అయితే.. అన్ని పండ్లు గర్భిణీలకు మేలు చేయవు. కొన్ని పండ్లు శిశువు అభివృద్ధికి తోడ్పడితే.. మరికొన్ని గర్భస్రావం లేదా ఇతర ఆరోగ్య సమస్యలకు దారితీయవచ్చు. అందుకే గర్భధారణ సమయంలో ఏ పండ్లు తినాలో, ఏవి దూరంగా ఉంచాలో తెలుసుకోవడం ప్రతి గర్భిణీకి అవసరం.
తప్పక తినాల్సిన పండ్లు:
నారింజ : వీటిలో విటమిన్ సి, ఫోలేట్ పుష్కలంగా ఉంటాయి. ఇవి బిడ్డ నాడీ వ్యవస్థ లోపాలు లేకుండా పెరగడానికి అంతే కాకుండ తల్లిలో రోగనిరోధక శక్తి పెంచడానికి సహాయపడతాయి.
ఆపిల్ : ఆపిల్స్లో ఫైబర్, విటమిన్ ఏ ఉంటాయి. గర్భధారణలో ఆపిల్స్ తినడం వల్ల పుట్టబోయే బిడ్డకు భవిష్యత్తులో ఆస్తమా లేదా అలర్జీలు వచ్చే అవకాశం తగ్గుతుందని పరిశోధనలు చెబుతున్నాయి.
అవోకాడో : వీటిలో ఆరోగ్యకరమైన కొవ్వులు ఉంటాయి. ఇవి బిడ్డ మెదడు, కణజాలాల అభివృద్ధికి తోడ్పడతాయి.
జామపండు : ఇందులో విటమిన్ సి, మెగ్నీషియం ఉంటాయి. ఇది కండరాల ఒత్తిడిని తగ్గించి, రక్తపోటును నియంత్రణలో ఉంచుతుంది.
బేరి పండు: ఫైబర్ ఎక్కువగా ఉండటం వల్ల జీర్ణక్రియ సాఫీగా జరుగుతుంది. ఇందులోని ఫోలేట్ గుండె ఆరోగ్యానికి మంచిది.
దానిమ్మ : ఇందులో ఐరన్, విటమిన్ కె ఉంటాయి. ఇది గర్భిణీలలో రక్తహీనతను నివారిస్తుంది. అంతే కాకుండా ఎముకల ఆరోగ్యానికి మేలు చేస్తుంది.
మామిడి పండు : విటమిన్ ఏ , సి ఎక్కువగా ఉంటాయి. అయితే.. వీటిని మితంగా తీసుకోవాలి ఎందుకంటే వీటిలో చక్కెర శాతం ఎక్కువే.
ద్రాక్ష : రక్తహీనతను తగ్గించే ఫోలేట్, పొటాషియం ద్రాక్షలో ఉంటాయి. అయితే వీటిని తొక్క తీసి లేదా బాగా కడిగి తినాలి.
బెర్రీలు : స్ట్రాబెర్రీలు, బ్లూబెర్రీలు యాంటీ ఆక్సిడెంట్లకు నిలయాలు. ఇవి శరీరంలోని ఇన్ఫ్లమేషన్ను తగ్గిస్తాయి.
గర్భధారణ సమయంలో దూరంగా ఉండాల్సిన 10 పండ్లు:
కొన్ని పండ్లు గర్భాశయ సంకోచాలకు లేదా ఇన్ఫెక్షన్లకు కారణం కావచ్చు. కాబట్టి వీటిని తినకుండా ఉండటం మంచిది.
పచ్చి బొప్పాయి: పచ్చి లేదా దోర బొప్పాయిలో ‘లాటెక్స్’ ఉంటుంది. ఇది గర్భాశయ సంకోచాలను ప్రేరేపించి గర్భస్రావానికి దారితీయవచ్చు.
అనాస పండు : ఇందులో ‘బ్రోమెలైన్’ అనే ఎంజైమ్ ఉంటుంది. ఇది గర్భాశయ ద్వారం మెత్తబడేలా చేసి ముందస్తు ప్రసవానికి కారణం కావచ్చు.
ద్రాక్ష (అతిగా తింటే): ద్రాక్షలోని ‘రెస్వెరాట్రాల్’ అనే సమ్మేళనం గర్భిణీలకు కొన్నిసార్లు టాక్సిక్గా మారవచ్చు. పండని నల్ల ద్రాక్షను నివారించడం మంచిది.
పుచ్చకాయ (అతిగా తింటే): ఇది హైడ్రేషన్కు మంచిదే అయినా.. దీనిలోని చక్కెర రక్తంలో గ్లూకోజ్ స్థాయిలను పెంచవచ్చు.
ఖర్జూరం : ఖర్జూరం శరీరంలో వేడిని కలిగిస్తుంది. వీటిని మితంగా తీసుకుంటే మంచిదే కానీ.. అతిగా తింటే ప్రసవ వేదన ముందుగానే వచ్చే అవకాశం ఉంది.
పీచు తక్కువగా ఉండే క్యాన్డ్ ఫ్రూట్స్: వీటిలో కృత్రిమ తీపి పదార్ధాలు ఉంటాయి. ఇవి ఆరోగ్యానికి మంచివి కావు.
Share
Niharika: ‘చికిరి చికిరి’ పాటకు నిహారిక డ్యాన్స్.. క్లాప్స్ కొట్టిన జానీ మాస్టర్!
Today Movies in TV : గురువారం టీవీ సినిమాలు.. వీటిని మిస్ చెయ్యొద్దు.
