Robot: టెక్నాలజీ పెరుగుతున్న కొద్దీ అన్ని రంగాల్లోకి రోబోలు దూసుకొస్తున్నాయి. రెస్టారెంట్లలో ఆహార పదార్థాలను అందించడం నుంచి బార్డర్లో గస్తీ కాయడం వరకు రోబోలే చూసుకుంటున్నాయి. మనుషులు గంటల్లో చేసే పనులను క్షణాల్లో చేస్తున్నాయి. ఇక రానున్న రోజుల్లో అన్ని రంగాల్లో పూర్తిగా రోబోలు రాబోతున్నాయి.
తాజాగా వాసనను పసిగట్టే రోబోను ఇజ్రాయెల్ శాస్త్రవేత్తలు అభివృద్ధి చేశారు. ఈ రోబో మాదకద్రవ్యాలను, పేలుడు పదార్థాలను, అనుమతి లేని వస్తువులను వాసన ద్వారా క్షణాల్లో గుర్తిస్తుంది. ప్రస్తుతం అందుబాటులో ఉన్న వాసనను పసిగట్టే ఎలక్ట్రిక్ పరికరాల కంటే ఈ రోబో 10వేల రెట్లు ఎక్కువ కచ్చితత్వంతో పనిచేస్తుంది.
ప్రపంచంలో ఇలాంటి రోబో ఇదే మొదటిదని శాస్త్రవేత్తలు తెలిపారు. ఎలాంటి వాసనను అయినా సులభంగా గుర్తించేలా ఇందులో బయో సెన్సార్ అమర్చినట్లు వెల్లడించారు. త్వరలోనే ఈ రోబోలు ఎయిర్పోర్టులు, రైల్వే స్టేషన్లో సేవలందించనున్నాయని అన్నారు.
Share
Joe Biden: అమెరికా అధ్యక్ష ఎన్నికలు.. మళ్లీ బరిలోకి బైడెన్
AGNIVEER: అగ్నివీరుల నియామక ప్రక్రియలో మార్పు
