China-Taiwan War: మరో సారి చైనా కవ్వింపు చర్యలు.. తైవాన్ చుట్టూ భారీ సైనిక విన్యాసాలు..!

China Holds Military Drills around Taiwan: తైవాన్‌లో మరోసారి ఉద్రిక్త పరిస్థితులు నెలకొన్నాయి. తైవాన్ చుట్టూ చైనా కవ్వింపు చర్యలు చేపట్టింది. భారీ ఎత్తున సైనిక విన్యాసాలు నిర్వహించింది. దీంతో.. ద్వీప దేశంలో ఆందోళన వ్యక్తం అవుతోంది. ఇటీవలే తైనాన్ కొత్త అధ్యక్షుడిగా లాయ్‌ చింగ్‌-తె బాధ్యతలు స్వీకరించారు.

ఆ ప్రసంగంలో ఆయన చైనాకు వార్నింగ్ ఇచ్చారు. తమను బెదిరించడం మానుకోవాలని తీవ్రంగా ఖండించారు. లాయ్‌ చింగ్‌-తె కామెంట్స్ చైనా అగ్గిమీద గుగ్గిలమై తైవాన్ చుట్టూ కవ్వింపు చర్యలకు దిగింది. అంతేకాదు.. లాయ్‌ చింగ్‌-తె కామెంట్స్‌కు కౌంటర్ గానే తైవాన్ ద్వీపానికి సైనిక విన్యాసాలు నిర్వహిస్తున్నామని కూడా డ్రాగన్ ప్రకటించింది. నిన్న ఉదయం నుంచి తైవాన్ చుట్టూ పీపుల్స్‌ లిబరేషన్‌ ఆర్మీ.. మిలటరీ విన్యాసాలు మొదలు పెట్టింది. తమను రెచ్చగొట్టే వ్యాఖ్యలు చేస్తే ఊరుకునేది లేదని చైనా హెచ్చరించింది.

తమ అంతర్గత వ్యవహారాల్లో జోక్యం చేసుకుంటే చూస్తూ ఊరుకోబోమని తీవ్రంగా స్పష్టం వ్యక్తం చేసింది. తైవాన్ జలసంధితో పాటు.. ఉత్తర, దక్షిణ, తూర్పు భాగాలతో పాటు కిన్ మెన్, మాట్సు, డోంగిన్ ద్వీపాల చుట్టూ చైనా భారీ కసరత్తు చేపట్టనున్నట్లు రెండు రోజుల పాటు ఈ సైనిక విన్యాసాలు నిర్వహించనున్నట్లు తెలిపింది. అంటే శుక్రవారం కూడా మిలటరీ విన్యాసాలు జరగనున్నాయి. జాయింట్ స్వార్డ్ 2024- A కోడ్ పేరుతో సైనికాదళం, వైమానికా దళం సంయుక్తంగా కసరత్తు చేస్తున్నట్లు చైనా సైనిక ప్రతినిధి లీజీ వివరించారు.

Also Read: హెడ్ ట్రాన్స్‌ప్లాంట్.. తొలుత రోబోలతో.

అయితే.. తైవాన్ కూడా అప్రమత్తం అయింది. పరిస్థితులు కఠినంగా మారితతో వెంటనే తిరుగుబాటు చేయడానికి అన్ని ఆయుధాలను సిద్ధం చేసుకుంది. చైనా ఇలాంటి విన్యాసాలకు పాల్పడటం తైవాన్ రక్షణ శాఖ తీవ్రంగా ఖండిస్తన్నట్లు ప్రకటించింది.