Medak: సినిమా సీన్ని తలపించేలా నడిరోడ్డుపై ఒక నూతన వధువును సొంత కుటుంబ సభ్యులే కిడ్నాప్ చేసిన ఘటన మెదక్ జిల్లాలో కలకలం రేపింది. ఎల్లాపూర్ గ్రామానికి చెందిన ప్రణయ్ అనే యువకుడు, అదే ప్రాంతానికి చెందిన యువతి వేర్వేరు కులాలు కావడంతో పెద్దలను ఎదిరించి ఈ నెల 6న ప్రేమ వివాహం చేసుకున్నారు. రక్షణ కోసం వారు పోలీసులను ఆశ్రయించగా, స్టేషన్లో ఇరువర్గాలకు కౌన్సిలింగ్ కూడా ఇచ్చారు.
అయితే అంతా సర్దుకుందనుకునే లోపే, అమ్మాయి బంధువులు నాలుగు కార్లలో వచ్చి లాఠీలతో బీభత్సం సృష్టించారు. ప్రణయ్ ఇంటిపై దాడి చేసి, నూతన వధువును బలవంతంగా కారులో ఎక్కించుకుని పరారయ్యారు. కౌన్సిలింగ్ జరిగిన రోజే ఇంత జరిగినా పోలీసులు సకాలంలో స్పందించడం లేదని వరుడి కుటుంబం ఆవేదన వ్యక్తం చేస్తోంది. తన భార్య ప్రాణాలకు ముప్పు ఉందని, ఎలాగైనా కాపాడాలంటూ ప్రణయ్ కన్నీరుమున్నీరవుతున్నాడు.
Share
వర్షాకాలం స్పెషల్.. ఇమ్యూనిటీ పెంచే అల్లం-వెల్లుల్లి సూప్ రెసిపీ!
వర్షాకాలంలో జిడ్డు చర్మం, మొటిమలతో ఇబ్బంది పడుతున్నారా?
