Yamaha Nmax 155: యమహా నుంచి క్రేజీ స్కూటర్,ఫీచర్లు భలే ఉన్నాయి భయ్యా!

Yamaha Nmax 155 Scooter 2026: యమహా NMAX 155 ఇండియన్ మార్కెట్ లోకి త్వరలో అడుగు పెట్టబోతోంది. మార్చి 2026 నాటికి విడుదల కానుంది. ఈ స్కూటర్ ధర సుమారు రూ. 1.60 లక్షల నుంచి రూ. 1.70 లక్షలకు వరకు ఉంటుంది. ప్రీమియం మ్యాక్సీ స్కూటర్ గా వినియోగదారులకు అందుబాటులోకి రానుంది. ఇందులో 155cc, లిక్విడ్ కూల్డ్ ఇంజిన్ వేరియబుల్ వాల్వ్ యాక్చుయేషన్ తో ఉంటుంది. రైడింగ్ మోడ్‌ లతో కూడిన కొత్త యమహా ఎలక్ట్రిక్ CVT, 4.2 అంగుళాల TFT డిస్‌ ప్లే, ABS, ట్రాక్షన్ కంట్రోల్ లాంటి ఫీచర్లను కలిగి ఉన్నాయి.

యమహా NMAX 155 గురించి..

⦿ ఇంజిన్, పెర్ఫార్మెన్స్: 155cc, 4 స్ట్రోక్, సింగిల్ సిలిండర్, లిక్విడ్ కూల్డ్, ఇంజిన్ వేరియబుల్ వాల్వ్ యాక్చుయేషన్(VVA)తో వస్తుంది. సుమారు 15 HP పవర్, 14 Nm టార్క్ ను ఉత్పత్తి చేస్తుంది. లీటర్ పెట్రోల్ తో 45 నుంచి 50 కి.మీ మైలేజ్ లభిస్తుంది.

⦿ ఫీచర్లు: ఈచర్ల విషయానికి వస్తే 4.2-అంగుళాల TFT డిస్‌ ప్లే, స్మార్ట్ కీ సిస్టమ్, స్టార్ట్ స్టాప్ సిస్టమ్, USB ఛార్జర్, LED హెడ్‌ లైట్లు ఉంటాయి. మైరైడ్ యాప్ తో స్మార్ట్‌ ఫోన్ కనెక్టివిటీ, నావిగేషన్‌తో కూడిన కలర్ TFT ఉంటుంది.

⦿ బ్రేకింగ్, సస్పెన్షన్: ముందు, వెనుక డిస్క్ బ్రేకులు, టెలిస్కోపిక్ ఫోర్క్, ట్విన్ రియర్ షాక్స్ ను కలిగి ఉంటుంది.

⦿ ఫ్యూయెల్ ట్యాంక్: సుమారు 7.1 లీటర్ల ఇంధన ట్యాంక్ సామర్థ్యాన్ని కలిగి ఉంటుంది.

⦿ డిజైన్: మ్యాక్సీ స్కూటర్ స్టైల్, సౌకర్యవంతమైన సీటింగ్, విండ్‌ స్క్రీన్ ఉంటాయి. 25 లీటర్ల అండర్ సీట్ స్టోరేజ్ ఉంటుంది. చక్కగా హెల్మెట్ పెట్టుకోవచ్చు.

⦿ టెక్నాలజీ: YECVT.. కొన్ని మోడళ్లకు, సిమ్యులేటెడ్ గేర్ షిఫ్ట్‌లతో ఆటోమేటిక్ ట్రాన్స్‌ మిషన్, ట్రాక్షన్ కంట్రోల్ సిస్టమ్ (TCS), డ్యూయల్ ఛానల్ ABS లాంటి ఫీచర్లు ఉంటాయి.

⦿ కలర్స్: యమహా Nmax 155 స్కూటర్ క్రిస్టల్ గ్రాఫైట్, మిడ్‌ నైట్ బ్లాక్‌ లలో అందుబాటులో ఉంటుంది.

ఎవరికి అనుకూలంగా ఉంటుందంటే?

సిటీ ట్రాఫిక్‌లో సులభంగా దూసుకుపోవడానికి, మంచి మైలేజ్, సౌకర్యవంతమైన రైడింగ్ పొజిషన్ కు అనుకూలంగా ఉంటుంది. లాంగ్ డిస్టెన్స్ రైడ్స్‌ కు, హైవే ప్రయాణాలకు బాగా సరిపోతుంది. ఇందులో ABS, ట్రాక్షన్ కంట్రోల్ సిస్టమ్ లాంటి ఆధునిక భద్రతా ఫీచర్లు ఉంటాయి. ఈ స్కూటర్ ఆసియా, యూరప్ మార్కెట్లలో బాగా పాపులర్ అయ్యింది.

యమహా Nmax 155 లాంచ్, ధర

యమహా Nmax 155 స్కూటర్ భారత్ లో మార్చి 2026లో లాంచ్ అయ్యే అవకాశం ఉంది. దీని ధర రూ. 1,60,000 నుంచి రూ. 1,70,000 వరకు ఉంటుంది. ప్రస్తుతం అందుబాటులో ఉన్నసింపుల్ ఎనర్జీ వన్ జెన్ 2, వెస్పా S 150, వెస్పా 150 మాదిరిగానే Nmax 155 ఉంటుంది.