Hyderabad Crime: పెళ్లి కోసం తపన.. చివరికి 20వ అంతస్తు మీదకు ఎక్కి..

Hyderabad Crime: హైదరాబాద్‌లోని అత్తాపూర్‌లో తీవ్ర విషాదం చోటుచేసుకుంది. 30 ఏళ్లు అయినా పెళ్లి కాకపోవడంతో తీవ్ర మనస్తాపంతో 20వ అంతస్తు నుండి దూకి ఆత్మహత్య చేసుకున్నాడు. ఈ ఘటన స్థానికంగా తీవ్ర కలకలం రేపుతుంది.

అత్తాపూర్‌లోని ఓ ప్రముఖ అపార్టెమెంట్‌లో నివాసం ఉంటున్న ప్రవీణ్ అనే యువకుడు.. గత కొంత కాలంగా తన పెళ్లి విషయంలో తీవ్ర ఆందోళనకు గురయ్యాడు. వయసు పెరుగుతున్నా సరైన సంబంధం కుదరకపోవడం.. తోటివారికి వివాహాలు జరిగిపోవడంతో అతను తీవ్రమైన మానసిక ఒత్తిడికి లోనయ్యాడు.

ఆదివారం సాయంత్రం తన నివాసముంటున్న 20వ అంతస్తు నుండి ఒక్కసారిగా కిందకు దూకేశాడు. దీంతో ప్రవీణ్ అక్కడకక్కడే ప్రాణాలు కోల్పోయాడు. భారీ శబ్ధం రావడంతో అపార్టెమెంట్ వాసులు బయటకు వచ్చి చూడగా.. రక్తపు మడుగులో పడి ఉన్న ప్రవీణ్‌ను చూసి పోలీసులకు సమాచారం అందించారు. సమచారం అందుకున్న పోలీసులు ఘటన స్థలానికి చేరుకుని మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించారు. యువకుడి మృతితో కుటుంబ సభ్యులు, బంధువులు కన్నీరుమున్నీరుగా విలపిస్తున్నారు.ఘటన పై పోలీసులు కేసు నమోదు చేసి దర్యాప్తు చేస్తున్నారు.

Also Read:100 కోట్ల ఒప్పందమా? ఆధారాలు చూపండి! బండి సంజయ్‌పై కాంగ్రెస్ నేతలు పోలీసులకు ఫిర్యాదు

Join WhatsApp Channel

Share

• 
• 
• 
• 
• 
•