Secunderabad Railway Station: ఈ రైళ్లు సికింద్రబాద్‌లో ఆగవు.. ఇకపై చర్లపల్లి, కాచిగూడ నుంచే రాకపోకలు!

Secunderabad Railway Station Latest News: సౌత్ ఇండియాలోనే టాప్ అతిపెద్ద రైల్వే స్టేషన్లలో ఒకటిగా కొనసాగుతోంది సికింద్రాబాద్ రైల్వే స్టేషన్. సుమారు 150 ఏండ్ల చరిత్ర ఉన్న ఈ రైల్వే స్టేషన్ ను పూర్తి స్థాయిలో కూల్చివేసి, అత్యాధునిక హంగులతో పునర్నిస్తోంది రైల్వేశాఖ. సుమారు రూ. 720 కోట్లతో శరవేగంగా నిర్మాణ పనులు కొనసాగుతున్నాయి. ఈ నేపథ్యంలో పనులకు ఎలాంటి ఇబ్బందులు కలగకుండా.. ఇక్కడి నుంచి నడిచే పలు రైళ్లను హైదరాబాద్ లోని ఇతర రైల్వే స్టేషన్లకు షిఫ్ట్ చేశారు. తాజాగా మరో 20 రైళ్లను ఇతర స్టేషన్ల నుంచి నడిపించాలని సౌత్ సెంట్రల్ రైల్వే అధికారులు నిర్ణయం తీసుకున్నారు. ఈ రైళ్లు చర్లపల్లి, కాచిగూడ సహా ఇతర స్టేషన్ల నుంచి రాకపోకలు కొనసాగించనున్నాయి.

సికింద్రాబాద్ నుంచి ఇతర స్టేషన్లకు మార్చిన రైళ్ల వివరాలు:

కాచిగూడకు మళ్లించిన రైళ్లు

⦿ రైలు నంబర్ 12713- విజయవాడ – సికింద్రాబాద్ శాతవాహన ఎక్స్‌ ప్రెస్‌

⦿ రైలు నంబర్ 12714- సికింద్రాబాద్ – విజయవాడ శాతవాహన ఎక్స్‌ ప్రెస్‌

ఉమ్దానగర్‌ కు మళ్లించిన రైళ్లు

⦿ రైలు నంబర్ 20968- పోర్‌బందర్ – సికింద్రాబాద్ ఎక్స్‌ ప్రెస్‌

⦿ రైలు నంబర్ 20967- సికింద్రాబాద్ – పోర్‌బందర్ ఎక్స్‌ ప్రెస్

మల్కాజ్‌గిరికి మళ్లించిన రైళ్లు

⦿ రైలు నంబర్ 77656- సిద్దిపేట – సికింద్రాబాద్ డెము

⦿ రైలు నంబర్ 77653- సికింద్రాబాద్ – సిద్దిపేట డెము

⦿ రైలు నంబర్ 77654- సిద్దిపేట – సికింద్రాబాద్ మల్కాజ్‌గిరి

⦿ రైలు నంబర్ 77655- సికింద్రాబాద్ – సిద్దిపేట డెము