Switzerland Blast: న్యూ ఇయర్ సెలబ్రేషన్స్ వేళ.. స్విట్జర్లాండ్‌లోని ఓ బార్‌లో భారీ పేలుడు, మృతుల సంఖ్య

Switzerland Blast: ప్రపంచవ్యాప్తంగా నూతన సంవత్సరం వేడుకల వేళ స్విట్జర్లాండ్‌లో పెను విషాదం చోటు చేసుకుంది. స్కీ రిసార్ట్‌ సిటీలోని క్రాన్స్‌ మోంటానాలోని ఓ బార్‌లో భారీ పేలుడు సంభవించింది. ఈ ఘటనలో అనేక మంది మృతి చెందినట్లు అంతర్జాతీయ మీడియా ద్వారా తెలుస్తోంది. క్షతగాత్రులను సమీపంలోని ఆసుపత్రులకు తరలించారు. అసలేం జరిగింది?

న్యూ ఇయర్ వేడుకల వేళ స్విట్జర్లాండ్‌లో విషాదం

న్యూఇయర్ సెలబ్రేషన్స్ వేళ స్విట్జర్లాండ్‌లోని ఓ బార్‌లో భారీ పేలుడు జరిగింది. నూతన సంవత్సర వేడుకల్లో ఆల్పైన్ స్కీ పట్టణంలోని క్రాన్స్ మోంటానాలోని లె కాన్స్టెలేషన్ బార్‌లో పేలుడులో చోటు చేసుకుంది. ఈ ఘటనలో అనేకమంది మృతి చెందారు. పదుల సంఖ్యలో గాయపడినట్టు అంతర్జాతీయ మీడియాలో కథనాలు వస్తున్నాయి.

భారత కాలమాన ప్రకారం.. అర్ధరాత్రి ఒంటి గంటన్నర సమయంలో ఈ పేలుడు జరిగింది. భారీగా ఎత్తున మంటలు చెలరేగాయి. సమాచారం అందుకున్న వెంటనే పోలీసులు, రెస్క్యూ సిబ్బంది అక్కడికి చేరుకుని సహాయక చర్యలు చేపట్టారు. అంబులెన్సులో క్షతగాత్రులను సమీపంలోని ఆసుపత్రులకు తరలించారు.

ఓ బార్‌లో భారీ పేలుడు, పదుల సంఖ్యలో మృతులు

స్విస్‌ ఆల్ప్స్‌ పర్వత శ్రేణుల నడుమ ఈ క్రాన్స్‌ మోంటానా నగరం ఉంది. ఈ ప్రాంతం ప్రముఖ పర్యాటక స్థలం కూడా. ప్రతీ ఏటా డిసెంబరు-జనవరి సమయంలో ఈ ప్రాంతానికి పర్యాటకుల తాకిడి ఎక్కువగా ఉంటోంది. పేలుడు జరిగిన సమయంలో బార్‌లో దాదాపు 100 మందికి పైగా ఉన్నారని అక్కడి పోలీసులు చెబుతున్నారు.

ఈ ఘటనలో కనీసం 40 మంది మరణించారని స్థానిక మీడియాలో కథనాలు వస్తున్నాయి. సమాచారం తెలుసుకునేందుకు బాధితుల బంధువుల కోసం ప్రత్యేకంగా హాట్‌లైన్ ఏర్పాటు చేశారు అక్కడి అధికారులు. ఘటన తర్వాత ఆ ప్రాంతం పూర్తిగా మూసి వేశారు. క్రాన్స్-మోంటానాపై ప్రాంతాన్ని నో-ఫ్లై జోన్ విధించినట్టు పోలీసులు ఓ ప్రకటనలో తెలిపారు.

ALSO READ: సౌదీ దెబ్బకు దిగొచ్చిన యూఏఈ.. యెమెన్ నుంచి బలగాల ఉపసంహరణ

సెలబ్రేషన్స్ వేళ సంగీత కచేరీ నిర్వహిస్తున్నారు. ఆ సందర్భంగా బాణసంచా కాల్చడం వల్ల మంటలు చెలరేగి ఉండవచ్చని స్విస్ వార్తా సంస్థ చెబుతోంది. క్రాన్స్-మోంటానా అనేది స్విస్ రాజధాని బెర్న్ నుండి రెండు గంటల దూరంలో ఉంది. ఆల్ప్స్ పర్వతాల నడిబొడ్డున ఉన్న విలాసవంతమైన స్కీ రిసార్ట్ పట్టణం బ్రిటిష్ పర్యాటకులకు కేరాఫ్‌గా చెబుతారు.

BREAKING: Explosion and fire at Le Constellation Bar in Crans-Montana, Switzerland during New Year’s Eve. Several killed, many critically injured. Emergency services on site. Cause under investigation. #CransMontana #Switzerland #BreakingNews pic.twitter.com/m8DaAkh35B

— शंकरसिंह परमार 🇮🇳🚩 (@Shankarparmar99) January 1, 2026