Ugadi panchangam 2026: ధనస్సు రాశి వారికి ఈ పరాభవ నామ సంవత్సరంలో మిశ్రమ ఫలితాలు ఉంటాయట. ఈ సంవత్సరంలో వీరికి కెరీర్‌లో స్థిరత్వం ఏర్పడుతుందట. ఆర్థికపరమైన పురోగతి సాధిస్తారట. కొత్త కొత్త అవకాశాలు కలిసి వస్తాయట. అయితే ఆరోగ్య విషయంలో వీరు చాలా జాగ్రత్తగా ఉండాలని పండితులు హెచ్చరిస్తున్నారు. ఇంకా ఈ సంవత్సరం ఈ రాశి వారు స్థిరాస్తి కొనుగోళ్లు చేసే సమయంలో చాలా అప్రమత్తంగా ఉండాలని పండితులు సూచిస్తున్నారు.. ఒక స్థిరమైన ప్రణాళికతో పనులు చేసుకోవడం వల్ల అవి సకాలంలో పూర్తవుతాయట. అయితే ఈ రాశి వారికి అర్ధాష్టమ శని ప్రభావం చేత మానసిక ఒత్తిడి కానీ ద్వితీయార్థంలో అంటే జులై తర్వాత గురుబలంతో అద్బుతమైన అదృష్టం కలుగుతుందని సూచిస్తున్నారు పండితులు.
ఇక ఈ రాశిలోకి మూలా నక్షత్రం ఒకటి, రెండు, మూడు, నాలుగు పాదాలు, పూర్వాషాడ నక్షత్రం ఒకటి, రెండు, మూడు, నాలుగు పాదాలు, ఉత్తరాషాడ నక్షత్రం ఒకటవ పాదం వస్తాయి. ఈ సంవత్సరం ఈ రాశి వారికి ఆదాయం 14, వ్యయం 11, రాజపూజ్యం 5, అవమానం 6గానూ ఉంటుంది.
ఈ రాశి వారికి ఈ పరాభవ నామ సంవత్సరం ప్రథమార్థంలో పని ఒత్తిడి ఎక్కువగా ఉంటుంది. గుర్తింపు తక్కువగా ఉంటుంది. అయితే ఈ సంవత్సరం రెండో భాగంలో ఉద్యోగులకు ఎంతో కాలం నుంచి ఎదురుచూస్తున్న ప్రమోషన్లు వస్తాయి. అలాగే ఉద్యోగులకు జీతాలు పెరుగుతాయి. కోరుకున్న ట్రాన్స్‌ఫర్లు కూడా లభిస్తాయి. అయితే ఈ రాశి వారు చేసే వ్యాపారంలో జాగ్రత్తగా ఉండాలని పండితులు సూచిస్తున్నారు.
ధనస్సు రాశి వారికి ఈ పరాభవ నామ సంవత్సరంలో ఆదాయంతో పాటు ఖర్చులు కూడా అధికంగా ఉంటాయని పండితులు సూచిస్తున్నారు. ఈ సంవత్సరం ప్రథమార్థంలో ధనస్సు రాశి వారు కొత్తగా అప్పులు చేయకుండా ఉండటం మంచిదని సూచిస్తున్నారు. ఇక ద్వితీయార్థంలో వీరికి ఆర్థికపరమైన విషయాల్లో అద్బుతంగా ఉంటుందట.
ఈ పరాభవ నామ సంవత్సరంలో ధనస్సు రాశి వారు ఆరోగ్య సమస్యల విషయంలో జాగ్రత్తగా ఉండాలని హెచ్చరిస్తున్నారు. ఈ రాశి వారికి మానసిక ఆందోళన ఉంటుందని అలాగే నిద్రలేమితో బాధపడాల్సి వస్తుందటని హెచ్చరిస్తున్నారు. చాతీ, లేదా పొట్ట సమస్యలు వచ్చే అవకాశం ఉందట. అలాగే తల్లి ఆరోగ్య కూడా క్షీణించే అవకాశం ఉందట. అందుకే జాగ్రత్తగా ఉండాలని సూచిపస్తున్నారు. వీళ్లు యోగా, ధ్యానం లాంటివి చేయడం అవసరమని తెలియజేస్తున్నారు.
ఈ రాశి వారికి ఈ సంవత్సరం కుటుంబంలో ప్రశాంతత లోపిస్తుంది. ప్రథమార్థంలో కుటుంబ సభ్యుల మధ్య చిన్న చిన్న అపార్థాలు వచ్చే అవకాశం ఉంటుంది. అయితే సంవత్సరం చివరలో ఇంట్లో శుభకార్యాలు జరిగే అవకాశం ఉంది. దూర ప్రయాణాలు చేసే సూచనలు ఉన్నట్టు పండితులు చెప్తున్నారు.
ఈ రాశి వారు మరిన్ని మంచి ఫలితాల కోసం శనివారం శని దేవుడికి తైలాభిషేకం చేయించుకోవాలి. అలాగే ప్రతి నిత్యం హనుమాన్‌ చాలీసా పారాయణ చేయాలి. గురువారం దక్షిణమూర్తి దర్శనం చేసుకోవాలి. శనగల దానం చేయాలి. సోమవారం శివాలయంలో శివుడికి రుద్రాభిషేకం చేయించుకోవాలి.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Agriculture Drones: అన్నదాతలకు శుభవార్త.. తెలంగాణ రాష్ట్రంలో ప్రతి జిల్లాకు 10 డ్రోన్లు!
Nayanthara: సీనియర్ స్టార్స్ కి కేరాఫ్ అడ్రస్.. మరో స్టార్ హీరో సరసన అవకాశం!
