Best Electric Autos: మహీంద్రా ట్రెయో జోర్ TO యూలర్ హైలోడ్ EV.. బెస్ట్ కార్గో ఎలక్ట్రిక్ ఆటోలు ఇవే!

Best Electric Autos Delivery Service: భారత్ లో రోజుకు ఎలక్ట్రిక్ వాహనాల వినియోగం పెరుగుతోంది. ఫ్యూయెల్ ఖర్చులు తగ్గించుకోవడంతో పాటు పర్యావరణహితమైన ప్రయాణాలకు చాలా మంది మొగ్గు చూపుతున్నారు. ఈ నేపథ్యంలో కార్లు, బైకులతో పాటు ఎలక్ట్రిక్ ఆటోలు కూడా అందుబాటులోకి వస్తున్నాయి. ప్రస్తుతం ఇండియాలో ఉన్న బెస్ట్ ప్యాసింజర్, కార్గో ఎలక్ట్రిక్ ఆటోలు ఏవి అనేది ఇప్పుడు తెలుసుకుందాం..

టాప్ ప్యాసింజర్ ఎలక్ట్రిక్ ఆటోలు

⦿ మహీంద్రా ట్రియో: ప్యాసింజర్ ఎలక్ట్రిక్ ఆటో విభాగంలో ఈ ఆటో టాప్ లో ఉంది. ఒకే ఛార్జ్ తో ఏకంగా 140 కిలో మీటర్ల వరకు ప్రయాణం చేస్తుంది. 10 hp పవర్, 2 Nm టార్క్‌ ను ఉత్పత్తి చేస్తుంది. ఇది 5 సంవత్సరాలు లేదంటే 1.5 లక్షల కి.మీ. బ్యాటరీ వారంటీతో వస్తుంది.

⦿ పియాజియో ఏప్ ఇ సిటీ ఎఫ్ఎక్స్ మ్యాక్స్: ఈ ఆటో స్వాపబుల్ బ్యాటరీ టెక్నాలజీతో పాపులర్ అయ్యింది. ఇది ఇది కనీస డౌన్‌టైమ్ ను కలిగి ఉంటుంది. ఒకే ఫుల్ ఛార్జ్ మీద 150 కి.మీ వరకు ప్రయాణించే అవకాశం కల్పిస్తుంది.

⦿ గ్రీవ్స్ ఎల్ట్రా సిటీ: ఈ ఎలక్ట్రిక్ ఆటో ఒకే ఛార్జ్ మీద 225 కి.మీ వరకు మంచి రేంజ్ ను అందిస్తుంది. దృఢమైన మెటల్ బాడీతో తయారవుతుంది. దీనికి 5 నుంచి 6 గంటల ఛార్జింగ్ సమయం ఉంటుంది. రోజువారీ ప్రయాణాలకు అనుకూలంగా ఉంటుంది.

⦿ బజాజ్ RE E-TEC 9.0: ఈ ఆటో ఎత్తైన ప్రదేశాలను కూడా ఈజీగా ఎక్కుతుంది. ఒకే ఛార్జ్ మీద ఏకంగా 170 కిలో మీటర్ల వరకు ప్రయాణించే అవకాశం ఉంటుంది. 2 స్పీడ్ ఆటోమేటిక్ ట్రాన్స్‌ మిషన్‌ ను కలిగి ఉంది.

⦿ మోంట్రా ఎలక్ట్రిక్ సూపర్ ఆటో: ఈ ఎలక్ట్రిక్ ఆటో సౌకర్యవంతమైన, విశాలమైన ఇంటీరియర్స్ ను కలిగి ఉంటుంది. ఒకసారి ఛార్జ్ చేస్తే 152 కి.మీ ప్రయాణాన్ని అందిస్తుంద. ఛార్జింగ్ సమయం కూడా తక్కువగానే ఉంటుంది

రోజువారీ కమర్షియల్ వినియోగానికి బెస్ట్ ఎలక్ట్రిక్ ఆటోలు

⦿ యూలర్ హైలోడ్ EV: ఇది ఒకే ఛార్జ్ తో 151 కి.మీ ప్రయాణించే అవకాశం ఉంటుంది. 688 నుంచి 768 కిలోల బరువును ఈజీగా తీసుకెళ్తుంది. పవర్ ఫుల్ కార్గో ఎలక్ట్రిక్ 3-వీలర్లలో ఒకటిగా గుర్తింపు తెచ్చుకుంది.

⦿ మహీంద్రా ట్రెయో జోర్: ఈ ఎలక్ట్రిక్ ఆటో కూడా 550 కిలోల బరువును మోసుకెళ్తుంది. ఒకే ఛార్జ్ తో 125 కి.మీ ప్రయాణించవచ్చు. అత్యధికంగా అమ్ముడైన కార్గో ఆటోల్లో ఇది ఒకటిగా గుర్తింపు తెచ్చుకుంది.

⦿ ఆల్టిగ్రీన్ neEV: ఈ ఆటో ఒకే ఛార్జ్ మీద 150 కి.మీ వెళ్లే అవకాశం కల్పిస్తుంది. దీని మోటార్ 11 hp శక్తితో అధిక సామర్థ్యాన్ని అందిస్తుంది.

మొత్తంగా రోజువారీ రవాణా సేవల కోసం మహీంద్రా ట్రెయో, పియాజియో ఏప్ ఇ-సిటీ బెస్ట్ గా చెప్పుకోవచ్చు. ఈ ఆటోలు, మంచి సర్వీస్ నెట్ వర్క్ తో పాటు రీసేల్ వ్యాల్యూను కలిగి ఉన్నాయి.