గత కొన్ని సంవత్సరాలుగా భారత్ లో లిక్విడ్ పెట్రోలియం గ్యాస్ (LPG) వినియోగం భారీగా పెరిగింది. లక్షలాది గృహాలకు, రోజువారీ వంట కోసం LPG ప్రధాన ఇంధనంగా మారింది. మరుమూల ప్రాంతాల్లోనూ ఇప్పుడు గ్యాస్ మీదే వంట చేస్తున్నారు. అయితే, గత కొద్ది రోజులులగా ఇరాన్ లో యుద్ధం కొనసాగుతున్న నేపథ్యంలో పెట్రో ఉత్పత్తుల దిగుమతిపై తీవ్ర ప్రభావం పడుతోంది. ఆయిల్ సహా గ్యాస్ సరఫరాకు అంతయారం ఏర్పడింది. ఫలితంగా గ్యాస్ సిలిండర్ల ధరలు పెరిగాయి. పేద, మధ్యతరగతి కుటుంబాలపై భారం పడుతోంది.
పెరుగుతున్న ధరల కారణంగా.. చాలా మంది ఇప్పుడు వంట ఇంధనం కోసం చౌకైన ప్రత్యామ్నాయాల కోసం ఆలోచిస్తున్నారు. అయితే, ఆసక్తికరంగా, దేశంలోని కొన్ని గ్రామాలు, నగరాలు కూడా ఇప్పటికే LPGపై ఆధారపడటాన్ని తగ్గించడం ప్రారంభించాయి. సిలిండర్లను కొనుగోలు చేయడానికి బదులుగా, వారు ప్రత్యామ్నాయ మార్గాలో సొంత గ్యాస్ ను తయారు చేస్తుంటున్నారు. సేంద్రీయ వ్యర్థాలను ఉపయోగించి ఈ గ్యాస్ ను ప్రొడ్యూస్ చేస్తున్నారు.
LPGకి ప్రత్యామ్నాయ ఇంధనం బయోగ్యాస్. బయోగ్యాస్ అనేది పునరుత్పాదక ఇంధన వనరు. ఇది సేంద్రీయ పదార్థాల నుంచి తయారవుతుంది. ముఖ్యంగా పశువుల పేడ, కిచెన్ వేస్ట్.. ముఖ్యంగా కూరగాయల తొక్కలు, మిగిలిపోయిన ఆహారం, వ్యవసాయ వ్యర్థాలతో ఈ గ్యాస్ తయారవుతుంది. బయోగ్యాస్ డైజెస్టర్ అని పిలిచే సీలు చేసిన ట్యాంక్ లో ఈ వ్యర్థాలను వేస్తారు. డైజెస్టర్ లోపల, ఆక్సిజన్ లేనప్పుడు బ్యాక్టీరియా సేంద్రియ పదార్థాన్ని విచ్ఛిన్నం చేస్తుంది. ఈ సహజ ప్రక్రియలో మీథేన్ గ్యాస్ ఉత్పత్తి అవుతుంది. ఈ మీథేన్ అధికంగా ఉండే వాయువును సేకరించి పైప్ లైన్ ద్వారా నేరుగా వంటగది స్టవ్ కు పంపవచ్చు. ఈ గ్యాస్ LPG లాగా మండుతుంది. వంట కోసం ఉపయోగించవచ్చు. ట్యాంక్ లో మిగిలి ఉన్న వ్యర్థాలు వ్యవసాయానికి అద్భుతమైన సేంద్రీయ ఎరువుగా కూడా ఉపయోగించవచ్చు.
