UAN Number: UAN నంబర్ మర్చిపోయారా.. ఇలా సెకన్లలో తెలుసుకోండి!

UAN Number: ప్రతి ఉద్యోగి తన జీతంలో కొంత భాగాన్ని అతని చేతిలోకి తీసుకుంటాడు. అలానే కొంత భాగాన్ని అతని PF ఖాతాలోకి జమచేస్తాడు. PF అంటే ఎంప్లాయీస్ ప్రావిడెంట్ ఫండ్. ఇది భారతదేశంలో పొదుపు, పదవీ విరమణ నిధి. పదవీ విరమణ తర్వాత కూడా ఉద్యోగులకు ఆర్థిక భద్రత కల్పించడమే దీని లక్ష్యం. ఒక నిర్దిష్ట వయస్సు తర్వాత ఒక వ్యక్తి ఉద్యోగం చేయడం ద్వారా తన కుటుంబాన్ని పోషించలేనప్పుడు, అతను తన జీవితాంతం తన ఉద్యోగం ద్వారా సంపాదించిన డబ్బుతో తనను, తన కుటుంబాన్ని పోషించగలడు. ఉద్యోగి, యజమాని ఇద్దరూ PFకి సహకరిస్తారు.

మీకు UAN అంటే యూనివర్సల్ అకౌంట్ నంబర్ తెలిస్తే ఉమంగ్ యాప్ సహాయంతో ఎప్పుడైనా PF బ్యాలెన్స్ చెక్ చేసుకోవచ్చు. అయితే చాలాసార్లు పీఎఫ్ నంబర్‌కు సంబంధించిన సమాచారం అందుబాటులో ఉండదు. కొందరు యూనివర్సల్ ఖాతా నంబర్ ఎక్కడా సేవ్ చేసుకోరు. అటుంటి పరిస్థితుల్లో మీరు మీ UAN నంబర్‌ను మరచిపోయినట్లయితే మీరు దానిని కొన్ని సెకన్లలో ఆన్‌లైన్‌లో తెలుసుకోవచ్చు. దీని కోసం ఎంప్లాయీస్ ప్రావిడెంట్ ఫండ్ అధికారిక వెబ్‌సైట్‌కు వెల్లాల్సిన అవసరం ఉంది.

How To Check PF Number Online

ముందుగా మీరు ఎంప్లాయీస్ ప్రావిడెంట్ ఫండ్ ఆర్గనైజేషన్ అధికారిక వెబ్‌సైట్‌ను సందర్శించాలి. (https://unifiedportal-mem.epfindia.gov.in/memberinterface/).
ఇప్పుడు క్రిందికి స్క్రోల్ చేయండి.
ఫైండ్ మై UANపై క్లిక్ చేయండి.
ఇప్పుడు మీరు మొబైల్ నంబర్, క్యాప్చాను నమోదు చేయాలి.
ఇప్పుడు మీరు రిజిస్టర్డ్ మొబైల్ నంబర్‌‌కి వచ్చిన OTPని ఎంటర్ చేయాలి.
తర్వాత పేరు, DOB, ఆధార్, క్యాప్చా ఎంటర్ చేసి, Show My UANపై క్లిక్ చేయండి.
ఇప్పుడు మీరు స్క్రీన్‌పై UAN నంబర్‌ని చూడొచ్చు.

How To Check PF Balance

మీరు ఉమంగ్ యాప్‌ను డౌన్‌లోడ్ చేసుకోవాలి.
అందులో రిజిస్టర్ చేసుకొని ID క్రియేట్ చేయాలి.
ఖాతాలోకి లాగిన్ అవ్వాలి.
ఖాతా లాగిన్ కోసం రిజిస్టర్డ్ మొబైల్ నంబర్, 6 అంకెల MPIN నమోదు చేయాలి.
దీని తర్వాత, యాప్‌లోని సెర్చ్ బాక్స్‌లో EPFO అని టైప్ చేసిన తర్వాత, View Passbook అనే ఆప్షన్ కనిపిస్తుంది.
ఇప్పుడు మీరు UANని నమోదు చేయాలి.
ఇలా చేయడం ద్వారా మీరు స్క్రీన్‌పై వివిధ కంపెనీల నుండి మీ PF బ్యాలెన్స్ చూస్తారు.