Budget Turbo Petrol Cars Under Rs 10 Lakh: భారత కార్ల మార్కెట్ లో గత కొన్నేళ్లుగా టర్బో పెట్రోల్ ఇంజిన్లకు బాగా డిమాండ్ పెరుగుతోంది. ఒకప్పుడు ఈ ఇంజిన్లు ప్రీమియం కార్లకే పరిమితమయ్యేవి. కానీ, ఇప్పుడు పరిస్థితి పూర్తిగా మారింది. టాటా, మహీంద్రా, హ్యుందాయ్, కియా, మారుతి సుజుకి, స్కోడా, రెనాల్ట్, నిస్సాన్, సిట్రోయెన్ లాంటి పాపులర్ కంపెనీలు రూ.10 లక్షల లోపే టర్బో పెట్రోల్ మాన్యువల్ కార్లను అందిస్తున్నాయి. తక్కువ బడ్జెట్ లో మంచి పనితీరు, సూపర్ యాక్సిలరేషన్, డ్రైవింగ్ ఎంజాయ్మెంట్ కోరుకునే వారికి అనుకూలంగా ఉండే టాప్ మోడల్స్ గురించి ఇప్పుడు చూద్దాం..
ఈ లిస్టులో మొదటి స్థానంలో టాటా నెక్సాన్ ఉంటుంది. దీని టర్బో-పెట్రోల్ మాన్యువల్ వేరియంట్ రూ.7.37 లక్షల నుంచి ప్రారంభమవుతుంది. 120 PS పవర్, 170 Nm టార్క్ తో ఈ SUV నగర రోడ్లపై డ్రైవింగ్ కు అనుకూలంగా ఉంటుంది. హైవే ప్రయాణాల్లో కూడా ఆకట్టుకుంటుంది. రూ.10 లక్షలలోపు పలు వేరియంట్లు అందుబాటులో ఉండటం మరో ప్రత్యేకత.
సిట్రోయెన్ C3X 1.2 లీటర్ టర్బో-పెట్రోల్ ఇంజిన్ తో సాఫ్ట్ రైడ్, మంచి డ్రైవింగ్ అనుభూతిని అందిస్తుంది. అటు మహీంద్రా XUV 3XO 200 Nm టార్క్ తో పవర్ ఫుల్ పనితీరును కలిగి ఉంటుంది. సిటీ డ్రైవింగ్ తో పాటు లాంగ్ డ్రైవ్లకు కూడా ఈ రెండు మోడళ్లు అనువుగా ఉంటాయి.
పనితీరు విషయంలో స్కోడా కైలాక్ ప్రత్యేక గుర్తింపు తెచ్చుకుంది. 1.0 లీటర్ టర్బో ఇంజిన్, మాన్యువల్ గేర్ బాక్స్ తో డ్రైవింగ్ ను మరింత క్రేజీగా మారుస్తుంది. అదే సమయంలో రెనాల్ట్ కైగర్ కూడా తక్కువ ధరలో మంచి మైలేజీ, ఈజీ హ్యాండ్లింగ్ను అందించే SUVగా నిలుస్తోంది.
టాటా పంచ్ టర్బో ఇప్పుడు మరింత పవర్ ఫుల్ గా మారింది. చిన్న SUV అయినప్పటికీ పనితీరు పరంగా ఆకట్టుకుంటుంది. కియా సైరోస్, హ్యుందాయ్ వెన్యూ మోడళ్లు కూడా 120 PS పవర్ తో వేగవంతమైన డ్రైవింగ్ అనుభూతిని అందిస్తున్నాయి. ట్రాఫిక్ లో ఈజీగా నడపడంతో పాటు హైవేల్లో కూడా మంచి స్టెబులిటీని అందిస్తున్నాయి.
మారుతి సుజుకి ఫ్రాంక్స్ 1.0 లీటర్ టర్బో ఇంజిన్తో స్మూత్ డ్రైవింగ్ను అందిస్తుంది. కియా సోనెట్ iMT వేరియంట్ క్లచ్ ఉపయోగించకుండా డ్రైవ్ చేయాలనుకునే వారికి బెస్ట్ ఆప్షన్. స్పోర్టీ హ్యాచ్ బ్యాక్ కోసం చూస్తున్న వారికి హ్యుందాయ్ i20 N లైన్ బెస్ట్ ఆప్షన్. దీని సస్పెన్షన్ సెటప్, పవర్ ఫుల్ ఇంజిన్ డ్రైవింగ్ ను మరింత థ్రిల్లింగ్ గా మారుస్తాయి.
నిస్సాన్ మాగ్నైట్ రోజువారీ వినియోగానికి సరిపోయే టర్బో SUVగా నిలుస్తోంది. మరోవైపు స్కోడా స్లావియా ఈ జాబితాలోని ఏకైక సెడాన్. హైవేల్లో అద్భుతమైన స్టెబులిటీ, పవర్ ఫుల్ ఫర్ఫార్మెన్స్ కోరుకునే వారికి ఇది బెస్ట్ ఆప్షన్ గా చెప్పుకోవచ్చు.
Read Also: ఎంజీ To BYD.. భారత్ మార్కెట్ లోకి అడుగు పెట్టబోతున్న ప్లగ్ ఇన్ హైబ్రిడ్ SUVలు ఇవే!
Share
రేవంత్ రెడ్డి 'రైతు ఆశీర్వాద సభ'పై హరీశ్ రావు సంచలన వ్యాఖ్యలు!
పుష్ప సినిమా తరహాలో గంజాయి స్మగ్లింగ్.. రూ. 2.6 కోట్ల విలువైన గాంజా స్వాధీనం
