Car AC Tips: వామ్మో.. ఎండలో ఉన్న కారులో వెంటనే ఏసీ ఆన్ చేయడం ఇంత డేంజరా?

Summer Car Cooling Tips: సమ్మర్ లో ఎండలో ఉంచిన కారులోకి వెళ్లగానే, చాలా మంది వెంటనే ఏసీ ఆన్ చేస్తారు. ఏసీ ఆన్ చేయడం వల్ల కారు క్యాబిన్ త్వరగా చల్లగా అవుతుందని భావిస్తారు. కానీ, అలా చేయడం అస్సలు మంచిది కాదంటున్నారు నిపుణులు. ఇలా చేయడం వల్ల ఏసీ సిస్టమ్‌పై ఎక్కువ ప్రెజర్ పడుతుందంటున్నారు. అంతేకాదు, కారు త్వరగా కూడా కాదంటున్నారు.

ఎండలో పార్క్ చేసిన కారు త్వరగా కూల్ కావాలంటే?

నిజానికి ఎండలో పార్క్ చేసిన కారులో లోపల వేడి బయట కంటే చాలా ఎక్కువగా ఉంటుంది. కొన్నిసార్లు కారు లోపలి వేడి ఇంచుమించు 50°C వరకు ఉంటుంది. అలాంటి వేడిని ఒక్కసారిగా ఏసీతో తగ్గించడం అంత ఈజీ కాదు. అందుకే, కారులోకి వెళ్లిన వెంటనే ఏసీ ఆన్ చేయకుండా, కారులో ఉన్న వేడి గాలిని బయటకు పంపించాలి. అంటే, కారు డోర్లు లేదంటే, విండోస్ కాసేపు ఓపెన్ చేయాలి. ఇలా చేయడం వల్ల కారు లోపలి వేడిగాలి బయటకు వెళ్తుంది. అంతేకాదు, కారు స్టార్ట్ చేసిన వెంటనే కొన్ని సెకన్ల పాటు విండోస్ ఓపెన్ చేసి డ్రైవ్ చేయడం మంచిది. ఈ సమయంలో లోపల ఉన్న వేడిగాలి త్వరగా బయటకు పోతుంది.

ఆ తర్వాత ఏసీ ఆన్ చేస్తే, త్వరగా కారు క్యాబిన్ కూల్ అవుతుంది. లేదంటే, లోపల ఉన్న ఎక్కువ వేడిని తగ్గించడానికి ఏసీ ఎక్కువగా కష్టపడాల్సి ఉంటుంది. ఫలితంగా ఫ్యూయెల్ ఎక్కువ అయిపోతుంది. ఇంకో ముఖ్యమైన విషయం ఏంటంటే.. చాలా మంది కారు స్టార్ట్ చేసి నిలబడి ఉన్న సమయంలో ఏసీ ఆన్ చేసి చల్లబడాలని భావిస్తారు. కానీ, ఇది కూడా సరైన పద్ధతి కాదు. ఎందుకంటే, కారు కదులుతున్నప్పుడు AC కంప్రెసర్ మరింత బాగా పని చేస్తుంది. అంటే, కారు స్టార్ట్ చేసిన వెంటనే డ్రైవ్ మొదలుపెట్టడం మంచిది.

కారు త్వరగా కూల్ కావాలంటే ఎలా?

కారు లోపల త్వరగా కూల్ కావాలంటే.. ముందుగా రీసర్క్యులేషన్ మోడ్ ఉపయోగించాలి. ఇది కారులోని గాలినే కూల్ చేస్తుంది. అంటే బయట నుంచి వేడి గాలి లోపలికి రాకుండా ఉంటుంది. కారు త్వరగా చల్లబడుతుంది. అయితే, కొంతసేపటి తర్వాత ఫ్రెష్ ఎయిర్ మోడ్ ని వాడాలి. లోపల ఎయిర్ చాలా లైట్ గా మారుతుంది. ఏసీని ఎప్పుడూ హై టెంపరేచర్‌ లో కాకుండా లో టెంపరేచర్‌ లో పెట్టి ఫ్యాన్ స్పీడ్‌ తో కంట్రోల్ చేయడం ఇంకా మంచిది. ఇలా చేయడం వల్ల ఏసీ పని తీరు మరింత మెరుగు అవుతుంది. ఫ్యూయెల్ కూడా చక్కగా ఆదా అవుతుంది.