Winter Care For Kids:తెలుగు రాష్ట్రాల్లో చలి తీవ్రత విపరీతంగా పెరిగిపోతుంది. ఈ చలకి పెద్దపిల్లలే కాదు.. పిల్లలు కూడా వణికిపోతున్నారు. దీంతో పిల్లలు ఫ్లూ, దగ్గు, జలుబు వంటి వ్యాధుల బారిన పడే అవకాశాలున్నాయి.అయితే పిల్లల హెల్త్ పట్ల వారి తల్లిదండ్రుల బాధ్యత తీసుకోవాలి
తెలుగు రాష్ట్రాల్లో చలి తీవ్రత విపరీతంగా పెరిగిపోతుంది. ఈ చలికి పిల్లలే కాదు.. పెద్దలు కూడా వణికిపోతున్నారు. దీంతో పిల్లలు ఫ్లూ, దగ్గు, జలుబు వంటి వ్యాధుల బారిన పడే అవకాశాలున్నాయి. అయితే పిల్లల హెల్త్ పట్ల వారి తల్లిదండ్రులు బాధ్యత తీసుకోవాలి. కొన్ని జాగ్రత్తలతో ఈ సమస్యలకు చెక్ పెట్టవచ్చు.
పిల్లలు సీజనల్ వ్యాధులు బారిన పడకుండా ఉండాలంటే పరిశుభ్రంగా ఉండటమే ఉత్తమ మార్గం. రెగ్యులర్గా చేతులు వాష్ చేసుకోవాలి. ముఖ్యంగా భోజనం చేసేముందు, వాష్రూమ్ వినియోగించిన తరువాత.. చేతులు వాష్ చేసుకోవడం పిల్లలకు అలవాటు చేయాలి.
వింటర్ సీజన్లో పిల్లలతో పాటు పెద్దలు కూడా చాలా బద్ధకంగా ఉంటారు. ఇలా బద్ధకంగా ఉండటం వలన శరీరంలో ఇమ్యూనిటీ తగ్గే ఛాన్స్ ఉంది. ఉదయాన్నే యోగా, వాకింగ్ లేదా వ్యాయామం చేస్తే సీజనల్ వ్యాధులు రాకుండా హెల్త్ను కాపాడుకోవచ్చు. పిల్లలు యాక్టివ్గా చురుగ్గా ఉండేలా చూసుకోవాలి. శారీరక శ్రమతో పాటు మంచి నిద్ర ఉండేలా చూడాలి.
చలి నుంచి పిల్లలను రక్షించేందుకు స్వెటర్, తలకు క్యాప్ వేయాలి. ఇవి పిల్లల శరీరాన్ని వెచ్చగా ఉంచి.. చలి గాలుల నుండి రక్షిస్తాయి. చర్మ సంరక్షణకు మాయిశ్చరైజర్స్ వాడాలి. బయటకు వెళ్లేప్పుడు హ్యాండ్ గ్లవ్లు, షూలు వాడాలి.
పిల్లలకు పెట్టే ఆహారంలో నట్స్, విటమిన్స్ ఉండేలా చూడాలి. వీటితోపాటు విటమిన్ సి ఉండే పండ్లు, కూరగాయలు ఆహారంగా తీసుకుంటే మంచిది. ఉడికించిన ఒక గుడ్డు రోజూ తీసుకోవాలి. టైమ్కి భోజనం చేయడం అలవాటుగా మార్చుకోవాలి. గోరువెచ్చని నీరు తాగటం ఆరోగ్యానికి చాలా మంచిది. దీని వల్ల శరీరంలో ఇమ్యూనీటి లెవల్స్ పెరుగుతాయి.
ఎన్ని జాగ్రత్తలు పాటించినా.. పిల్లలు జలుబు, దగ్గు బారిన పడుతూ ఉంటారు. అలాంటి సమయంలో అప్రమత్తమై వైద్యుడుని సంప్రదించండి. పిల్లలకు వేయించాల్సిన టీకాలు గురించి అశ్రద్ధగా ఉండకండి.
Share
Suicide Attempt : కావలిలో దారుణం.. బిర్యానీలో విషం కలిపి తిన్న కుటుంబం..
Vizag Gang Rape Case: విశాఖ గ్యాంగ్ రేప్ కేసు.. సీపీ, మహిళా కమిషన్ సీరియస్
