Magical Car: సైగలతోనే డోర్లు ఓపెన్.. ఈ మ్యాజికల్ కారు భలే ఉంది గురూ!

Car Doors Open Without Touch: ప్రపంచ వ్యాప్తంగా ఆటో మార్కెట్ రోజు రోజుకు మరింత అభివృద్ధి చెందుతోంది. సరికొత్త టెక్నాలజీతో చిత్ర విచిత్రమైన కార్లు అందుబాటులోకి వస్తున్నాయి. ఇక చైనీస్ పరిశోధకులు మరింత ముందుకెళ్లి క్రేజీ కార్లను అభివృద్ధి చేస్తున్నారు. అందులో భాగంగానే AITO M9, Li Auto, NIO లాంటి ఆధునిక ఎలక్ట్రిక్ వాహనాలు అందుబాటులోకి వచ్చాయి. ఈ కార్లు కారును టచ్ చేయకుండానే డోర్లు ఓపెన్ అవుతున్నాయి. ఈ హ్యాండ్స్ ఫ్రీ కార్లను కేవలం సంజ్ఞల ద్వారా కంట్రోల్ చేసే డోర్ ఓపెనింగ్ సిస్టమ్‌ లను పరిచయం చేస్తున్నాయి. అయితే, ఈ సాంకేతికత భద్రతాపరమైన ఆందోళనలను కలిగిస్తోంది. వినియోగదారులు ఈ ఆటోమేటెడ్ సిస్టమ్‌ పై ఆధారపడటానికి ఆలోచిస్తున్నారు.

ఇంతకీ ఏంటీ ఈ కార్ల ప్రత్యేకత?

⦿ గెస్చర్ బేస్డ్ టెక్నాలజీ: చైనాలో కార్లు ఎక్కువగా AI ఆధారిత, గెస్చర్ ఆధారిత, ఆటోమేటిక్ వ్యవస్థలను కలిగి ఉంటాయి. ఇవి చేతిని ఊపడం ద్వారా అన్‌ లాక్ చేయడం, ఓడర్లు ఓపెన్ చేయడం, వాటంత అవే పార్క్ చేయడం జరుగుతుంది.

⦿ భద్రతాపరమైన ఆందోళనలు, నిబంధనలు: ప్రమాదాల సమయంలో తలుపులు ఓపెన్ కాకపోవడం లాంటి భద్రతాపరమైన ఆందోళనలు, యాక్సిడెంట్ సమయంలో లోపలే చిక్కుకుపోయే అవకాశం ఉందనే నివేదికల కారణంగా నెగెటివ్ ఫీడ్ బ్యాక్ వస్తోంది. ఈ డోర్లు ఉన్న కార్లను నిషేధించాలనే డిమాండ్ కూడా వినిపిస్తోంది.

⦿ వినియోగదారులు ఏమంటున్నారు?: ఈ అధునాతన టెక్నాలజీని కొంతమంది స్వాగతిస్తుండగా, మరికొందరు ఆందోళన వ్యక్తం చేస్తున్నారు. ఈ ఫీచర్ల చాలా ప్రమాదకరమైనవి అంటున్నారు. కొన్ని నివేదికల ప్రకారం, గెస్చర్ కంట్రోల్స్ ను అన్ని సమయాల్లో నమ్మదగినవిగా ఉండవని వెల్లడిస్తున్నాయి.

⦿ రాపిడ్ ఇన్నోవేషన్: పలు ఆధునిక చైనీస్ ఎలక్ట్రిక్ వాహనాలు ఈ ఫీచర్లను తీసుకొచ్చాయి. చైనాలో అత్యధికంగా అమ్ముడయ్యే టాప్ 100 మోడళ్లలో సుమారు 60 శాతం కార్లు ఈ టెక్నాలజీని కలిగి ఉన్నాయి.

A car in China can open its doors without touching, but it seems like people aren't ready for that yet 🚗 pic.twitter.com/E8M2akz8qE

— Tansu Yegen (@TansuYegen) March 18, 2026

ఈ సాంకేతికత భవిష్యత్ అవసరాలకు అనుగుణంగా మరింత సౌలభ్యం, విశ్వసనీయత, భద్రతకు మరింత భరోసా ఇవ్వబోతుందని పరిశోధకులు అభిప్రాయపడుతున్నారు. కొన్ని ప్రతికూలతలు ఉన్నా, వాటిని సరిచేసే అవకాశం ఉందంటున్నారు. కొత్త టెక్నాలజీని అందిపుచ్చుకుంటూ ముందుకు సాగాలని సూచిస్తున్నారు. అంతేతప్ప, మళ్లీ వెనక్కి వెళ్లే ఆలోచన చేయకూడదంటున్నారు. ప్రతికూలతలను సరిచేస్తే, రాబోయే కార్లు మరింత ఫ్యూచరిస్టిక్ గా ఉంటాయని చెప్తున్నారు.