Karimnagar: నా చావుకు మా అమ్మ, నాన్నే కారణం.. కొడుకు సెల్ఫీ సూసైడ్

Karimnagar: కరీంనగర్ జిల్లా రామంచ గ్రామంలో తీవ్ర విషాదం నెలకొంది. నాగెల్లి వెంకటేశ్వరరెడ్డి అనే యువకుడు తన ఆత్మహత్యకు తల్లిదండ్రులే కారణమని సెల్ఫీ వీడియో రికార్డు చేసి ప్రాణాలు తీసుకోవడం స్థానికంగా కలకలం రేపింది. కేవలం రెండు నెలల క్రితమే వివాహం చేసుకున్న ఈ యువకుడు, కొత్త సంసారంలో ఆనందంగా ఉండాల్సిన సమయంలో ఇలాంటి కఠిన నిర్ణయం తీసుకోవడం అందరినీ కలిచివేస్తోంది. తన మరణానికి గల కారణాలను వివరిస్తూ ఆవేదనతో కూడిన వీడియోను సోషల్ మీడియాలో షేర్ చేశాడు.

కంటతడి పెట్టిస్తున్న సెల్ఫీ వీడియో
వెంకటేశ్వరరెడ్డి ఆత్మహత్యకు ముందు తీసుకున్న సెల్ఫీ వీడియో చూసేవారిని కంటతడి పెట్టిస్తోంది. తన తల్లిదండ్రుల వేధింపులు, మనస్పర్థల వల్లే తాను ఈ లోకాన్ని విడిచి వెళ్తున్నట్లు అందులో పేర్కొన్నాడు. తన మరణానంతరం తన చితికి కన్నతండ్రి నిప్పు పెట్టకూడదని, తన ప్రాణ స్నేహితుడి చేతుల మీదుగానే అంత్యక్రియలు నిర్వహించాలని కన్నీటి పర్యంతమవుతూ కోరాడు. ఈ హృదయవిదారక వీడియో ప్రస్తుతం నెట్టింట వైరల్ అవుతోంది.

భార్యకు క్షమాపణలు చెబుతూ చివరి వీడ్కోలు
అప్పుడే వివాహమై జీవితంపై ఎన్నో ఆశలతో ఉన్న భార్యకు వెంకటేశ్వరరెడ్డి క్షమాపణలు చెప్పాడు. తనను క్షమించాలని, నీ జీవితాన్ని నాశనం చేశానని ఆవేదన చెందాడు. వివాహమైన అతి కొద్ది కాలంలోనే తన భర్తను కోల్పోయిన భార్య పరిస్థితి వర్ణనాతీతంగా ఉంది. కుటుంబ సభ్యుల మధ్య ఉన్న గొడవలు ఒక నిండు ప్రాణాన్ని బలి తీసుకోవడంతో వారి కుటుంబమంతా తీవ్ర విషాదాన్ని నింపింది.

Also Read: ఘోర రోడ్డు ప్రమాదం.. కారు, లారీ ఢీ.. అక్కడికక్కడే ఐదుగురు టీచర్లు!

తల్లిదండ్రులపై ఆరోపణ.. చివరికి..
అయితే సంఘటన స్థలానికి చేరుకున్న పోలీసులు కేసు నమోదు చేసి దర్యాప్తు ప్రారంభించారు. కుటుంబ సభ్యుల వాంగ్మూలాలను సేకరిస్తున్నారు. గ్రామంలో ఎంతో యాక్టివ్‌గా ఉండే వెంకటేశ్వరరెడ్డి ఇలా అర్ధాంతరంగా తనువు చాలించడంతో రామంచ గ్రామంలో నిశ్శబ్ద వాతావరణం నెలకొంది. తల్లిదండ్రులపై ఆరోపణలు చేస్తూ ఒక కొడుకు ప్రాణాలు తీసుకోవడం సామాజికంగా చర్చనీయాంశంగా మారింది.

నా చావుకు మా అమ్మ, నాన్నే కారణం.. కొడుకు సెల్ఫీ సూసైడ్

తన స్నేహితుడి చేత చితికి నిప్పుపెట్టించాలని అభ్యర్థన

కరీంనగర్ జిల్లా రామంచ గ్రామంలో విషాదం

నాగేల్లి వెంకటేష్ రెడ్డి సెల్ఫీ వీడియో తీసుకొని ఆత్మహత్య
కంటతడి పెట్టిస్తున్న సెల్ఫీ వీడియో

రెండు నెలల క్రితమే వివాహం చేసుకున్న… pic.twitter.com/pt8Q1xkinS

— BIG TV Breaking News (@bigtvtelugu) January 27, 2026