BHIM Small UPI Payments: యూపీఐ యాప్స్ తో రోజువారీ పేమెంట్స్ ఈజీ అయ్యాయి. యూపీఐ పేమెంట్స్ లో మరో కొత్త అప్డేట్ వచ్చింది. నేషనల్ పేమెంట్స్ కార్పొరేషన్ ఆఫ్ ఇండియా (NPCI) కొత్త వ్యవస్థకు శ్రీకారం చుట్టింది. యూపీఐ యాప్ లో పేమెంట్ చేసినప్పుడు ప్రతిసారీ 4 లేదా 6 అంకెల పిన్ ఎంటర్ చేయాల్సిన అవసరం లేకుండా.. బయోమెట్రిక్ సాయంతో డిజిటల్ చెల్లింపులు చేసే సదుపాయాన్ని తీసుకొచ్చింది. అంటే ఫేస్ రికగ్నిషన్ లేదా ఫింగర్ ప్రింట్ సాయంతో రూ.5 వేల వరకు పేమెంట్ చేయవచ్చు. ఈ ఆప్షన్ ను NPCIకి చెందిన డిజిటల్ పేమెంట్ యాప్ BHIMలో అందుబాటులోకి తెచ్చింది.
బయోమెట్రిక్, ఫేస్ రికగ్నిషన్ ఫీచర్స్ ఉన్న ఆండ్రాయిడ్, ఐఓఎస్ స్మార్ట్ఫోన్లలో ఈ ఫీచర్ పనిచేస్తుందని BHIM యాప్ తెలిపింది. దీనివల్ల రోజువారీ లావాదేవీలు మరింత వేగవంతంగా జరుగుతాయని పేర్కొంది. డిజిటల్ పేమెంట్స్లో బయోమెట్రిక్ డేటా ఫోన్లోనే ఎన్క్రిప్షన్ రూపంలో ఉంటుందని తెలిపింది. కిరాణా, కూరగాయల దుకాణాలు, చిన్న మొత్తంలో జరిపే లావాదేవీలకు ఈ సదుపాయం ఎంతో ఉపయోగపడనుంది. అయితే రూ.5 వేలకు పైబడిన లావాదేవీలకు మాత్రం సీక్రెట్ పిన్ ఎంటర్ చేయాల్సి ఉంటుంది.
ఈ ఫీచర్ ముఖ్యంగా తక్కువ విలువ గల చెల్లింపులు చేసే కస్టమర్లకు రోజువారీ లావాదేవీలను సులభతరం చేయనుంది. ప్రతిసారీ పిన్ ఎంటర్ చేయాల్సిన అవసరాన్ని లేకుండా, పిన్ తప్పుగా ఎంటర్ చేయడం లేదా పిన్ మర్చిపోవడం వంటి సమస్యను తగ్గిస్తుంది. కస్టమర్లు పీర్-టు-పీర్ ట్రాన్స్ ఫర్స్, మర్చంట్ క్యూఆర్ కోడ్లను స్కాన్ చేయడం, ఆన్లైన్ కొనుగోళ్లు చేయడం వంటి అనేక సాధారణ కార్యకలాపాలకు బయోమెట్రిక్ అథెంటికేషన్ను ఉపయోగించుకోవచ్చు.
NPCI BHIM మేనేజింగ్ డైరెక్టర్, చీఫ్ ఎగ్జిక్యూటివ్ ఆఫీసర్ లలిత నటరాజ్ మాట్లాడుతూ.. పటిష్టమైన భద్రతా చర్యలను పాటిస్తూనే డిజిటల్ చెల్లింపులను సులభతరం చేయడానికి ఈ అప్డేట్ రూపొందించినట్లు తెలిపారు. బయోమెట్రిక్ పేమెంట్స్ నేరుగా కస్టమర్లకు మాత్రమే పనిచేస్తుంది. దీంతో పేమెంట్స్ ఈజీగా అవ్వడంతో పాటు భద్రతా పరంగా సమస్యలు తగ్గుతాయి. వేలిముద్రలు లేదా ఫేస్ రికగ్నిషన్ బయోమెట్రిక్ డేటా బయటకు షేర్ కాకుండా వినియోగదారుడి డివైజ్ లో స్టోర్ అవుతుంది. ఇది పిన్ దుర్వినియోగం లేదా అనధికారిక యాక్సెస్ ప్రమాదాలను తగ్గిస్తుంది.
రూ. 5,000 కంటే ఎక్కువ విలువ గల లావాదేవీల కోసం, వినియోగదారులు యూపీఐ పిన్ను ఎంటర్ చేయాల్సి ఉంటుంది. రోజువారీ డిజిటల్ చెల్లింపులను వేగవంతంగా, మరింత సులభతరం చేయడం ద్వారా లక్షలాది మంది వినియోగదారులకు ప్రయోజనం చేకూరనుంది.
Also Read: యుపిఐ చెల్లింపుల సమయంలో మీ నెంబర్ కనిపిస్తోందా? బ్లాక్ చేయడానికి ఇలా చేయండి
Share
Horror Thriller OTT : డబ్బుకోసం కన్నింగ్ ప్లాన్... అద్దెకు వచ్చి బురిడి కొట్టించే పాపలు... షాక్ ఇచ్చే సైకో డాక్టర్
Deewana: సమంత వదిలిన ‘ఇది ప్రేమ’ సాంగ్ ఎలా ఉందంటే?
