Director Nithilan Saminathan: రీసెంట్ గా ‘మహారాజా’ మూవీతో బిగ్గెస్ట్ బ్లాక్ బస్టర్ హిట్ ను అందుకున్న డైరెక్టర్ నితిలన్ సామినాథన్ కు తాజాగా ఓ లగ్జరీ కారు గిఫ్ట్ గా అందింది. కానీ ఆ గిఫ్ట్ ను డైరెక్టర్ కు ఇచ్చింది ‘మహారాజా’ సినిమాలో హీరోగా నటించిన విజయ్ సేతుపతి మాత్రం కాదండోయ్. మరి నితిలన్ కు గిఫ్ట్ ఇచ్చింది ఎవరో తెలుసుకుందాం పదండి.
డైరెక్టర్ కు లగ్జరీ గిఫ్ట్
కోలీవుడ్ స్టార్ హీరో విజయ్ సేతుపతి ప్రధాన పాత్రను పోషించిన ‘మహారాజా’ సినిమా రీసెంట్ గా రిలీజ్ అయ్యి, బ్లాక్ బస్టర్ హిట్ గా నిలిచింది. తాజాగా ఈ సినిమా రిలీజై 100 రోజులు పూర్తి కావడంతో చెన్నైలో సెలబ్రేషన్స్ జరుపుకున్నారు చిత్ర బృందం. జూన్ 14న థియేటర్లలోకి వచ్చిన ఈ సినిమాకు దర్శకుడు నితిలన్ స్వామినాథన్ దర్శకత్వం వహించారు. ఇక థియేటర్లోనే కాదు ఓటీటీలో కూడా ఈ సినిమాకు అదిరిపోయే ఆదరణ లభించడంతో మేకర్స్ ఫుల్ ఖుషి గా ఉన్నారు. ఈ సినిమాను ది రూట్, థింక్ స్టూడియో సంయుక్తంగా నిర్మించగా, 20 కోట్ల బడ్జెట్ తో రూపొందిన ‘మహారాజ’ బాక్స్ ఆఫీస్ వద్ద 110 కోట్లకు పైగా కలెక్షన్స్ కొల్లగొట్టింది. ఇలాంటి బిగ్గెస్ట్ హిట్ ను ఇచ్చిన దర్శకుడికి మేకర్స్ గిఫ్ట్ ఇవ్వడం అనేది ఇప్పటికే ఎన్నోసార్లు సినిమా ఇండస్ట్రీలో జరిగింది. నిర్మాతలు లేదా హీరో తమకు మరచిపోలేని హిట్ ఇచ్చిన దర్శకుడిని సంతోషం కొద్దీ లేదా దర్శకుడిని మరింత ఎంకరేజ్ చేయడానికి ఇలాంటి సర్ప్రైజ్ లు ఇస్తూ ఉంటారు. తాజాగా ‘మహారాజా’ డైరెక్టర్ విషయంలో కూడా అదే జరిగింది. ఇక ‘మహారాజా’ 100 రోజుల ఫంక్షన్ జరుపుకున్న చిత్ర నిర్మాతలు డైరెక్టర్ కు సర్ప్రైజ్ గిఫ్ట్ ఇచ్చారు. ఈ సందర్భంగా ‘మహారాజ’ సినిమా డైరెక్టర్ నితిలన్ స్వామినాథన్ కు నిర్మాతలు బిఎండబ్ల్యూ లగ్జరీ కారును గిఫ్ట్ గా ఇచ్చారు. విజయ్ సేతుపతి తన చేతుల మీదుగా ఈ గిఫ్ట్ ను డైరెక్టర్ కు అందించారు. ప్రస్తుతం దీనికి సంబంధించిన ఫోటోలు వైరల్ అవుతున్నాయి.
హీరోకి మరిచిపోలేని గిఫ్ట్
ఈ సినిమా విజయ్ సేతుపతి కెరీర్లో 50వ మూవీగా తెరపైకి వచ్చిన విషయం తెలిసిందే. తన కుమార్తెకు జరిగిన అన్యాయానికి ఒక తండ్రి ఎలా పగ తీర్చుకున్నాడు అనేదే ఈ సినిమా స్టోరీ. డైరెక్టర్ ఈ మూవీని ఉత్కంఠ భరితంగా రూపొందించారు. అంతేకాకుండా దర్శకుడు మేకింగ్, రైటింగ్ పై విజయ్ సేతుపతి ప్రశంసల వర్షం కురిపించారు. ‘మహారాజా’ మూవీకి ఇంతటి గుర్తింపు దక్కడం వెనుక నితిలన్ శ్రమ ఎక్కువగా ఉందంటూ వందరోజుల వేడుకలో విజయ్ సేతుపతి, నిర్మాతలు సినిమా హిట్ కు క్రెడిట్ డైరెక్టర్ కి ఇచ్చేశారు. కాగా బాలీవుడ్ నటుడు అనురాగ్ కశ్యప్ ఈ సినిమాలో విలన్ గా నటించగా, మమతా మోహన్ దాస్, అభిరామి, దివ్య భారతి తదితరులు కీలక పాత్రలు పోషించారు. ప్రస్తుత ‘మహారాజ’ మూవీ నెట్ ఫ్లిక్స్ లో అందుబాటులో ఉంది.
Share
Bigg Boss: బిగ్ బాస్ పై పిచ్చితో కెరీర్ ను ఇరకాటంలో పెట్టిన రోహిణి..!
Kalki 2898AD: బొమ్మ బ్లాక్ బాస్టర్.. ప్రభాస్ మూవీకి కూడా తప్పని తిప్పలు..!
