LUCKY CLOTHES: మీరు వేసుకునే బట్టలే మీకు ధనయోగాన్ని తీసుకొస్తాయట. అయితే బట్టలే కాదు రంగులు కూడా ముఖ్యమేనట. ఏ రంగుల బట్టలు ఏరోజు వేసుకుంటే ఎలాంటి ప్రయోజనం చేకూరుతుందో ఇప్పుడు ఈ కథనంలో తెలుసుకుందాం.
హిందూ పరిహార శాస్త్రం ప్రకారం వ్యక్తులు వేసుకునే రంగుల బట్టలు కూడా వారికి అదృష్టాన్ని తీసుకొస్తాయట. అయితే ఏరోజు ఏ రంగు బట్టలు వేసుకోవాలనేది కూడా పరిహారశాస్త్రంలో ఉందంట. ఆ శాస్త్రంలో ఉన్న కలర్ క్లాత్స్ వేసుకుంటే లక్కు మీకు పడుతుందని చెప్తున్నారు పండితులు.
ఆదివారం: ఆదివారం సూర్యుడి ఇష్టమైన వారం. ఈ రోజు ఎరుపు రంగు, ఆరెంజ్ కలర్, గోల్డెన్ కలర్ బట్టలు ధరిస్తే.. మీకు ఆత్మవిశ్వాసం పెరుగుతుందట. సంఘంలో గౌరవం పెరుగుతుందట. అలాగే నాయకత్వ లక్షణాలు పెరుగుతాయట.
సోమవారం: సోమవారం చంద్రుడికి ఇష్టమైన రోజు. సోమవారం నాడు తెలుపు రంగు, క్రీమ్ కలర్, లైట్ బ్లూ రంగు బట్టలు ధరించాలని జ్యోతిష్య పండితులు సూచిస్తున్నారు. ఈ కలర్ బట్టలు ధరించడం వల్ల మనసుకు ప్రశాంతత లభిస్తుందట. మనసులోని భావోద్వేగాలు సమతుల్యంగా ఉంటాయట.
మంగళవారం: మంగళవారం కుజుడికి(మంగళ గ్రహం) ఇష్టమైన వారం. ప్రతి మంగళవారం ఎరుపు రంగు మెరూన్ కలర్ బట్టలు వేసుకోవాలని పండితులు సూచిస్తున్నారు. ఈ రెండు రంగుల బట్టలు వేసుకోవడం వల్ల మీలోని ధైర్యం పెరుగుతుందట.. శక్తి పెరుగుతుందట. అలాగే శత్రు భయం తగ్గుతుందట.
బుధవారం: బుధవారానికి అధిపతి బుధుడు. జన్మకుండలిలో బుధుడు పాజిటివ్ గా ఉంటే వారికి విద్యకు సంబంధించిన డెవలప్మెంట్ ఉంటుందట. బుధవారం రోజున ముఖ్యంగా ఆకుపచ్చ (Light Green/Green) రంగు దుస్తులు ధరించడం చాలా మంచిదని జ్యోతిష్యులు చెప్తున్నారు. ఆకుపచ్చ రంగు దుస్తులు ధరించడం వల్ల ప్రశాంతత, అదృష్టం, మరియు వ్యాపార వృద్ధి కలుగుతుందట. అలాగే ఉద్యోగ, వ్యాపారాలలో అనుకూల ఫలితాలు, నైపుణ్యం పెరుగుతాయని సూచిస్తున్నారు.
గురువారం: గురువారానికి అధిపతి గురుడు( బృహస్పతి) అందుకే ప్రతి గురువారం పసుపు కలర్, క్రీమ్, గోల్డ్ షేడ్ కలర్ బట్టలు వేసుకోవాలని సూచిస్తున్నారు. ఈ కలర్ బట్టలు వేసుకుంటే.. అదృష్టం కలిసి వస్తుందట. ధనాభివృద్ది కలుగుతుందట. జ్ఞానం పెరుగుతుందట.
శుక్రవారం: శుక్రవారానికి అధిపతి శుక్రుడు. శుక్రుడికి ఇష్టమైన పింక్, వైట్, లైట్ పర్పుల్ కలర్ బట్టలు వేసుకోవాలని పండితులు సూచిస్తున్నారు. దీని వల్ల అందం పెరుగుతుందట. అలాగే ప్రేమ, వైవాహిక సుఖం లభిస్తుందట.
శనివారం: శనివారానికి అధిపతి శనిదేవుడు. కాబట్టి ప్రతి శనివారం నలుపు, ముదురు నీలం రంగు బట్టలు వేసుకోవాలని పండితులు సూచిస్తున్నారు. ఇలా వేసుకోవడం వల్ల ప్రశాంతత లభిస్తుందట. చేస్తున్న పనిలో ఏకాగ్రత పెరుగుతుందట. అకస్మిక అదృష్టం వరిస్తుందట.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Remedies for zodiac signs: పన్నెండు రాశుల వారికి పన్నెండు రెమిడీస్ - వారు పట్టిందల్లా బంగారమేనట
Summer Bike Helmet Tips: బైక్ రైడర్లకు సమ్మర్ టిప్స్… హెల్మెట్ ఇలా పెట్టుకుని వెళ్తే కూల్ గా ఉంటారు!