దేశంలోని అనేక గ్రామాలు చాలా సంవత్సరాలుగా బయోగ్యాస్ ను ఉపయోగిస్తున్నాయి. కర్ణాటకలోని పురా ఇందుకు బెస్ట్ ఎగ్జాంపుల్. ఈ గ్రామంలో, చాలా గృహాలు తమ సొంత వంట గ్యాస్ ఉత్పత్తి చేయడానికి పశువుల పేడ, సేంద్రీయ వ్యర్థాలను ఉపయోగిస్తాయి. ఇళ్ళు, పొలాల దగ్గర చిన్న బయోగ్యాస్ ప్లాంట్లు ఏర్పాటు చేసుకున్నారు. ఆవులు, గేదెల పేడను సేకరించి బయోగ్యాస్ ప్లాంట్ లో వేస్తారు. ఉత్పత్తి అయ్యే గ్యాస్ రోజువారీ వంట అవసరాలకు సరిపోతుంది. ఈ పద్దతి కారణంగా, ఈ గ్రామాల్లోని LPG సిలిండర్లపై ఎక్కువగా ఆధారపడవలసిన అవసరం లేదు. అదే సమయంలో వ్యర్థాలను తగ్గించడంలో సహాయపడుతుంది. పరిసరాలను శుభ్రంగా ఉంచుతుంది.
బయోగాస్ టెక్నాలజీ గ్రామాలకే పరిమితం కాలేదు. కొన్ని నగరాలు కూడా ఈ వ్యవస్థ విస్తరించింది. దేశంలోని అత్యంత పరిశుభ్రమైన నగరాల్లో ఒకటైన ఇండోర్, సేంద్రీయ వ్యర్థాలను బయోగ్యాస్గా మార్చే పెద్ద ప్లాంట్లను నిర్మించింది. సిటీలోని ఇండ్లు, మార్కెట్ల నుంచి వ్యర్థాలను, ఇతర బయోడిగ్రేడబుల్ పదార్థాలను సేకరిస్తారు. ఈ వ్యర్థాలను గ్యాస్ను ఉత్పత్తి చేయడానికి ప్రాసెస్ చేస్తుంది. దీనిని వాహనాలు, ఇతర ఎనర్జీ అవసరాలకు ఇంధనంగా ఉపయోగిస్తున్నారు. అటు పూణేలోని హౌసింగ్ సొసైటీలు చిన్న బయోగ్యాస్ ప్లాంట్లను ఏర్పాటు చేశాయి. ఈ సొసైటీల్లోని నివాస గృహాల నుంచి కిచెన్ వేస్ట్ ను సేకరించి వంట, వేడి నీటి కోసం గ్యాస్ గా మారుస్తాయి. ఈ విధానం చెత్త మొత్తాన్ని తగ్గించడమే కాకుండా ఉపయోగకరమైన పవర్ ను ఉత్పత్తి చేస్తుంది.
కేంద్ర ప్రభుత్వం బయోగ్యాస్ టెక్నాలజీని చురుకుగా ప్రోత్సహిస్తోంది. పునరుత్పాదక ఇంధన మంత్రిత్వ శాఖ (MNRE) బయోగ్యాస్ ప్లాంట్లను ఏర్పాటు చేయడానికి ఆర్థిక సహాయం, సబ్సిడీలను అందిస్తుంది. ముఖ్యంగా గ్రామీణ ప్రాంతాల్లో ఈ వ్యవస్థలకు ఎక్కువ సపోర్టు చేస్తుంది.
మీరు కూడా ఇలాంటి పరిశ్రమ పెట్టుకోవచ్చు. ప్రభుత్వం సాయం చేస్తుంది. అలా చెయ్యాలి అంటే.. మీరు తప్పకుండా ఆ నగరాలు, గ్రామలకు వెళ్లి దాన్ని స్టడీ చేయడం ఉత్తమం. కాబట్టి.. సరదాగా ట్రావెల్ బ్యాగ్ సర్దుకుని బిజినెస్ ఐడియాతో తిరిగి రండి!
Read Also: ఇది ప్రపంచంలోనే లాంగెస్ట్ నాన్ స్టాప్ ఫ్లైట్.. దీని లోపల ఎలా ఉంటుందో తెలుసా? అద్భుతం అంతే!
Share
Jayasudha Emotional: భర్త మరణం వెనుక అసలు నిజం చెబుతూ ఎమోషన్ అయిన జయసుధ.. పాపం..
Tirumala News: శ్రీవారి భక్తులకు శుభవార్త.. ఆన్లైన్లో శ్రీవారి డాలర్లు, ఇంకెందుకు ఆలస్యం
