Panoramic Train: ఆహా అనిపించే పనోరమిక్ ట్రైన్ జర్నీ, జీవితంలో ఒక్కసారైనా చేయాల్సిందే!

Switzerland Panoramic Train Journey: పనోరమిక్ రైలు ప్రయాణం. అద్భుతమైన ప్రకృతి అందాలను చూసి ఎంజాయ్ చేసేందుకు పలు దేశాల్లో  అందుబాటులో ఉన్నాయి. ముఖ్యంగా స్విట్జర్లాండ్ లో పనోరమిక్ రైలు ప్రయాణాలు పర్యటకులను ఎంతగానో ఆకట్టుకుంటాయి. ఆ దేశంలోని పర్యాటక ప్రాంతాలను కలుపుతూ ఈ పనోరమిక్ రైళ్లు నడుస్తున్నాయి. అందులో అత్యంత అద్భుతమైన రైలు ప్రయాణం గోథార్డ్ పనోరమిక్ ఎక్స్ ప్రెస్ జర్నీ. ఈ రైలు స్విట్జర్లాండ్ ఉత్తర, దక్షిణ ప్రాంతాలను కలుపుతూ, అద్భుతమైన పర్యాటక ప్రాంతాల మీదుగా కొనసాగుతుంది. దేశంలోనే అత్యంత అందమైన రైల్వే మార్గంగా గుర్తింపు తెచ్చుకుంది. లూసర్న్, మాగియోర్ సరస్సులు, అల్ప్స్ పర్వాతాల గుండా ఈ ప్రయాణం ముందుకెళ్తుంది.

లూసెర్న్ నుంచి ప్రయాణం ప్రారంభం

స్విట్జర్లాండ్ లోని సుందరమైన రైలు మార్గాల్లో ఇది ముఖ్యమైనది. గోథార్డ్ రైల్లోని బోగీలు పెద్ద పెద్ద విండోలను కలిగి ఉంటాయి. వీటిలో ఫస్ట్ క్లాస్, సెకెండ్ క్లాస్ సీటింగ్ ను ఎంచుకోవచ్చు. ఈ రైలు సంవత్సరం పొడవునా తన ప్రయాణాన్ని కొనసాగిస్తుంది. లూసెర్న్‌ నుంచి ఈ రైలు ప్రయాణం ప్రారంభం అవుతుంది. ఆర్త్ గోల్డౌ వరకు వెళ్తుంది. మార్గం మధ్యలో అందమైన గ్రామీణ దృశ్యాలతో పాటు చక్కటి లూసెర్న్ సరస్సు కనువిందు చేస్తుంది. ఆ తర్వాత చారిత్రాత్మకమైన గోథార్డ్ మార్గంలో ప్రయాణిస్తుంది. అనేక వంతెనలు, స్పైరల్ సొరంగాల ద్వారా ముందుకు సాగుతుంది. ఈ సమయంలో వాసెన్‌ లోని చర్చిని 3 వేర్వేరు యాంగిల్స్ లో చూసే అవకాశం ఉంటుంది. గోథార్డ్ టన్నెల్ ను 1882లో ప్రారంభించబడింది. ఇది 19వ శతాబ్దపు ఇంజనీరింగ్ అద్భుతానికి నిదర్శనంగా నిలుస్తోంది.

ఆల్ప్స్  పర్వతాల మీదుగా ప్రయాణం

ఈ రైలు టిసినో ప్రాంతంలోని అందమైన దృశ్యాలు చూసి ఎంజాయ్ చేసే అవకాశం కల్పిస్తుంది. నెమ్మదిగా లెవెంటినా లోయకు చేరుకుంటుంది. సుందరమైన జలపాతాలు, ద్రాక్షతోటలు, ఇటాలియన్ శైలి భవనాలు ఆకట్టుకుంటాయి. బెల్లిన్జోనాకు చేరుకున్న తర్వాత ఈ ట్రైన్ ఆల్ప్స్ పర్వతాల మీదుగా కొనసాగుతుంది. ఆ తర్వాత మధ్యయుగం నాటి అనేక కోటలు దర్శనం ఇస్తాయి. చివరగా ఈ రైలు ఇటాలియన్ శైలి గ్రామీణ ప్రాంతాల గుండా, మెరిసే మాగియోర్ సరస్సు ఒడ్డున ఉన్న లోకార్నోకు తీసుకెళుతుంది.

treno Gottardo in its way to Locarno here passing Wassen 04.45 pm pic.twitter.com/ykDNJVJhQu

— SWISS 280 (@SWISS280) February 5, 2024

సుమారు 5 గంటల ప్రయాణం

గోథార్డ్ పనోరమిక్ రైలు ప్రయాణం సుమారు 4 నుంచి 5 గంటల పాటు కొనసాగుతుంది. ఈ ప్రయాణం ప్రతి ఒక్కరి జీవితంలో మర్చిపోలేని అనుభూతులను కలిగిస్తుంది. చారిత్రాత్మక భవనాలతో కూడిన నగరాల గుండా, లోతైన నీలి సరస్సుల వెంట వెళుతుంది. ఆ తర్వాత దేశంలోని కొన్ని ప్రఖ్యాతి చెందిన పర్వత శిఖరాలను పక్క నుంచి కొనసాగుతుంది. యునెస్కో ప్రపంచ వారసత్వ ప్రదేశంగా గుర్తింపు పొందిన బెల్లింజోనా కోటలను చూసే అవకాశం ఉంటుంది. మధ్యధరా శైలి లోకార్నో నగరంలోలో ఈ ప్రయాణం ముగుస్తుంది. స్విట్జర్లాండ్ లోని ఈ ప్రాంతాన్ని, ‘సూర్యుడు ముద్దు పెట్టుకునే మూల’ అని పిలుస్తారు. ప్రతి ఒక్కరు జీవితంలో ఒక్కసారైనా ఈ రైలు ప్రయాణాన్ని చేయాలనకుంటారు.

Read Also: రైలు వస్తుందంటే.. అక్కడ విమానాలు ఆపేస్తారు, విడ్డూరం కాదు అవసరం!

Join WhatsApp Channel

Share

• 
• 
• 
• 
• 
•